Ayrılıq belə düşdü
131
XIX
DİN İÇİNDƏ DİN BƏSLƏNDİ
Yenə zülüm, sitəm gəldi,
Dəyişdi hallar, ay Allah!
Tutuldu bərələr, bəndlər,
Bağlandı yollar, ay Allah!
Xaçpərəst vurdu düyünü,
Qəm çulğadı ömrü-günü.
Yasaq oldu İslam dini,
Çatıldı qollar, ay Allah!
Nə varsa məscid, məqbərə,
Sökülüb, töküldü yerə.
Ziyarətgah sərhədlərə,
Çatmadı əllər, ay Allah!
Çıxdı Allahsız bileti,
Yox etdi hər bir adəti.
Din əhli dinmədi qəti,
Lal oldu dillər, ay Allah!
Oxucum, – bir anlıq dönək keçmişə,
Keçmiş bizə dərs veribdi həmişə.
Yada salaq sovet sədri Zeynəbi,
Yada salaq o zamankı tələbi.
Sərraf Şiruyə
132
Şimala, cənuba bölünən ölkə,
Əsarət halında sürünən ölkə.
Qırmızı İmperiya zəncirindəydi,
Hökümlər, qərarlar çox dərindəydi.
“Kulak”lıq, sürgünlük baş alıb, gedir,
Səbəblər, günahlar bilmirsən nədir?
Harda səbəb soran bir nəfər varsa,
Döyülür, söyülür salınır qarsa.
1
Hakimlik eyləyir komsomolçular,
Talayır hər yanı bu soyğunçular.
Əlindən alınıb hər kəsin varı,
Yoxdur özündə də öz ixtiyarı.
Yaşaya da bilməz öz adətincə,
Quldarlıq, qulluqdu bu hallar məncə...
Yasaq olunubdu adət, ənənə,
Cəzalar verilir Allah deyənə.
– Allahsız bileti paylanır xalqa,
Haqsız qılınc tutur İlahi, haqqa.
1
O vaxtkı türmə nəzərdə tutulur.
|
