Ilmiy ishlar va innovatsiyalar boʻyicha prorektor (U.Marasulova)
№ 3/5.3. Shahrisabz davlat pedagogika instituti magistratura mutaxassisliklariga 2023/2024 -o‘quv yilida qabul qilingan magistrlarning dissertatsiya mavzulari va ilmiy rahbarlarini tasdiqlash hamda ayrim magistrlarning ilmiy rahbarlarini o‘zgartirish to‘g‘risida
“Shahrisabz davlat pedagogika instituti magistratura mutaxassisliklariga 2023/2024 -o‘quv yilida qabul qilingan magistrlarning dissertatsiya mavzulari va ilmiy rahbarlarini tasdiqlash hamda ayrim magistrlarning ilmiy rahbarlarini o‘zgartirish to‘g‘risida”gi masala yuzasidan Ilmiy ishlar va innovatsiyalar bo‘yicha prorektor U. Marasulovaning axboroti ma’lumot uchun qabul qilinsin.
2023/2024-o‘quv yilida Institutning magistratura mutaxassisliklariga qabul qilingan magistrlarning dissertatsiya mavzulari va ilmiy rahbarlari 1-ilovaga muvofiq;
2023/2024-o‘quv yilida magistratura mutaxassisliklari boʻyicha ilmiy rahbarlari o‘zgargan magistrlar 2-ilovaga muvofiq tasdiqlansin.
Magistrlik dissertatsiya mavzulari sifati, ilmiyligi, xalq-xo‘jaligi ehtiyojlariga mosligini ta’minlash kafedra mudirlari va ilmiy rahbarlarga yuklatilsin.
Ilmiy ishlar va innovatsiyalar boʻyicha prorektor (U.Marasulova)
№ 3/5.4. Institut rektorining 2022 - yil 8 - oktabrdagi 18 - U sonli buyrugʻi ijrosi yuzasidan Shahrisabz davlat pedagogika instituti professor-o‘qituvchilarining ilmiy va ilmiy uslubiy sohasidagi yuqori ko‘rsatkichlari (KPI da belgilangandan yuqori) va ilmiy darajali professor-o‘qituvchilarni rag‘batlantirishga tavsiya etish to‘g‘risida
“Institut rektorining 2022 - yil 8 - oktabrdagi 18 - U sonli buyrugʻi ijrosi yuzasidan Shahrisabz davlat pedagogika instituti professor-o‘qituvchilarining ilmiy va ilmiy uslubiy sohasidagi yuqori ko‘rsatkichlari (KPI da belgilangandan yuqori ) va ilmiy darajali professor-o‘qituvchilarni rag‘batlantirishga tavsiya etish to‘g‘risida”gi masala yuzasidan Ilmiy ishlar va innovatsiyalar boʻyicha prorektor U.Marasulovaning axboroti ma’lumot uchun qabul qilinsin.
Institut rektorining 2022 - yil 8-oktabrdagi “Shahrisabz davlat pedagogika instituti professor-oʻqituvchilarning ilmiy va ilmiy uslubiy sohasidagi yuqori koʻrsatkichlari (KPI da belgilangandan yuqori) va ilmiy darajali professor-oʻqituvchilarni ragʻbatlantirish toʻgʻrisida”gi 18 - U sonli buyrugʻi 2 - bandi ijrosiga koʻra quyidagi professor-oʻqituvchilar:
Oʻzbek tili va adabiyoti kafedrasi katta oʻqituvchisi M.Namazova filologiya fanlari boʻyicha falsafa doktori (PhD) ilmiy darajasini olganligi sababli 100 barobar bazaviy hisoblash miqdorida (5 yil ishlab berish sharti bilan 12 oy davomida boʻlib to‘lash);
Ijtimoiy fanlar kafedrasi oʻqituvchisi H.Bekmurodova psixologiya fanlari boʻyicha falsafa doktori (PhD) ilmiy darajasini olganligi sababli 100 barobar bazaviy hisoblash miqdorida (5 yil ishlab berish sharti bilan 12 oy davomida boʻlib to‘lash) ragʻbatlantirilsin.
18 - U sonli buyruqning 3-bandi ijrosiga koʻra:
Maktabgacha ta’lim kafedrasi katta oʻqituvchisi Ashirova Sojida Bahromovna Oliy ta’lim, fan va innovatsiyalar vazirligining 2023-yil
29-sentabrdagi 438 -sonli buyrugʻiga asosan “Bolalar jismoniy tarbiyasi nazariyasi va texnologiyalari” nomli o‘quv qo‘llanmasiga nashr ruxsatnomasini olganligi sababli 50 barobar bazaviy hisoblash miqdorida;
Pedagogika fakulteti dekani M.Imomov, Maktabgacha ta’lim kafedrasi mudiri v.b. Arzikulova Surayyo Fayzullayevna, Maktabgacha ta’lim kafedrasi katta oʻqituvchisi Alikulova Muhayyo Sherovnalar hammuallifligidagi o‘quv qo‘llanmasiga Oliy ta’lim, fan va innovatsiyalar vazirligining 2023-yil
17-iyuldagi 314 - sonli buyrugʻiga asosan nashr ruxsatnomasini olganligi sababli 50 barobar bazaviy hisoblash miqdorida mualliflarga teng taqsimlangan holda (50:3) ragʻbatlantirilsin.
Institut professor-oʻqituvchilari o‘quv adabiyotlariga vazirlikning buyrugʻiga asosan nashr ruxsatnomasini olgandan soʻng, nashr ettirgan oʻquv adabiyotini taqdim etgach, Institut rektorining 2022 - yil 8 - oktabrdagi 18 - U sonli buyrugʻida belgilangan miqdorda ragʻbatlantirishga tavsiya etish belgilab qoʻyilsin.
