Shukurullo mardonov umida zokirova

Sinolarning ta’lim-tarbiyaga oid qarashlari)
Reja:
1. Sharq uyg‘onish davrida ilm-fan, madaniyat.
2. Al-Xorazmiyning ilmiy merosi va uning didaktik qarashlari.
3. Al-Forobiyning ijtimoiy - pedagogik qarashlari va uning ilmiy 
pedagogik merosidan foydalanish.
4. Beruniyning ilmiy merosi va uning pedagogika fani taraq-
qiyotidagi urni.
5. Ibn Sino ta’lim-tarbiya haqida
Tayanch tushunchalar: 
falakiyot va matematikaga doir asarlar; “Er 
sathni o‘lchash, ta’lim-tarbiya, fikriy-xulqiy. Fazilat Muallim as soniy; 
Qadimgi xalqlardan qolgan yodgorliklar; “Hindiston”, “Shayx ar Rais”, 
“Donishnoma”, jasurlik, chidamlilik, aqllilik, ziyraklik.
3.1. Sharq uyg‘onish davrida ilm-fan, madaniyat
Arab xalifaligida yuz bergan ijtimoiiy-siyosiy o‘zgarishlar, yagona 
Islom dinining tarkib topishi madaniy hayotga ham ta’sir etdi. IX asrda 
Sharq mamlakatlarida boshlangan va madaniy hayotda yuz bergan 
ko‘tarinkilik ma’naviy hayotda ham o‘zgarishlar bo‘lishiga olib keldi.
Ana shu ko‘tarilish butun Arab xalifaligini, Yakin va o‘rta sharqni 
qamrab olganligi uchun xam Sharq Uyg‘onish davri deb ataldi. Bu 
uyg‘onish jarayoni IX asrlardan boshlanib XV-XVI asrlargacha davom 
etdi.
Bu jarayonda arab xalqlari bilan birga Eron, Kavkaz orti, Shimoliy 
Afrika, Markaziy Osiyo olimlari ham ishtirok etdilar. Chunki Arab 
xalifaligida IX asrda vujudga kelgan uygonish davri xalifaligning 
Bag‘dod, Damashk, Xalab shaharlarida boshlanib, barcha boshka 
xalqlar madaniy hayotiga tarkaladi, bu esa u davlatlarda ham madaniy 
rivojlanishga zamin tayyorlaydi va bu jarayonni boshlab beradi.
Buni biz xalifa Xorun ar-Rashid davrida (786-833), so‘ng uning 

---

45
o‘g‘li al-Ma’mun davrida Bag‘dodda “Baytul hikma” (“Donishmandlik 
uyi”), hozirgi davrda Akademiya ma’nosida tashkil etilganidan 
ham bilsak bo‘ladi. Mazkur Akademiya 813-833-yillarda yanada 
rivojlanagan. Akademiya qoshida rasadxona ham bo‘lgan, yangi 
kutubxona qurilgan. Bag‘doddagi mazkur ilm markazi, o‘z navbatida 
Sharq va G’arbda ilm-fanning taraqqiy etishiga, ma’naviy hayotning 
rivojlanishiga ta’sir etgan, bu haqida mazkur “Baytul hikma” ning 
ilmiy ishlarga rahbarlik qilgan al-Xorazmiy xalifa al-Ma’munning ilm-
fan ravnaqiga qay darajada homiylik qilganini “Al-jabr va al-muqobala 
hisobi haqida” asarida shunday ta’riflagan: “Olloh Imom al-Ma’munga. 
Unga meros bo‘lib qolgan xalifalik lavozimini in’om qilib, muruvvat 
etganligi, bu lavozim libosini kiydirib, uni bezaganligi va shu bilan 
birga unda fanlarga muhabbat va olimlarni o‘ziga yaqin tutishga intilish 
(hissiyotini) o‘yg‘otganligi menga jasorat ato qildi, (chunki u) ularning 
ustiga o‘z homiylik qanotini yozib, ularga noaniq bo‘lgan narsalarni 
yoritishga va ular uchun mushkul bo‘lgan narsalarni osonlashtirishga 
yordamlashadi”.
Xorun ar-Rashidning ikkinchi o‘g‘li al-Ma’mun ilm-fanni juda 
qadrlagan. U IX asr boshlarida xalifalikning Hurosondagi noibi 
bo‘lib turganda ham Movarounnahr va Xurosondagi olimlarni to‘plab, 
ularning ilmiy ijodiga sharoit yaratib bergan. Bular orasida al-Xorazmiy, 
al-Xuttaliy, al-Javxariy, al-Farg‘oniy, al-Marvaziy kabi vatandosh 
olimlarning barchasini Bag‘dodga chaqirib oladi va “Baytul hikma” 
- donishmandlik uyi (“Ma’mun akademiyasi”)da arab olimlari bilan 
hamkorlikda ilm-fan ravnaq topadi.
Shuningdek, Sharq Uyg‘onish davrining paydo bo‘lishida asosiy 
manba qadimgi yaratilgan madaniy yodgorliklar ham bo‘lib, ular 
xoh yunon, xoh arab, xoh Movarounnahr va Huroson xalqining eng 
qadimgi antik davrlar madaniy yodgorliklari ham bo‘lsin, Uyg‘onish 
davri madaniyatining yaratilishi va rivojlanishiga asos bo‘lib hizmat 
qildi. Bular bilan birga, yana eng muhim tomoni ham borki, IX-XV 
asrlarda Yaqin va o‘rta Sharqda ijtimoiy-iqtisodiy, siyosiy o‘zgarishlar 
yuz berdi va bu o‘zgarishlar natijasida Uyg‘onish davri kabi muhim bir 
jarayonni vujudga keltirdi.
Zero, agar arablar Markaziy Osiyoni bosib olib, bu erdan ilgari 
mav jud bo‘lgan fan va madaniyat o‘choqlarini yo‘qotgan bo‘lsalar, 
ko‘p o‘tmay qadimiy ilmiy an’ana asta-sekin tiklanib, natijada ilm-

---

46
fanning etuk siymolari etishib chiqa boshladi. Bularning barchasi bir-
biriga qo‘shiluvi natijasida Sharqda bir butun madaniyat tarkib topadi 
va rivojlana boshladi. Yaqin va O‘rta Sharqda, jumladan, Eron, Kakaz 
orti va Movarounnahrda savdo aloqalarining rivojlanganligi, ilm-fan, 
hunarmandchilikning taraqqiy etishi moddiy va madaniy aloqalarning 
barchasi umumiy rivojlanishga ta’sir etdi.
Bu davrda qishloq xo‘jaligida foydalaniladigan er maydonlari 
ken gaydi, ko‘plab sug‘oriladigan erlar ochildi, sug‘orish inshootlari 
tiklandi, yangilari kurildi, paxta, zig‘ir, kanop ekilib, ularning tolasidan 
mato to‘kildi. Movarounnahr, xususan, Xorazm, Urganch, Farg‘ona, 
Samarqand va Buxoro to‘kimachilik maxsulotlari, ayniksa, Samarqand 
va Buxoro shoyisi dunyoga mashhur bo‘lgan.
Qishlok xo‘jaligi, hunarmandchilik va savdoning rivojlanishiga yo‘l 
ochildi. Natijada Yakin va o‘rta Sharq davlatlari: Rossiya, Ispaniya, 
Hindiston, Xitoy, Vizantiya bilan savdo ishlari olib borildi.
Taniqli olim F.Sulaymonova Shark madaniyatining Ispaniyaga va u 
orqali Ovrupoga ta’siri haqida gapirar ekan, “Pireney yarim orolining 
arablar tomonidan bosib olinishi insoniyat tarixining yang yangi 
sahifalarini ochib berdi. Makedoniyalik Alekesandr orzu kilgan Sharq 
va G’arbning yangi davri boshlandi. Bu jarayonning, ayniksa, Ovrupo 
uchun ahamiyati beqiyos bo‘ldi. Sharq faqatgina Ovrupo mada-
niyatining rivojiga ta’sir etibgana qolmay, balki umuman, Ovrupolik 
odamning psixologiyasi, tafakkuri, xarakteri, hayot tarzini, tarixiy 
jarayonini tubdan o‘zgartirib yubordi”, - deydi va matematika, falsafa, 
astronomiya, tabiat, tibbiyot, xulq-odob, turmish tarzi, ijtimoiy iqtisodiy 
hayotiga qay darajada ta’sir etganligiga ishonarli dalillar keltiradi.
X asrdan boshlab Movarounnahr va Hurosonda mustaqil feodal 
davlatlari - Toxiriylar, Somoniylar, Qoraxoniylar, G’aznaviylar, Salju-
qiylar, Xorazmshoxlar davlatlarining paydo bo‘lishi va xalifalik 
emirilishi ham madaniy hayotning orqaga ketishiga emas, balki yanada 
ravnak topishiga olib keldi. Bu davrda pul muomalasi rivojlanadi. 
Jamiyat siyosiy, ijtimoiy-iqtisodiy hayotidagi o‘zgarishlar, albatta 
madaniy hayotga o‘z ta’sirini o‘tkazmasdan qolmadi.
Somoniylar davlatida Marv, Buxoro, Samarqand va Urganch o‘sha 
davrning madaniy markazlari sanalardi. Bu davrda arab tili ilmiy va 
aloqa tili edi. Maktablarda darslar arab tilida olib borilar edi. Rasmiy 
hujjatlar, shariat qoidalari arab tilida yuritilar edi. Ilmiy asarlar ham 

---

47
arab tilida yozilar edi. X asr o‘rtalariga kelib, fors-tojik tilida ham ish 
yuritila boshlandi. Ammo yoziladigan hujjatlar, ishlar fors-tojik tilida 
bo‘lsa ham, arab imlosida yozilar edi.
Bu shaharlardagi maktablarga hatto tevarak-atrofdagi qishloqlardan 
oddiy xalq bolalari ham kelib o‘qiganligi manbalarda keltiriladi. O‘sha 
davrda Buxoroda katta kitob bozori bo‘lgan, kitob do‘konlarida olim 
va fozil kishilar uchrashib, ilmiy muloqat, munozaralar o‘tgan.
Abu Ali ibn Sino kitob do‘konlaridan birida Abu Nasr Forobiyning 
Aristotel “Metafmzika”siga yozgan sharhlarini sotib olganligini tarjimai 
holida hikoya qiladi.
Buxoro amiri saroyida esa yirik kutubxona mavjud bo‘lgan. Amir 
kutub xonasini o‘sha davrdata Sheroz kutubxonasi bilan bellasha ola-
digan yagona kutubxona sifatida tan olganlar. Chunki Sheroz kutub-
xonasida kitoblar maxsus javonlarda saqlansa, amir kutubxonasida esa 
sandiqlarda saqlangan.
Bu davrda hind, eron, arab-yunon tillaridan tibbiyot, astronomiya, 
matematika, mantiq, psixologiya, falsafaga oid asarlar tarjima qilinishi 
shu sohaga oid bilimlarning rivojlanishiga ta’sir etdi. Eronlik Abdulla 
ibn al-Mukaffo (724-750) yozuvchi, pedagog, olim va tarjimon sifatida 
salmoqli ishlar qildi. U “Buyuk ishlar uchun nasihatlar” va “Kichik 
ishlar uchun nasihatlar” asarlarini yaratgan, paxlaviy tilidan hindlarning 
“Kalila va Dimna” didaktik asarini, “Shohlar kitobi”, “Mazdak”, 
“Oynoma”ni arab tiliga tarjima qilgan. Aristotelning “Kategoriya”, 
“Talqin haqida” va boshqa asarlarini ham arab tiliga tarjima qilgan. Ibn 
al-Mukaffo 750-yilda Moniy targ‘iboti tarifdorlari sifatida qatl etiladi.
Qadimgi yunoniston olimlari Platon, Aristotel, Gippokrat, Galen, 
Evklid, Ptolomey, Arximed va boshqalarning asarlari fors tilidan, ba-
diiy-didaktik asarlar “Kalila va Dimna”, “Fors shohlari hayoti” hind tili-
dan, hind dorilari va ularning nomlari “Saorad”, “Siddxanta”, “Nabotiy 
dehqonchiligi to‘g‘risida kitob” va boshqa kitoblar tarjima qilindi.
Somoniylar davrida Rudakiy, Firdavsiy, al-Xorazmiy, al-Farg‘oniy, 
Abu Rayhon Beruniy, Abu Ali ibn Sino kabi mutafakkirlar ijod etganlar.
X asrning ikkinchi yarmidan tashkil topgan Qoraxoniylar davla tida 
ba’zi xonlar o‘z saroylarida kutubxonalar tashkil etdilar. Bu kutub-
xonalarda arab va hatto G’arbiy Yevropa olimlarining asarlari ham 
mavjud edi. Bu davrda turkiy til shakllanib bordi. Yusuf Xos Hojib, 
Mahmud Qoshg‘ariy kabi olimlar jahon ahamiyatiga ega bo‘lgan 

---

48
asarlarini yaratdilar. XI asr boshida G’aznaviylar davlati, keyinroq 
Saljuqiylar. Xorazmshohlar davlati ham tashkil topdi. G’aznaviylar 
davrida ham ilmiy, ijtimoy fikrlar rivojlandi. Mahmud G’aznaviy o‘z 
saroyiga juda katta madaniy boyliklarni to‘playdi, olimlarni ilmiy ishga 
taklif etadi. Jumladan, Abu Rayhon Beruniyning mashhur “Hindiston” 
asari shu erda yaratilgan edi.
Saljuqiylar davrida Ali-Arslon Muhammad hokimiyatni boshqar-
ganda uning vaziri Nizom ul-Mulk o‘z davrining mashhur siyosiy arbobi 
va eng ma’rifatparvar kishilaridan bo‘lgan. Saljuqiylar hokimiyati 
harbiylashgan bo‘lib, bu hokimiyatning ichki va tashqi siyosatini 
Nizom ul-Mulk boshqarar edi.
U G’aznaviylar ish uslubiga bir oz o‘zgartirishlar kiritib, hokimiyatni 
boshqarish uslubini ishlab chiqadi va o‘zining “Siyosatnoma” asarini 
yaratadi (1091-92). Bu asarda davlatni boshqarish tamoyillari bayon 
etiladi.
Nizom ul-Mulk maorifni rivojlantirishda katta xizmat qildi. U 
1067-yilda Bag‘dodda o‘zining shaxsiy jamg‘armasiga o‘sha davrning 
eng mashhur o‘quv yurti – “Nizomiya” madrasasini qurdiradi. U olimlar, 
din peshvolari, so‘fiylarga katta e’tibor berib, g‘amxo‘rlik qiladi. Uning 
katta xizmatlaridan yana biri taqvimni isloh qiladi. U 1074-yili o‘rta 
Sharq mamlakatlari uchun kalendar-taqvim tuzadiki, bu taqvim hozirgi 
eng takomillashgan kalendarlardan hisoblanadi.
XI asrda Xorazmda ilm-fan ayniqsa taraqqiy etdi. Xorazm shohi 
Ma’mun o‘z saroyiga eng zabardast olimlarni taklif etadi. U tashkil etgan 
“Baytul hikmat”- Donishmandlar uyi tarixda “Ma’mun akademiyasi” 
deb nom qoldirgan. Bu akademiyaning rivoj topishida Abu Rayhon 
Beruniy, Abu Ali ibn Sino, tarixchi Miskavayx, riyoziyotchi Abu Nasr 
ibn Iroq, faylasuf Abu Saql al-Masixiy, tabib Abulxayr Xammor kabi 
olimlar ilmiy ijodlar bilan muqim rol o‘ynadilar. Lekin toj-taxt uchun 
kurash natijasida bu ilm dargoqi o‘z faoliyatini to‘xtatib, olimlar 
tarqalib ketadi.
XIII asrga kelib, o‘rta Sharq mamlakatlari, Movarounnahr mo‘g‘ullar 
istibdodiga uchradi. Bu davrda ishlab chiqarish kuchlari, madaniy 
markazlari vayron etildi. Xalq qattiq zulm ostida ezila boshladi.
Movarounnahr va Hurosonda mo‘g‘ullar istibdodi davrida 
“Uyg‘onish” davri tanazzulga yuz tutdi.
Sharq uyg‘onish davri madaniy rivojlanishida ilm-fan shartli ra-

---

49
vishda uch yo‘nalishda rivojlanganini ko‘ramiz. Birinni yo‘nalish - 
matematika, tibbiyot yo‘nalishidagi fanlar bo‘lib, bularga matematika, 
astronomiya, kimyo, geografiya, geodeziya, minerologiya, tibbiyot, 
farmakologiya va boshqa shularga turdosh fanlar kiritilib, Muhammad 
Muso al-Xorazmiy, Ahmad Farg‘oniylar matematikaga oid, Zakriyo 
ar-Roziy kimyo va tibbiyotga oid, ibn Sino, Jurjoniylar tibbiyot va 
falsafa, Abu Rayhon Beruniy, Ulug‘bek, Ali Qushchilar astronomiya 
va tibbiyotga oid yirik asarlar yaratdilar.
Birinchi yo‘nalish - ijtimoiy-falsafiy yo‘nalish bo‘lib, bunda falsafa, 
texnika, mantiq, fikh, ruxshunoslik, notiqlik va boshqa sohalar bo‘lib, 
bu sohada al-Farobiy, al-Kindiy, ibn Rusht, ibn Sino, Zahiriddin Bay-
hakiy, Muhammad Narshaxiy va boshqalarni ko‘rsatish mumkin. Lekin 
biz yuqorida zikr etgan olimlar qomusiy olimlar bo‘lib, asosiy kashf 
etgan ilm sohalari bilan bir qatorda boshqa bir necha fanlarga doir 
tadqiqotlar olib borganlar.
Uchinchi yo‘nalish - ta’limiy-axloqiy yo‘nalish bo‘lib, bu sohada 
qomusiy olimlar o‘z qarashlarini ijtimoiy-falsafiy asarlarida ifodalaydilar. 
Mazkur davrda ilmiy bilishga asoslanuvchi metod shakllandi. Natijada 
aqliy tarbiya olimlar diqqat markazida bo‘ldi: Xorazmiy, Forobiylar bu 
metodni asoslab bergan buyuk mutafakkirlar bo‘lsalar, ular bilan bir 
qatorda o‘sha davrda yaratilgan barcha ta’limiy-axloqiy risolalarda ham 
aqliy tarbiyada zehnni tarbiyalash, aqliy kamolat yo‘llari, bilimning asl 
mohiyatlarini yortishga harakat qildilar.
Mutafakkirlarning o‘z ishlarida o‘qitish va ta’lim-tarbiyaga e’tibori 
nati jasida ta’limiy-axloqiy masalalarga qiziqish orta bordi. Aniq 
fanlarni o‘qitishning uslubiy masalalariga ayniqsa e’tibor kuchaydi. 
Peda gogika sohasida inson va uning kamoloti bilan bog‘liq muammo 
asosiy o‘rin egallaydi. Ta’limiy-axloqiy asarlarda bir tomondan inson 
aqli, uning quvvati, ilm-fanni egallashi, xushxulq bo‘lishi ifodalansa, 
ikkin chi tomondan bu ifodalar ta’limiy-axloqiy asarlarda o‘zining 
badiiy ifodasini topadi. Mutafakkirlar ta’lim-tarbiyaga oid fikrlarida 
inson kamolati baxt-saodatga erishish uchun sharoit yaratish degan 
g‘oya ni ilgari surish bilan bog‘lab talqin etadilar.
Xulosa qilib aytganda, markazlashgan Arab xalifaligida ilm-fan 
taraqqiyoti, ijtimoiy-iqtisodiy taraqqiyot va qadimgi ma’naviy yod gor-
liklar Movarounnahr va Hurosonda IX asrlarga kelib ma’naviy ko‘ta-
rilish, Sharq Renessansi - uyg‘onish davrining boshlanishiga olib keldi. 

---

50
Butun Sharq bilan bir qatorda, Movarounnahr ham ilm-fan va ma’rifat 
sohasida o‘z xizmatlari bilan dunyoga mashhur bo‘lgan faylasuf va 
munajjim, matematika, fizika, tibbiyot, tarix, til va adabiyot, pedagogika 
sohasida ilmiy merosi bilan nom qoldirgan al-Xorazmiy, Abu Nasr 
Forobiy, al-Farg‘oniy, Abu Rayhon Beruniy, Abu Ali ibn Sino kabi 
qomusiy olimlar maydonga keldi. Qomusiy olimlar o‘z ilmiy merosida 
ta’limiy-axloqiy asarlar yaratishga ham katta e’tibor berib, bu asarlarda 
ilgari surilgan g‘oyalar insonning ham aqliy, ham axloqiy, estetik va 
jismoniy jihatdan kamol topishida, pedagogik fikr taraqqiyotida katta 
ahamiyatga ega bo‘ladi.
Shuningdek Sharq Uyg‘onish davrida sof pedagogik asarlar yaratib, 
ta’lim-tarbiyada inson takomilining xususiy va umumiy metodlar 
haqida o‘lmas ta’limoti bilan nom qoldirgan, tarbiyashunos olimlar 
ham maydonga chiqdi.
Demak, Uyg‘onish davri inson kamolati muammolari ikki 
yo‘nalishda:
1. Qomusiy olimlar ijodiy merosida komil insonni tarbiyalash 
muam mosi.
2. Sof ta’limiy-axloqiy asarlarda komil insonni tarbiyalash muam-
molari yoritilganini ko‘ramiz.
Quyida biz qomusiy olimlarning ta’lim-tarbiya to‘g‘risidagi fikrlari, 
ma’naviy, axloqiy qarashlari haqida to‘xtalamiz.