Shukurullo mardonov umida zokirova

Maktabgacha ta’lim va tarbiya
(8-modda). Maktabgacha ta’lim va 
tarbiya bolalarni o‘qitish va tarbiyalashga, ularni intellektual, ma’naviy-
axloqiy, etik, estetik va jismoniy jihatdan rivojlantirishga, shuningdek 

---

141
bolalarni umumiy o‘rta ta’limga tayyorlashga qaratilgan ta’lim turi 
bo‘lib, olti yoshdan etti yoshgacha bo‘lgan bolalarni boshlang‘ich 
ta’limga bir-yillik majburiy tayyorlashni ham nazarda tutadi.
Umumiy o‘rta va o‘rta maxsus ta’lim
(9-modda). Umumiy o‘rta 
va o‘rta maxsus ta’lim quyidagi bosqichlarga bo‘linadi:
-boshlang‘ich ta’lim (I-IV sinflar);
-tayanch o‘rta ta’lim (V-IX sinflar); 
-o‘rta ta’lim (X-XI sinflar). 
Umumiy o‘rta ta’lim muassasasining birinchi sinfiga bolalar etti 
yoshga to‘ladigan-yilida qabul qilinadi.
Boshlang‘ich ta’limda ta’lim oluvchilarda umumiy o‘rta ta’limni 
davom ettiriy uchun zarur bo‘lgan savodxonlik, bilim, ko‘nikma va 
malakalar asoslarini shakllantirishga qaratilgan. 
Tayanch o‘rta ta’lim o‘quv dasturiga muvofiq ta’lim oluvchilarga 
bilim, ko‘nikma va malakalarning zaruriy hajmini beradi, ularda 
mustaqil fikrlash va tahlil qilish qobiliyatini rivojlantiradi. Tayanch 
o‘rta ta’lim doirasida (VII sinfdan so‘ng) ta’lim oluvchilarda kasblar 
bo‘yicha birlamchi bilim va ko‘nikmalarni shakllantirish uchun ularni 
professional tashxislash va kasb-hunarga yo‘naltirish bo‘yicha choralar 
amalga oshiriladi.
O‘rta umumiy o‘quv dasturiga muvofiq ta’lim oluvchilar tomonidan 
zarur bilim, ko‘nikma va malakalar o‘zlashtirilishini, shuningdek 
ta’limning keyingi turi tanlanishini hamda yuqori malaka talab 
qilmaydigan kasblar egallanishini ta’minlaydi.
Professional tashxislash va kasb-hunarga yo‘naltirish, shuningdek 
ta’lim oluvchilarni yuqori malaka talab qilmaydigan kasblarga 
tayyorlash tartibi qonun hujjatlarida belgilanadi.
Umumiy o‘rta ta’lim umumiy o‘rta ta’lim tashkilotlarida uzluksiz 
tarzda majburiy bo‘lgan o‘n bir-yil davomida amalga oshiriladi.
O‘rta maxsus ta’lim akademik litseylarda to‘qqiz-yillik tayanch o‘rta 
ta’lim asosida ikki-yil mobaynida amalga oshiriladi va ta’lim oluv-
chilarning intellektual qobiliyatlarining jadal rivojlanishini, shuningdek 
chuqur, tabaqalashtirilgan, kasb-hunarga va shaxsga yo‘naltirilgan 
ta’lim olishini ta’minlaydi.
Nodavlat ta’lim tashkilotlarida umumiy o‘rta va o‘rta maxsus ta’lim 
to‘lov-shartnoma asosida amalga oshirilishi mumkin.
Iqtidorli va iste’dodli bolalarning qobiliyatini rivojlantirish uchun 

---

142
Prezident, ijod va boshqa ixtisoslashtirilgan maktablar, shuningdek 
mak tab-internatlar tashkil etilishi mumkin.
Jismoniy, aqliy, sensor (sezgi) yoki ruhiy nuqsonlari bo‘lgan bolalar, 
shuningdek uzoq vaqt davolanishga muhtoj bo‘lgan bolalar davlat 
ixtisoslashtirilgan ta’lim muassasalarida, umumiy o‘rta va o‘rta maxsus 
ta’lim tashkilotlarida inklyuziv shaklda yoki uy sharoitida yakka 
tartibda ta’lim oladi.
Umumiy o‘rta ta’lim tashkilotlarining sinflarida (guruhlarda) ta’lim 
oluvchilar soni