Sizni kuylayman

ARIQLAR YUZIDA
Ariqlar yuzida  yuzardi  hovur - 
Kumush  baliqlarning  issiq  nafasi.
Qor bosti  chinorlar oxiga  dovur, 
Chinorlar -  qorlarning  soyasi.
Muzlar quchog'ida  isindi  vido,
Uzilgan  tor kabi  ajralishdik biz.
Siz  mag'rur ketdingiz  uygacha,  ammo 
Nechun  yig'lab  bordi  etiklaringiz?..
Derazadan  guldek qaraysiz endi, 
Ko'chadan  kas-nokas o'tadi turfa. 
Achchig'ingiz  kelar,  eslatsa  meni 
Taxmonga  kitobdek taxlangan  ko'rpa.
O'zingizni  aldab yasharsiz tinmay, 
Sizni-ku  ovutar ertaklaringiz.

---

Sizni  kuylayman  (she'rlar to'plami).  Iqbol  Mirzo
Sohibga  ichikkan  kuchukchalarday 
Mung'ayib yotadi etiklaringiz...
1992