Binanın xarici və daxili divarları, arakəsmələri, dam örtüyü, mərtəbələrarası örtüklər, döşəmələr, aşırımların doldurucuları, pəncərələr, fənərlər, qapılar - qoruyucu konstruksiyalar adlanır. Binanın xarici qoruyucu konstruksiyaları binadaxili mühiti xarici mühitdən ayırır və onlardan daimi olaraq istiliyin, havanın və rütubətin daşınması prosesləri baş verir.
Binanın ümumi istilik itkisinin əsas hissəsi (80%-ə qədəri) qoruyucu konstruksiyaların payına düşür. Araşdırmalar göstərir ki, bəzi ölkələrdə yaşayış binalarının qoruyucu konstruksiyalarından istilik itkisi nisbətən aşağıdır, məsələn, Kanadada 44,4%, Norveçdə 47,4%, Böyük Britaniyada 38,5% və s. Buna görə də qoruyucu konstruksiyaların istilikqoruyucu xassəsinin artırılması sərf edilən istilik enercisinə qənaət baxımından müasir dövrün aktual məsələlərindən biridir.
Dostları ilə paylaş: |
