|
29.PK-da nişan (label) və keçidlər
Proqramın icrasının təbii ardıcıllığını pozaraq bir nöqtəsindən digər nöqtəsinə keçmək üçün nişan və keçid bloklarından (əmrlərindən) istifadə edilir. Nişan, keçid ediləcək nöqtəyə verilmiş latın əlifbasının hərflərindən və rəqəmlərdən ibarət addır. Məsələn: alfa, kec1, a5b2 və s. Nişan hərflə başlamalıdır və maksimum 4 hərf və rəqəmdən ibarət ola bilər. Nişan və keçid blokları avadanlıqlar kataloqunun Jumps qovluğunda yerləşir.
JMP blokunun girişinə “1” verdikdə, JMPN isə girişinə “0” verdikdə uyğun nişan üzrə keçid edir. Şəkil 2.22-də keçidlərə aid misala baxılmışdır: I124.1 kontaktı qapandıqda aa23 nişanına, əks təqdirdə Network 2-yə keçid edilir; I124.2kontaktı açıq olduqda kec nişanına, əks təqdirdə Network 3-ə keçid edilir; I124.3 kontaktı qapandıqda Q125.0 çıxışı işləyir və Network 4-ə keçid edilir; Network 4-dən isə bash nişanına (Network 1) keçid edilir; I124.5 kontaktı qapandıqda Q125.1 çıxışı işləyir və dövr üzrə Network 1-dən təkrarən əməliyyatlar davam etdirilir.
Misaldan göründüyü kimi JMP həm şərti, həm də şərtsiz keçid etməyə imkan verir. STL –də onların kodu fərqlidir: şərti JMP-ın kodu JC, şərtsiz JMP-ın kodu isə JU kimidir (şəkildə STL sütununa diqqət yetir). Qeyd etmək lazımdır ki, keçidlər yanız irəliyə edilə bilər.
Şəkil 2.22
Dostları ilə paylaş: |
