Sumqayit döVLƏt universiteti

19.AS-i vasitəsilə paylanmış sistemin quru­luşu

Kontroller vasitəsilə həm mərkəzləşdirilmiş, həm də pay­lan­mış (səpələnmiş) quruluşa malik idarəetmə sistemlə­ri layi­hələndirmək mümkündür. Mərkəzləşdi­rilmiş quru­luşda kont­rol­lerin tərkibinə daxil olan bütün modullar yalnız dayaq­larda, paylanmış quruluşda isə həm dayaqlarda və həm də idarə­etmə prosesinin ərazisində yerləşdirilir. Paylanmış quruluş müxtəli vasitələrlə, o cümlədən Profibus və AS-i xətlə­ri vasi­tə­silə təşkil edilə bilər. AS-i şinləri iki ədəd burul­muş naqildən ibarətdir. Həmin naqil vasitəsilə həm qida siq­nalı, həm də idarəedici və nəzarət olunan kəmiy­yətlər ötürülür. Belə sistemin ümumi sxemi şəkil 1-dəki kimi­dir. Şəkil 1

Şəkildən göründüyü kimi AS–interfeys CPU –ya CP 342-2 komu­nikasiya prosessoru və ya Profibus-DP vasi­təsilə birləşə bilər. Hər iki halda AS-interfeys sistemi AS-master və AS-aparılan modullarından ibarətdir. Hazırda müxtəlif standartlarla işləyən sistemlər var. Həmin sistemlərdən biri də RS232C interfeysi adlanan sistemdir. Həmin interfeyslə Profibus-DP arasında əlaqə yaratmaq üçün DP/RS232C modulundan istifadə edilir.Əgər AS-interfeys CPU-ya CP 342-2 vasitəsilə qoşul­muşdursa, onda AS-master funksiyasını CP 342-2, digər variantda isə DP/AS-interfeysi yerinə yetirir. CP 342-2 komunikasiya prosessoru həm mərkəzi dayaqda ,həm də ET 200M-in dayağında yerləşdirilə bilər.

Göründüyü kimi AS-interfeysə tək-tək icra mexa­nizm­ləri, vericilər, bir neçə icra mexanizmləri və vericilər qoşulmuş modullar və ya paylayıcılar qoşula bilər.