Sumqayit döVLƏt universiteti

21.PK-nın yaddaşının quruluşu

PK-nın istifadə etdiyi işçi proq­ramlar proqramlaşdırıcı qur­­­ğu­larda (proqrammator) tərtib olu­nur və kontrollerə ötü­rü­lür.Proqrammator kimi fərdi kompüter və ya xüsusi qur­ğu­lardan istifadə oluna bilər. Şəkil 1-də PK-nın proq­rammatorla, idarəetmə obyekti ilə (İO) əlaqə sxemi və kontrollerin yaddaşının quruluşu göstəril­mişdir.

Şəkil 1.

Göründüyü kimi PK-nın yaddaşı üç hissədən ibarətdir: yükləmə yaddaşı, işçi yaddaş və sistem yaddaşı. Yaddaşın hər bir hissəsi isə müxtəlif bloklardan ibarətdir.

Proqrammatorun yaddaşından işçi proqram PK-nın yük­lə­mə yaddaşına yazılır. PK-nın əməliyyat sistemi isə həmin proq­ramı yükləmə yaddaşından işçi yaddaşa ötü­rə­rək icra edir. PK-dan proqram proqrammatora ötürülə bilər. Bu zaman həmin ana qədər PK-nın istifadə etdiyi cari məlumat da proqrammatorun yaddaşına ötü­rülür.

PK-nın sistem yaddaşı ünvanlar fəzası, diaqnostika və ko­mu­nikasiya buferləri, lokal kəmiyyətlər, bloklar və kəsilmələr stekləri, kon­nektor (merker), taymer və sayğaclar üçündür. PK-ya qoşulmuş bütün modullar üçün sistem yaddaşında yer ayırılır və yaddaşın həmin hissəsi ünvanlar fəzası adlanır. İdarəetmə obyektindən qəbul edilən kəmiyyətlər və obyektə ötürülən idarəedici təsirlər hər bir modula ayı­rı­lan yaddaşda yerləşdirilir və vaxtaşırı CPU tərəfindən on­lar təzə­lənir, yəni obyektdən yeni məlumat qəbul edilir, idarəedici təsirlər obyektə ötürülür. Beləliklə, yaddaşın həmin hissəsi praktik olaraq həmişə ibarəetmə obyektinin cari vəziyyətini əks etdirir. Odur ki, yaddaşın bu hissəsi prosesin (idarəetmə obyektinin) surət cədvəli (PSC) adlanır. Daxiletmə qurğuları üçün ayırılan yaddaş prosesin giriş surəti cədvəli (PGSC), məlumatı obyektə ötürmə qurğuları üçün ayırılan yaddaş isə prosesin çıxış surəti cədvəli (PÇSC) adlanır.