Tafakkur ziyosi

BO‘LAJAK MUSIQA O‘QITUVCHILARINING 
KASBIY KOMPETENTLIGINI 
OSHIRISHNING AHAMIYATI
Utkir Qurbonovich Utanov –
 p.f.b.falsafa doktori., Jizzax davlat pedagogika institute
Sabina Shuxrat qizi Urinova –
magistrant., Jizzax davlat pedagogika instituti
Annotatsiya:
 Mazkur maqolada oliy ta’limdan yetishib chiqayotgan bo‘lajak musiqa o‘qituvchilarining kasbiy-pedagogik mahoratini 
va uning bir tarmog‘ sanaladigan kasbiy kompetensiyasini oshirish ahamiyati haqida so‘z boradi. Bugungi kun bo‘lajak musiqa 
o‘qituvchilari faoliyati samaradorligini, pedagogik faoliyatini yo‘lga qo‘yishga tayyorlashda, avvalo, unda pedagogik mahorat, har bir 
pedagogik jarayonda zarur bo‘lgan kompetensiya turlariga egalik faoliyatdagi ahamiyati yoritib o‘tilgan.
Аннотация:
 В статье обсуждается важность повышения профессиональных и педагогических навыков будущих учителей 
музыки, получивших высшее образование, и их профессиональной компетенции. При подготовке будущих учителей музыки 
к будущему их педагогической работы, прежде всего, подчеркивает важность педагогических навыков, типов компетенций, 
необходимых в каждом педагогическом процессе.
Abstract:
 This article discusses the importance of improving the professional and pedagogical skills of future music teachers 
emerging from higher education and their professional competence as a branch. In preparing the music teachers of today for the 
effectiveness of their work, the importance of pedagogical skills, the types of competencies required in each pedagogical process.
Kalit so‘zlar:
 musiqa madaniyati, axloqiy tarbiya, estetika, faoliyat, pedagogika, pedagogik mahorat, kompetensiya, komponent, 
mutaxassis.
Ключевые слова:
 музыкальная культура, нравственное воспитание, эстетика, деятельность, педагогика, педагогическое 
мастерство, компетентность, компонент, специалист.
Keywords:
 music culture, moral education, aesthetics, activity, pedagogy, pedagogical skills, competence, component, specialist.
AMALIY FANLAR

---

“TAFAKKUR ZIYOSI”
 
ilmiy-uslubiy jurnali 2021/4-son
68 
O‘zbekiston milliy taraqqiyoti yo‘lida 
ozod va obod vatan, erkin va farovon 
hayot barpo etish ustuvor vazifalardan etib 
belgilangan. Bunday mamlakat fuqarolari 
har tomonlama komillik sari intilib yashashi, 
davlat taraqqiyotining asosiy omiliga aylanadi. 
Yurt ravnaqi yo‘lida talaba- yoshlarning bilim 
egallashlari bilan bir qatorda o‘zining mustaqil 
fikriga ega bo‘lgan, ma’nan yetuk, sog‘lom 
fikrlovchi, yuksak kasbiy mahoratli qilib 
tarbiyalash bu yo‘lda dolzarb masalalardan 
bo‘lib qolmoqda. Birinchi Prezidentimiz 
Islom Karimov o‘zining “Yuksak ma’naviyat-
yengilmas kuch” asarida kelajagimiz poydevori 
bilim dargohlarida yaratiladi, boshqacha qilib 
aytganda, xalqimizning ertangi kuni qanday 
bo‘lishini farzandlarimizning bugun qanday 
ta’lim va tarbiya olishiga bog‘liq”
1
,- deb 
ta’kidlagan.
Bu jarayonlarda uzluksiz ta’lim tizimining 
bo‘g‘ini oliy ta’lim muhim ahamiyatga 
egaligi anglashiladi. “Kadrlar tayyorlash 
milliy dasturi”da uzluksiz ta’lim: “malakali 
raqobatbardosh kadrlar tayyorlashning asosi 
bo‘lib, ta’limning barcha turlarini: maktabgacha 
ta’lim, umumiy o‘rta ta’lim, o‘rta maxsus, kasb-
hunar ta’limi, oliy ta’lim, oliy o‘quv yurtidan 
keyingi ta’lim, kadrlar malakasini oshirish va 
ularni qayta tayyorlash, maktabdan tashqari 
ta’limni, DTSni, kadrlar tayyorlash tizimi 
tuzilmasi va uning faoliyat ko‘rsatish muhitini 
o‘z ichiga oladi”
2
deb yozib qo‘yilgan. 
Umumiy o‘rta ta’limda o‘rgatilayotgan 
har bir fanning maqsad va vazifalari belgilab 
qo‘yilgan. Asosan amaliy faoliyat bilan 
uzviy bog‘liq bo‘lgan musiqa madaniyati 
fanining ham o‘z maqsad, vazifalari bo‘lib, 
umumta’lim maktablarida musiqa madaniyati 
fanini o‘qitishdan ko‘zlangan asosiy 
maqsad o‘quvchilarning ma’naviy, badiiy va 
axloqiy madaniyatini, milliy g‘urur hamda 
vatanparvarlik tuyg‘usini shakllantirish, 
tafakkurini kengaytirish, bolalardagi ijodiy 
mahorat, nafosat va badiiy didni o‘stirish 
hamda tashabbuskorlikni tarbiyalashdan 
iboratdir.
“Musiqa madaniyatini o‘quvchilar ongida