Tarbiya jarayonining mohiyati va mazmuni

TA'LIM METODLARI VA VOSITALARI
Reja
1. Ta’lim metodlarining mohiyati va vazifasi
2. Ta’lim metodlarini tasniflash
3. Ta’lim metodlari va vositalarining xususiyatlari
Kirish
Mavzuning dolzarbligi. Respublikamizda amalga oshirilayotgan tub islohotlar, eng avvalo aholi turmush tarzi darajasini oshirishga qaratilgan bo’lib, ushbu vazifalarni samarali hal qilish yuksak ma’naviyatli, bilimli, rivojlangan davlatlar darajasidagi raqobatbardosh kadrlar tayyorlash masalasi bilan uzviy bog’liqdir.
Xalqimizning intellektual va ma’naviy salohiyati mamlakatimiz kuch-qudratining muhim omili ekanligiga to’xtalib, Prezident I.A.Karimov Xalqaro Vestmister universitetining ochilish tantanasida so’zlagan nutqida shunday degan edi: «Darhaqiqat, bizning bunday omilni hisobga olmaslikka haqqimiz yo’q. Chunki, o’z oldimizga qo’ygan yuksak vazifa va marralarga erishishda zamonaviy bilim va tajriba sohibi bo’lgan yangicha fikrlaydigan yoshlarimiz bizning tayanchimiz va suyanchimizdir, desak ayni haqiqat bo’ladi.
Oldimizda turgan buyuk vazifalarni yechishning asosiy omili, ularni hal qilishning yagona sharti tom ma’noda barkamol shaxsni, har tomonlama yetuk avlodni tarbiyalab, voyaga yetkazishdan iborat. Yurtimizning yorug’ kelajagi, xalqimizning hyech kimdan kam bo’lmasdan farovon yashashini ta’minlashga qaratilgan bu vazifalarni ado etish barchamizning insoniy burchimizdir… bugun Vatanimizga nafaqat yuqori malakali mutaxassislar, balki umumbashariy meros va qadriyatlarni zamonaviy bilim va tafakkur bilan boyitishga qodir huquqiy bemokratik jamiyatda odamlarning ozod va erkin yashashini, mustaqil fikr yuritib, har tomonlama asoslangan qarorlar qabul qilishini hayotiy zarurat deb biladigan barkamol yoshlar kerak».
O’zbekiston Respublikasining «Ta’lim to’g’risida»gi Qonuni va «Kadrlar tayyorlash milli dasturi»da pedagogik kadrlar yetishtiradigan ta’lim muassasalari oldiga pedagogik kadrlar tayyorlash sifatini oshirish, ularni yangicha fikrlaydigan, umumbashariy meros va qadriyatlarni zamonaviy bilim va tafakkur bilan boyitishga qodir, huquqiy-demokratik jamiyatda yoshlarni ozod va erkin yashashini, mustaqil fikr yuritib, har tomonlama asoslangan qaror qabul qilishni hayotiy zarurat deb biladigan qilib yetishtirish vazifasi qo’yilgan. Ushbu dolzarb masalalar asosida mazkur kurs ishida bo’lajak boshlang’ich sinf o’qituvchilari ta’lim metodlarini qo’llash malakalarini shakllantirishga qaratilgan muammo yuzasidan tadqiqotlar olib borish maqsad qilib qo’yilgan.