Tasdiqlayman” O'quv ishlari bo'yicha prorektor S. Xodjaniyozov

O‘quv jarayoniga texnologik yondashuvda quyidagilar alohida ajralib turadi: o‘quv maqsadlarini imkoni boricha aniq o‘rnatish (o‘qituvchining asosiy vazifasi); o‘quv materiali mazmunini o‘rnatilgan maqsadga mos holda ma’lum qonuniyatlarga tayangan holda saralash; o‘qitish jarayonini maqsadga erishish uchun yo‘naltirish; talabalarning o‘quv-biluv faoliyatini qo‘shimcha axboratlar (kitob, jurnal, ma’ruza matni,) dan foydalanish asosida mustaqil tashkil etish; joriy natijalarni baholash va zaruriy holda qo‘shimcha didaktik jarayonni qurish (korreksiyalash); natijalarning yakuniy bahosi.
Zamonaviy pedagogik texnologiyalarni tadbiq etishdagi asosiy omillar

• Jamoaning potensial imkoniyatlaridan samarali foydalanish;

  
  

• SHaxsning ichki imkoniyatlarini yuzaga chiqarish;

  
  

• SHaxsning ma’naviy energiyasidan foydalanish;

  
  

• Talabalarning o‘zaro “hamkorlik” munosabatidan foydalanish;

  
  

• Talaba ongiga multimediya materiallari, elektron darsliklar, masofadan turib o‘qitish kabi pedagogik texnologiyalar orqali ta’sir etish;

  
  

• Muammoli masalalarni munoara usulidan foydalanib echimini topish yo‘lini izlashga o‘rgatish;

  
  

• Talaba ongiga ilmiy-amaliy o‘yinlar orqali ta’sir qilish.

  
  

O‘zbekistonda yaratilayotgan pedagogik texnologiyaning ba’zi tamoyillari
Ta’lim oluvchi shaxsiga yo‘naltirilganlik. (Ta’lim jarayonini ta’lim oluvchining qiziqishi, individual xususiyatlari,bilim olish imkoniyatlariga muvofiq olib borish).
Ta’lim jarayonini demokratlashtirish. (Ta’lim jarayonini tashkil etish va uni olib borishda pedagog va ta’lim oluvchining teng huquqliligini ta’minlash).
Ta’lim jarayonini axborot- kommunikatsion texnologiyalar asosida tashkil etish. (Ta’lim oluvchilarga axborot uzatishning eng samarali vositalari hisoblangan virtual ma’ruza, virtual tajriba stendlarini yaratish va ulardan dars va ta’lim oluvchilarning mustaqil ishlarida erkin foydalanishni ta’minlash).