Termiz davlat universiteti mikroiqtisodiyot

Ishlab chiqarish - korxonalarining asosiy faoliyati turi bo`lib, bu jarayon cheklangan resurslardan foydalangan holda amalga oshiriladi. Ishlab chiqariladigan mahsulot miqdori, ushbu tovarlarni ishlab chiqarish uchun sarflanadigan resurslar hajmidan va ishlab chiqarishda foydalanilayotgan texnologiyaning holati va darajasiga bog`liq
Sarflanadigan ishlab chiqarish omillari miqdori bilan, ushbu omillardan foydalangan holda maksimal ishlab chiqariladigan mahsulot miqdori o`rtasidagi bog`liqlikni ishlab chiqarish funksiyasi orqali ifodalash mumkin.
Izokvanta - bu bir xil hajmdagi mahsulotni ishlab chiqarishni ta′minlaydigan ishlab chiqarish omillari sarflari kombinatsiyalarini ifodalovchi egri chiziqdir.
Omillar mahsuldorligini kamayish qonuni shuni ko`rsatadiki, biror bir ishlab chiqarish omilidan foydalanish oshib borganda (boshqa omillardan foydalanish o`zgarmaganda), shunday bir nuqtaga erishiladiki, ushbu nuqtadan boshlab qo`shimcha ishlatilgan omil ishlab chiqarish hajmini kamaytiradi. Omil mahsuldorligining kamayish qonuni chekli mahsulotning kamayishini ifodalaydi.
Izokvantaning ma′lum nuqtasidagi burchak koeffitsienti bir ishlab chiqarish omili bilan (bu yerda kapital) boshqa bir omilni (mehnatni) texnik almashtirish qanday bo`layotganligini ko`rsatib beradi. Shuning uchun ham ushbu burchak koeffitsientining absolyut qiymati chekli texnologik almashtirish normasi deb yuritiladi.
Nazorat savollari

1. 
   Jahon moliyaviy-iqtisodiy inqirozi sharoitida ishlab chiqarish korxonalarini modernizatsiya qilish.
   
2. 
   Ishlab chiqarish omillari va ularning turlari.
   
3. 
   Ishlab chiqarish funksiyasi tushunchasi.
   
4. 
   Izokvanta tushunchasi.
   
5. 
   Izokvantalar kartasi va uning xususiyatlari.
   
6. 
   Qisqa va uzoq muddatlardagi ishlab chiqarish.
   
7. 
   Bir oʻzgaruvchan omil (mehnat) asosida ishlab chiqarishni tashkil etish.
   
8. 
   Ishlab chiqarish omillarining oʻzaro almashuvi.
   
9. 
   Ishlab chiqarish omillari sarfini minimallashtirish.