Təsdiq edilmişdir 1 nömrəli əlavə Mədəni bitkilərin genetik ehtiyatlarının milli kolleksiyalarının formalaşdırılması, mühafizəsi və istifadəsi qaydalari

1 nömrəli əlavə
Çıxarılmasına nəzarət edilən mədəni bitkilərin milli genefonduna aid edilən bitkilərin və onların genetik materiallarının siyahısı

Sıra №-si	Azərbaycan dilində adı	Elmi (latın) adı	XİF MN üzrə kodu
1	2	3	4
Dənli taxıl bitkiləri
1.1.	Bütün buğda növləri, toxumluq	Triticum	1001110000 1001912000 1001990000 1001911000
1.2.	Çovdar toxumluq	Secale	1002100000
1.3.	Arpa toxumluq	Hordeum	1003100000
1.4.	Yulaf, toxumluq	Avena sativa	1004100000
1.5.	Qarğıdalı toxumluq hibridlər: ikiqat hibrid və topçarpaz hibridləri Üçqat hibridlər Sadə hibridlər Digər hibridlər Qarğıdalı toxumluq qeyri-hibridlər	Zea mays	1005101100 1005101300 1005101500 1005101900 1005109000
1.6.	Düyü (çəltik) səpin üçün	Oryza	1006101001 1006101009
1.7.	Darı toxumluq	Panicum	1008210000
1.8.	Eqilops toxumluq	Aegilops	1209298000-dan
Dənli paxlalı bitkilər
2.1.	Noxud	Cicer arietinum	0713200000
1	2	3	4
2.2.	Mərci, səpin üçün	Lens culinaris	0713400001 0713400009-dan
2.3.	Adi lobya, səpin üçün	Phaseolus vulgaris	0713331001-dən 0713331009-dan
2.4.	Göy noxud, səpin üçün	Pisum sativum	0713101001 0713101009
2.5.	İnək noxudu, səpin üçün	Vigna unguiculata	0713350000-dan
2.6.	Lərgə növləri, səpin üçün	Vicia	0713500001 0713500009
2.7.	Gülulcə, səpin üçün	Lathyrus	1209298000-dan
Meyvə və giləmeyvə bitkiləri
3.1.	Alma, armud, ərik, şaftalı, gilas, albalı, gavalı, badam, şabalıd, tut, qoz çiliyi və tingi	Malus, Pyrus, Prunus cinsinin növləri, Amygdalis, Castanea, Morus, Juglans	0602109000-dan 0602209000-dan
3.2.	Nar, zeytun, fındıq, moruq, böyürtkən, qarağat çiliyi, tingi, tumurcuğu	Punica, Olea, Corellus, Rubus, Ribes	0602109000-dan 0602209000-dan 0602904900-dan
3.3.	Üzüm çiliyi, tingi, tumurcuğu	Vitis	0602101000 0602201000 0602904900
3.4.	Çiyələk tumurcuğu, toxumu, bığcığı, köklü materialı	Fragaria	0602903000-dan 1209999900-dan

1	2	3	4
Tərəvəz və bostan bitkiləri
4.1.	Pomidor, badımcan, bibər, quşüzümü şitili, toxumu	Solanum lycopersicum, Solanum melongena, Capsicum annuum, Solanum	0602903000-dan 1209919000-dan
4.2.	Yemiş şitili, toxumu	Cucumis melo	0602904500-dan 1207700000
4.3.	Qarpız şitili, toxumu	Citrullus lanatus	0602904500-dan 1209999900-dan
4.4.	Qabaq, xiyar, kələm, bamiyə şitili, toxumu	Cucurbita moschata, Cucumis sativus, Brassica capitata, Hibiscus esculantus	0602904500-dan 0602903000-dan 1209919000-dan
4.5.	Yerkökü, turp, turpça (qırmızı turp), mətbəx çuğunduru, cəfəri, kərəviz, şalğam şitili, toxumu, yeraltı zoğları	Daucus carota, Raphanus sativus, Raphanus sativus var. radicula, Beta vulgaris, Petroselinum sativum, Apium graveolens, Brassica napus	0602903000-dan 1209919000-dan
4.6.	Soğan şitili, toxumu, soğanaqları	Allium	0602903000-dan 0703101100 0703101900 0703109000 0703900000 1209919000-dan

1	2	3	4
4.7.	Tərxun, nanə, rozmarin, barəng, əvəlik, adi quzuqulağı, uzunyarpaq quzuqulağı, qulançar, xardal, ispanaq, kahı, şüyüd, keşniş, cirə, acıtərə, su tərəsi, reyhan, mərzə şitili və toxumu	Artemisia dracunculus, Mentha piperitta, Rozmarinus officinalis, Rumex domesticus, Rumex acetosa, Asparagus offisinalis, Sinapis, Spinacia oleracea, Anethum, Coreandrum sativum, Lactuca sativa, Pimpinella anisum, Lepidum graveolens, Nasturtium officinale, Osimum basilicum, Origanum	1209919000-dan 0602903000-dan
Yem bitkiləri
5.1.	Qarayonca toxumu	Medicago	1209210000
5.2.	Üçyarpaq yonca toxumu	Trifolium	1209221000 1209228000
5.3.	Xaşa toxumu	Onobrychis	1209298000-dan
5.4.	Sorqo (kalış) toxumu	Sorghum	1007101000 1007109000
5.5.	Raps toxumu	Brassica napus	1205101000
5.6.	Pişikquyruğu toxumu	Phleum	1209298000-dan
5.7.	Şəmbələ toxumu	Trigonella	1209298000-dan
5.8.	Çobantoppuzu toxumu	Dactylis glomerata	1209291000-dan
5.9.	Yem çuğunduru	Beta vulgaris subsp. vulgaris var. crassa	1209296000
Texniki bitkilər
6.1.	Pambıq toxumu	Gossypium	1207210000
6.2.	Şəkər çuğundurunun toxumu, meyvəkökü	Beta vulgaris	1209100000 1212918000-dan

“Mədəni bitkilərin milli genefonduna aid edilən bitkilərin və onların genetik ehtiyat nümunələrinin Azərbaycan Respublikasının gömrük ərazisindən çıxarılması Qaydası və Şərtləri”nə

2 nömrəli əlavə

Mədəni bitkilərin milli genefonduna aid edilən bitkilərin

və onların genetik ehtiyat nümunələrinin Azərbaycan

Respublikasının gömrük ərazisindən çıxarılmasına verilmiş
İCAZƏ SƏNƏDİ

№ ____

“____” _________ 20____ il
Mədəni bitkilərin aşağıda verilmiş və siyahısı sənədə əlavə edilən genetik ehtiyat nümunələrinin __________________________________________

(nümunələrin göndərildiyi ölkənin və təşkilatın bütöv və qısa adları, ünvanı)

_____________________________________________________________

göndərilməsi (ixracı) ilə bağlı ____________________________________

(nümunələri göndərən təşkilatın bütöv adı, ünvanı)

_____________________________________________________________

tərəfindən 201__ il “____” ___________ tarixində edilmiş müraciətə Elmi-Texniki Şurada baxılmış və ixraca icazə verilmişdir.
İcazənin qüvvədə olma müddəti_______________________tarixinə kimidir.

İxrac edilməsi planlaşdırılan bitkinin latınca və Azərbaycan dilində adı (adları) və ümumi miqdarı: ___________________________________

İxrac edilməsi planlaşdırılan MBGE-nin siyahısı və miqdarı əlavə edilir (cəmi ___ səhifə).

İxrac edilməsi planlaşdırılan MBGE-nin ixracı nəzərdə tutulan gömrük sərhəd buraxılış məntəqəsi______________________________________

Elmi-Texniki Şuranın sədri _____________________________________

(adı, atasının adı, soyadı)

İmza:
M.Y.

Azərbaycan Respublikası Nazirlər

Kabinetinin 2012-ci il 13 noyabr

tarixli 259 nömrəli qərarı ilə

təsdiq edilmişdir
7 nömrəli əlavə
Mədəni bitkilərin genetik ehtiyatlarının mühafizəsi və səmərəli istifadəsi üzrə idarəetmə sisteminə daxil olan Elmi-Texniki Şuranın
ƏSASNAMƏSİ
Ümumi müddəalar
1.1. Bu Əsasnamə “Mədəni bitkilərin genetik ehtiyatlarının mühafizəsi və səmərəli istifadəsi haqqında” Azərbaycan Respublikası Qanununun tətbiqi ilə bağlı əlavə tədbirlər barədə” Azərbaycan Respublikası Prezidentinin 2012-ci il 17 iyul tarixli 690 nömrəli Fərmanının 2.1.4-cü yarımbəndinin icrasını təmin etmək məqsədi ilə hazırlanmışdır və mədəni bitkilərin genetik ehtiyatlarının mühafizəsi və səmərəli istifadəsi üzrə idarəetmə sisteminə daxil olan Elmi-Texniki Şuranın fəaliyyətini müəyyən edir.

1.2. Mədəni bitkilərin genetik ehtiyatlarının (bundan sonra – MBGE) mühafizəsi və səmərəli istifadəsi sahəsində elmi tədqiqat və elmi-təşkilati fəaliyyətləri istiqamətləndirmək və ümumi rəhbərliyi təmin etmək, müasir elmi nailiyyətlərin tətbiqinə dair təklif və tövsiyələr hazırlamaq, MBGE-nin toplanması, qorunub-saxlanması, bərpası, mübadiləsi, öyrənilməsi və səmərəli istifadəsi (bundan sonra – MBGE üzrə fəaliyyətlər) işinin idarə olunmasını yaxşılaşdırmaq məqsədi ilə Azərbaycan Milli Elmlər Akademiyasının, Azərbaycan Respublikası Kənd Təsərrüfatı Nazirliyinin, Azərbaycan Respublikası Ekologiya və Təbii Sərvətlər Nazirliyinin, Azərbaycan Respublikası Standartlaşdırma, Metrologiya və Patent üzrə Dövlət Komitəsinin bitki genetik ehtiyatları sahəsində fəaliyyət göstərən alim və yüksəkixtisaslı mütəxəssislərindən ibarət olmaqla, mədəni bitkilərin genetik ehtiyatlarının mühafizəsi və səmərəli istifadəsi üzrə idarəetmə sisteminə daxil olan Elmi-Texniki Şura (bundan sonra – Elmi-Texniki Şura) yaradılır.

1.3. Elmi-Texniki Şura dövlət orqanı deyil və onun üzvləri öz səlahiyyətlərini ictimai əsaslarla həyata keçirirlər.

1.4. Elmi-Texniki Şura MBGE-nin milli kolleksiyalarına еlmi-mеtоdiki rəhbərliyi həyata keçirir.

1.5. Elmi-Texniki Şura mədəni bitkilərin genetik ehtiyatlarının mühafizəsi və səmərəli istifadəsi üzrə idarəetmə sisteminə daxil olan ixtisaslaşdırılmış ekspert şuralarının (bundan sonra - ekspert şuraları) və prioritet fəaliyyət istiqamətləri üzrə işçi qruplarının (bundan sonra - işçi qrupları) fəaliyyətinə rəhbərlik edir, onların rəyləri əsasında qərarlar qəbul edir.

1.6. Elmi-Texniki Şura MBGE fəaliyyətləri üzrə Milli Proqramın hazırlanması, təkmilləşdirilməsi və icrası üzrə məsul orqandır.

1.7. Elmi-Texniki Şuranın qərargahı Milli Əlaqələndirici İnstitutda yerləşir.

1.8. Elmi-Texniki Şuranın iclasları arasındakı müddətdə onun funksiyalarını Şuranın sədri, Şuranın elmi katibi və Milli Əlaqələndirici İnstitut həyata keçirir.

Elmi-Texniki Şuranın yaradılmasının məqsədləri
2.1. Elmi-Texniki Şuranın yaradılmasının məqsədləri aşağıdakılardır:

2.1.1. MBGE üzrə Azərbaycan Respublikasında aparılan fəaliyyətlərin vahid mərkəzdən idarə olunmasını təmin etmək;

2.1.2. MBGE üzrə fəaliyyətlər sahəsində Milli Əlaqələndirici İnstitutun funksiyalarının icrasına kömək göstərmək;

2.1.3. ekspert şuraları və işçi qrupları yaratmaq və onların fəaliyyətini tənzimləmək;

2.1.4. MBGE üzrə fəaliyyətlər sahəsində elmi tədqiqatların müasir beynəlxalq standartlar səviyyəsində layihələndirilməsinə və aparılmasına köməklik etmək;

2.1.5. MBGE üzrə fəaliyyətlər sahəsində elmi kadrların və mütəxəssislərin hazırlanmasına köməklik etmək.

Elmi-Texniki Şuranın təşkili
3.1. Elmi-Texniki Şura sədr, sədrin müavini, elmi katib, daimi və müvəqqəti üzvlərdən ibarətdir.

3.2. MBGE üzrə ekspert şuralarının və işçi qruplarının rəhbərləri Elmi-Texniki Şuranın tərkibinə daxil olurlar.

3.3. Elmi-Texniki Şuranın digər üzvləri MBGE sahəsində tanınmış alim və mütəxəssislər, milli kolleksiyaların elmi rəhbərləri, MBGE-nin milli inventarlaşdırılması və istifadəsi üzrə məsul şəxslər sırasından seçilir.

3.4. Elmi-Texniki Şuranın tərkibinə namizədlər Elmi-Texniki Şuranın sədri, ekspert şuraları və işçi qrupları, Azərbaycan Respublikasının Kənd Təsərrüfatı Nazirliyi, Azərbaycan Respublikasının Ekologiya və Təbii Sərvətlər Nazirliyi və bu nazirliklərin elmi tədqiqat institutları, Azərbaycan Respublikasının Standartlaşdırma, Metrologiya və Patent üzrə Dövlət Komitəsi tərəfindən irəli sürülür.

Elmi-Texniki Şuranın funksiyaları
4.1. Elmi-Texniki Şura öz səlahiyyətləri çərçivəsində aşağıdakı funksiyaları icra edir:

4.1.1. MBGE üzrə fəaliyyətlər sahəsində Azərbaycan Respublikası üzrə elmi tədqiqatların mövzu planlarını müzakirə edir, rəy və tövsiyələr verir;

4.1.2. MBGE-nin milli kolleksiyalarına elmi-metodiki kömək göstərir;

4.1.3. ekspert şuralarının və işçi qruplarının iş planlarını təsdiq edir və onların fəaliyyətlərini əlaqələndirir;

4.1.4. MBGE-nin milli kolleksiyalarını təsdiq edir, qeydiyyata alır və bunun üçün lazım olan sənədlərin siyahısını müəyyən edir;

4.1.5. MBGE üzrə fəaliyyətlər sahəsində müvəqqəti və daimi məqsədli tədqiqat, təlim və texniki işçi qrupları yaradır, onlara tapşırıqlar verir;

4.1.6. MBGE-nin toplanmasının hüquqi, texniki və elmi-təşkilati aspektlərini əhatə edən qaydaları təsdiq edir və yayır;

4.1.7. MBGE-ni toplamaq barədə hüquqi və ya fiziki şəxslərin rəsmi müraciətlərini 1 (bir) ay müddətində müzakirə edir və qərar qəbul edir;

4.1.8. Azərbaycan Respublikası ərazisində MBGE-nin toplanması üzrə beynəlxalq ekspedisiyaların keçirilməsi üzrə təkliflərə baxır və qərar qəbul edir;

4.1.9. MBGE-nin milli kolleksiyalarından tədqiqat, təlim və digər məqsədlərlə nümunələrin götürülməsi, MBGE-nin ixracı ilə bağlı müraciətlərə baxır, müvafiq qərar qəbul edir;

4.1.10. MBGE üzrə fəaliyyətlər sahəsinə aid hazırlanmış təlimatları, qaydaları, tövsiyələri və digər sənədləri təsdiq edir, çap etdirir və yayır;

4.1.11. MBGE-nin inventarlaşdırılması, qeydiyyatı, identifikasiyası, xarakteristikası, səciyyələndirilməsi üzrə standartları, deskriptor siyahılarını təsdiq edir, onları çap etdirir və yayır;

4.1.12. nümunələrin saxlanması, mübadiləsi, tədqiqat, təlim, seleksiya və digər məqsədlərlə paylanması üçün tələb olunan sənədlərin siyahısını təsdiq edir;

4.1.13. MBGE üzrə fəaliyyətlər sahəsində elmi, texniki və kadr təminatının planlaşdırılmasına məsələlərə dair rəy və təkliflər verir;

4.1.14. MBGE üzrə fəaliyyətlər sahəsində Azərbaycan Respublikasının elmi tədqiqat institutları, universitetləri və digər təşkilatları tərəfindən bağlanmış beynəlxalq əməkdaşlıq müqavilə və sazişlərinə baxır, rəy və tövsiyələr verir, onları qeydə alır;

4.1.15. MBGE-nin mübadiləsində istifadə edilən Material Mübadiləsi Sazişinin nümunəvi formasını təsdiq edir;

4.1.16. MBGE nümunələrinə verilən milli unikal identifikasiya nömrələrinin ümumi formasını təsdiq edir;

4.1.17. genetik modifikasiya olunmuş bitkilərin, eləcə də müasir biotexnoloji və gen mühəndisliyi metodları ilə yaradılmış kənd təsərrüfatı bitki materiallarının elmi tədqiqat, sınaq və sərgilərdə nümayiş məqsədi ilə Azərbaycan Respublikasına idxalı ilə bağlı müraciətlərə baxır və qərar qəbul edir;

4.1.18. aşkarlanmış genetik modifikasiya olunmuş bitkilərin məhv edilməsi barədə qərar qəbul edir;

4.1.19. öz səlahiyyətləri çərçivəsində digər məsələləri həll edir.

4.2. MBGE-nin ixracına, mübadiləsinə, paylanmasına Elmi-Texniki Şura tərəfindən verilmiş və Şuranın sədri tərəfindən imzalanmış sənədlər Milli Əlaqələndirici İnstitutun rəsmi blankında çap olunur və Milli Əlaqələndirici İnstitutun möhürü vurulur.

4.3. İdxal edilmiş MBGE haqqında məlumatlar Azərbaycan Respublikasının Kənd Təsərrüfatı Nazirliyi yanında Dövlət Fitosanitar Xidməti tərəfindən Elmi-Texniki Şuraya hər ilin 15 yanvar tarixinə kimi təqdim edilir.

5. Elmi-Texniki Şuranın reqlamenti
5.1. Elmi-Texniki Şuranın iclasları ildə iki dəfədən az olmayaraq keçirilir. Elmi-Texniki Şura bu iclaslarda səlahiyyətləri çərçivəsində məsələlərə, daxil olmuş müraciətlərə baxır, rəy, tövsiyə və qərarlar qəbul edir.

5.2. Sədrin və şura üzvlərinin təklifi ilə Elmi-Texniki Şuranın növbədənkənar iclasları keçirilə bilər.

5.3. Elmi-Texniki Şuranın iclasları Milli Əlaqələndirici İnstitutda keçirilir. Xüsusi hallarda səyyar iclaslar AMEA Rəyasət Heyətində, Kənd Təsərrüfatı Nazirliyinin elmi struktur vahidlərində (Aqrar Elm Mərkəzi və elmi tədqiqat institutları), Azərbaycan Respublikası Ekologiya və Təbii Sərvətlər Nazirliyinin struktur vahidlərində (qorunan ərazilər və tədqiqat institutları) keçirilir.

5.4. Elmi-Texniki Şuranın iclaslarını onun sədri aparır. Sədr iştirak etmədikdə onun müavini, o da iştirak etmədikdə üzvlərdən biri sədrlik edir.

5.5. Elmi-Texniki Şuranın iclaslarında üzvlərin üçdən birinin iştirak etməsi yetərsay hesab edilir.

5.6. Elmi-Texniki Şurada qərarlar sadə səs çoxluğu və açıq səsvermə ilə qəbul edilir.

5.7. Elmi-Texniki Şuranın iclasları Milli Əlaqələndirici İnstitutun Elmi Şurası ilə birgə keçirilə bilər.
6. Elmi-Texniki Şuranın sədri, sədr müavini, elmi katibi, üzvləri
6.1. Milli Əlaqələndirici İnstitutun Direktoru Elmi-Texniki Şuranın sədridir.

6.2. Elmi-Texniki Şuranın sədrinin funksiyaları aşağıdakılardan ibarətdir:

6.2.1. bütün ölkə təşkilatlarında, yerli orqanlarda Elmi-Texniki Şuranı təmsil etmək;

6.2.2. Elmi-Texniki Şuranın iclaslarını keçirmək;

6.2.3. Elmi-Texniki Şuranın sənədlərini imzalamaq;

6.2.4. Ekspert şuraları və işçi qruplarının iclaslarında iştirak etmək;

6.2.5. Elmi-Texniki Şuranın adından çıxış etmək;

6.2.6. Elmi-Texniki Şuranın növbəti və növbədənkənar iclaslarını çağırmaq.

6.3. Elmi-Texniki Şuranın sədri MBGE üzrə fəaliyyətlər sahəsində Azərbaycan Respublikasını müvafiq beynəlxalq təşkilatlarda, şəbəkə və proqramlarda təmsil edir.

6.4. Elmi-Texniki Şuranın sədr müavini və elmi katibi Elmi-Texniki Şuranın sədrinin təklifi ilə seçilir və azad edilir.

6.5. Elmi-Texniki Şuranın sədr müavininin funksiyaları aşağıdakılar-dan ibarətdir:

6.5.1. Sədr iştirak etmədikdə iclasları keçirir;

6.5.2. Sədrin olmadığı hallarda Elmi-Texniki Şuranın sənədlərini imzalayır.

6.6. Elmi-Texniki Şuranın elmi katibinin funksiyaları aşağıdakılardan ibarətdir:

6.6.1. Elmi-Texniki Şuranın iclaslarını hazırlayır;

6.6.2. iclaslarda baxılacaq sənədlərin, rəy, tövsiyə və qərarların hazırlanmasını və müzakirəsini təmin edir;

6.6.3. ekspert şuraları və işçi qruplarının fəaliyyətinə nəzarət edir.

6.7. Elmi-Texniki Şuranın üzvləri MBGE üzrə fəaliyyətlər sahəsində tanınmış alim və mütəxəssislər sırasından seçilir.

6.8. Elmi-Texniki Şuranın üzvləri Elmi-Texniki Şuranın, eləcə də müvafiq ekspert şuralarının və işçi qruplarının iclaslarında, müzakirələrində və səsvermələrində iştirak edirlər.

___________________

Azərbaycan Respublikası Nazirlər

Kabinetinin 2012-ci il 13 noyabr

tarixli 259 nömrəli qərarı ilə