Texnologiyalari va kommunikatsiyalarini rivojlantirish vazirligi muhammad al-xorazmiy nomidagi toshkent axborot texnologiyalari universiteti samarqand filiali

Mantiqiy turdagi funktsional qurilmalar. Raqamli sxemalarda turli mantiqiy funksiyalarni amalga oshirish uchun minimal element bazis (yoki baza) deb ataluvchi mantiqiy elementlar majmuasiga ega bo‘lish yetarli hisoblanadi.Minimal element bazislar:

• 
  
  biri HAM, ikkinchisi esa - EMAS amalini bajaruvchi ikki turdagi mantiqiy elementlar majmui;
  
• 
  
  biri YOKI, ikkinchisi esa - EMAS amalini bajaruvchi ikki turdagi mantiqiy elementlar majmui;
  
• 
  
  YOKI-EMAS (EMAS-YOKI) amalini bajaruvchi Pirs mantiqiy elementlari majmui;
  
• 
  
  HAM-EMAS amalini bajaruvchi Sheffer mantiqiy elementlari majmui.
  

Amalda elementlar va boshqalar nomenklaturasini qisqartirish maqsadida HAM-EMAS yoki YOKI-EMAS amallarni bajaruvchi element bazasidan foydalaniladi. Lekin, faqat minimal bazis elementlaridan foydalangan holdaraqamli tizimni shakllantirish qurilmaning murakkablashib ketishiga olib keladi.

U holda tizim parametrlarini yaxshilash maqsadida, HAM-EMAS yoki YOKI-EMAS minimal bazis elementlaridan tashqari, HAM-YOKI-EMAS, HAM, YOKI, istisnoli YOKI va boshqa amallarni bajaruvchi sxemalar ham qo‘llaniladi.

Minimal element bazisi mantiqiy elementlarning funktsional to ‘liq tizimi hisoblanadi. Ya’ni, minimal bazis mantiqiy elementlari majmui ixtiyoriy murakkablikdagi mantiqiy sxemani shakllantirishga imkon beradi.

Misol tariqasida, YOKI-EMAS elementi yordamida (2-rasm) va faqat HAM-EMAS elementlari yordamida (3-rasm) HAM, YOKI va EMAS amallari qanday bajarilishini ko‘rib chiqamiz.


2-rasm. 2YOKI-EMAS elementi asosida HAM (a), YOKI (b) va EMAS (c)mantiqiy amallarini shakllaniishi


3-rasm. 2HAM-EMAS elementi asosida HAM (a), YOKI (b) va EMAS (c)

mantiqiy amallarini shakllanishi.

Murakkab mantiqiy qurilmalar sintezini boshlashdan avval, quyidagi amallar ketma-ketligini bajarish zarur:

• 
  
  mazkur tugun (blok) bajarishi kerak bo‘lgan berilgan murakkab mantiqiy funksiyani minimallash;
  
• 
  
  element baza tanlash;
  
• 
  
  minimallashgan mantiqiy funksiyani tanlangan bazaga ko‘ra o‘zgartirish;
  
• 
  
  elektr sxemani sintezlash.
  

O‘zgaruvchi kattaliklar orasidagi u=f(x) bog‘liqlik yoki funksiya turli shaklda ifodalanishi mumkin.

Raqamli qurilmalarning ishlash algoritmi matematik mantiq yordamida ifodalanadi. Shu sababli qurilmalar mantiqiy qurilmalar sinfiga ta’lluqli. Mantiqiy qurilmalarda chiqishdagi o‘zgaruvchilar (funksiya) щ ning kirishdagi o‘zgaruvchilar majmuasi x_n-1...x₂x_j orqali, mantiq algebrasi yordamida ifodalanishi mantiq algebrasi funksiyasi (MAF) deb ataladi. Raqamli qurilmalarda qayta ulanuvchi elementlar (“ochiq” holatidan “berk” holatiga o‘tuvchi va aksincha) qo‘llanilgani sababli mantiq algebra funksiyasini yana qayta ulanuvchi funksiya deb ham atashadi.
Nazorat savollari.


1.Mantiqiy algebra funksiyasi (MAF)ga ta ’rif bering.

2.MAFning asosiy ifodalanish usullarini keltiring.

3.Mantiqiy sxema qanday shakllantiriladi?

4.Murakkab mantiqiy qurilmalar qanday sintez qilinadi?

5.Raqamli qurilmalarning ishlash algoritmi qanday ifodalanadi?