The importance of using logical methods in forming the basic competence of students

Mustaqil ishlash metodlari. Mustaqil ishlash metodlari guruhiga darslik, qoʻshimcha oʻquv 
adabiyotlari va koʻrgazma vositalari ustida mustaqil ishlash metodlari kiradi. Mustaqil ishlash 
metodining oʻziga xos xususiyatlaridan biri oʻquvchilarning oʻquv topshiriqlarini oʻqituvchining 
bevosita boshqaruvisiz bajarishidir. Mustaqil ishlash metodida oʻquvchilarning mustaqil oʻquvbilish 
faoliyatini tashkil etish va boshqarish nazarda tutiladi. Mazkur metodda darslik, qoʻshimcha oʻquv 
adabiyotlari, koʻrgazma vositalari ustida mustaqil oʻtkazilgan kuzatish va tajriba natijalari, masala va 
mashqlar ishlash bilim manbai sanaladi. 
Barcha metodlar kabi mustaqil ishlash metodining ta’limiy, tarbiyaviy va rivojlantiruvchi 
vazifasi mavjud. 
Ta’limiy vazifasi sifatida oʻquvchilarning bilim va koʻnikmalarni mustaqil egallashlari, 
bilimlarni chuqurlashtirish, mustahkamlash va takrorlashni ta’minlashini qayd etish mumkin. Ular 
oʻquvchilarning amaliy oʻquv koʻnikmalari va malakalarni yaxshi oʻzlashtirishlarida, ayniqsa, 
muhimdir, chunki mustaqil harakatsiz koʻnikmalarni avtomatlashgan va ijodiy xarakterdagi malaka 
darajasiga koʻtarib boʻlmaydi. Tarbiyaviy yoʻnalishdagi vazifasi oʻquvchilarda mustaqillik, bilish 
faolligi, ma’naviyat, faol hayotiy pozitsiyani egallash, mehnatsevarlik va insoniy fazilatlarni tarkib 
toptirishga yordam beradi. Rivojlantiruvchi yoʻnalishdagi vazifasi oʻquvchilarning ilmiy 
dunyoqarashi, tafakkuri, koʻnikma va malakalarni rivojlantirishga yordam berish, irodani 
chiniqtishdir.

---

Journal of Social Research in Uzbekistan 
 
ISSN: 2181-2721 
https://topjournals.uz/index.php/jsru
 
22 
Mustaqil ishlash metodlari tarkibiga mustaqil ish topshiriqlarini berish, oʻquv faoliyatida 
mustaqillikni rivojlantirish, oʻquv mehnati malakalarini tarkib toptirish, namunaga muvofiq mustaqil 
ishlarni tashkil etish, ijodiy topshiriqlar berish uslublari kiradi. 
Oʻqitishda oʻquvchilarning faoliyatini ragʻbatlantirish va asoslash metodlari. Oʻqitishda