129. Xəstəyə tibbi banka qoyarkən baş verə biləcək ağırlaşmaların qarşısını almaq üçün tibb bacısı hansı şərtlərə əməl etməlidir? A) Bankanın təmas hissəsi çox qızdırılmamalıdır
B) Bankaların təmas hissəsi tam olmalıdır
C) Bədəndə bankalar arasında məsafə 3-4 sm olmalıdır
D) Bankalar dəridə uzun müddət qalmamalıdır
E) Sadalanan bütün şərtlərə
Bankalar düzgün qoyulmadıqda bir sıra ağırlaşmalar baş verə bilər. Məsələn, bankanın təmas hissəsi sınıq olduqda bədənə kip yapışma zamanı kəsik əmələ gələr, bankalar arasında məsafə 3-4 sm –dən az olarsa dərinin tarım dartılması nəticəsində kəskin ağrılar ola bilər, bankalar dəridə uzun müddət qaldıqda içərisi maye ilə dolu olan suluqlar əmələ gələr və s. Hər hansı bir ağırlaşma olduqda tibb bacısı dərhal həkimə xəbər verməli və həkimin göstərişi əsasında yerli müalicə aparmalıdır. Ədəbiyyat: C.N.Hacıyev ; R.Y.Əliyev . Xəstələrə qulluq . Səh . 114 . “ Təhsil ” Bakı 1998. 130. Aşağıda göstərilən vəziyyətlərdən hansında tibb bacısı xəstəyə buz qovuğu tətbiq edə bilməz? A) Əzilmələr zamanı ilk 3 gündə
B) Daxili qanaxmalar olduqda
C) Kəskin appendisit zamanı
D) Yüksək qızdırma olduqda
E) Böyrək sancılarında
Buz qovuğunun təsiri nəticəsində dəridə və daha dərində yerləşmiş üzvlərin damarlarında sıxılma baş verir, nəticədə həmin nahiyələrə qan axını azalır. Güclü böyrək sancıları əsasən böyrək daşı xəstəliyi zamanı yaranır, əgər bu zaman xəstəyə buz qovuğu tətbiq edilərsə soyuğun təsirindən spazm yaranır və daşın böyrəklərdən sidik axarlarına, oradan da sidik kisəsinə keçməsi çətinləşır, nəticədə xəstənin sancıları daha da güclənir. Ədəbiyyat: C.N. Hacıyev ; R.Y.Əliyev . Xəstələrə qulluq . Səh . 122. “ Təhsil ” Bakı 1998.
