838
Lebiŋ şîrîn çikip güftâre mindin özgeden sorma
Bu pinhân nükteni bir vâḳıf-ı esrâr olandan sor
Muhabbet şîveside aḳl tedbîri irür bâtıl
Birev kim ışḳ ara mecnûnıŋ irdi ol irür âḳil
Mini kim yıġlamaḳdın men’im iyler zâhid-i câhil
Közi yaşlularıŋ hâlin ni bilsün merdüm-i ġâfil
Kevâkib seyrini şeb-tâ-seher bîdâr olandan sor
Temennâ ḳıldı hatt-ı ârızıŋnı bu çemenlerdin
Bu gül şevḳide bülbül âşiyân ḳıldı tikenlerdin
Gurûr-ı hüsn ile ḳılma teġâfül bî-vatanlardın
Habersiz olma fettân közleriŋ cevrin çikenlerdin
Habersiz mestler bî-dâdını hûş-yâr olandan sor
Gamıŋdın hicr ara bir zerre yaŋlıg boldı timsâlim
İrür sin dil-rübâlar içre hem bî-rahm hem zâlim
Yitip sevdâ-yı zülfüŋdin perîşân olmaġa hâlim
Gâmıŋdın şem’ dik yandım sabâdın sorma ahvâlim
Bu ahvâl şeb-i hicrânımla yâr olandan sor
Melâhatlik yüzüŋdür âfitâb-ı evc-i iḳbâlim
Melâhat taşları birle uşaldı bu per ü bâlim
Biliŋ birle dehânıŋ yârı irdi ḳîl ile ḳâlim
Harâb-ı câm-ı ışḳam nergis-i mestiŋ bilür hâlim
Harâbât ehlini ahvâlini humâr olandan sor
Sabâ tâ ḳâmetiŋ servini her yan iyledi mâyil
Köŋül mecnûndın hûş u hıredni iyledi zâyil
Dostları ilə paylaş: