Tálim bilimlendiriw sistemasında kompyuter texnologiyalarınan paydalanıw

2.2. Tarmaq úskinelerı
Maǵllıwmatlardı jiberıwde qatnasıp, biraq bul processde passiv qatnasıwshı 
qurılmalar tarmaq úskineleri delinedi. Bul toparǵa montaj shkafları, tarqatıwshı 
paneller, tarmaq rozetkaları, kabeller, konnektorlar hám taǵı basqalar kiredi. Bul 
toparǵa, sonday-aq, lokal tarmaq jaratıwda paydalanılatuǵın ásbaplardı da kiritiw 
múmkin. 
Montaj shkafı. 
Kóp sanlı kompyuterlerden quralǵan jergilikli tarmaqta 
montaj shkafısız jumıs pitkeriw qıyın, ol tarmaqtıń derlik barlıq oraylıq basqarıw 
aǵzaların bir jerge jıynaw imkanın beredi. Bunda ádette tarmaqtıń aktiv 
qurılmalarınıń kópshiligin (kommutatorlar, jóneltiriwshiler, modemler) hám 
úskinelerinıń bir bólegin (kross — panel, kross — kabel hám basqalar) jaylastırıw 
múmkin.
 
Shkaftıń ólshemine hám isleniw variantına qarap serverdi, elektr tarmaq 
blogın, KVM — alıwshı úskineni (serverden bir monitorǵa kórinisti shıǵarıw 
ushın) hám basqa qurılmalardı jaylastıriw da múmkin. Montaj shkaflarınıń túrli 
variantları bar, olar tiykarınan eki kórsetkishi menen parqlanadı — isleniw túri 
(aspa — diywalga ornatılatuǵın, polǵa ornatılatuǵın — shkaf túrde) hám 
ólshemleri menen. Onnan basqa shkaftıń konstruktiv isleniwinde hám parq bolıwı 
múmkin, yaǵnıy suwıtıw sisteması, kabeldiń keliw jolları hám basqalar. Shkaftıń 
ólshemi hám isleniw variantın tańlaw tarmaqtaǵı kompyuterler sanına hám 
shkafqa ornatilmaqshı bolǵan qurılmalardıń rejelestirilgen sanina baylanıslı. 
Egerde tarmaqda 30 - 40 laǵan átirapta kompyuterler bólsa, ol jaǵdayda aspa 
shkaf jeterli boladı (2.2.13-súwret). 

---

40 
2.2.13-súwret. Aspa – diywalǵa ornatılǵan montaj shkafı. 
Egerde tarmaqta kompyuterler sanı oǵada kóp bólsa yáki serverlerdi polǵa 
qoyılatugın variantınan paydalanılsa, ol jaǵdayda tańlawdı polda turuwshı shkaf 
variantıda toqtatıp, ólshemlerin bolsa rejelestirilgen qurılmalardı sıydıra alatuǵın 
hám ol shkaftı serverler xanasına yáki ayırıqsha bólmege ornatılatuǵın qılıw hám 
de biymálel shkafqa qurılmalardı jaylastırılatuǵın halda ornatıw lazım.