Otib tiyra jafo dillarga har yondin solib rahna, N achuk sultonki, tan mulkini vayron aylading ketding. Judolig‘ kunjida yetmasmudi hasratda qolg‘onim, Yana sha’nimga bir ortuqcha bo‘hton aylading ketding. Agar tosh bo‘lsa ham ko‘ngling erib lozim edi rahming, Ko‘zicha dushmanim yer birla yakson aylading ketding. Avaldin oshnolig‘ qilmasamchi, oxiri tashlab, Umidim shulmidikim, zor-u hayron aylading ketding. Duoyi davlating ko‘zlar Muqimiy, garchikim mahrum, ВоЧакка ne’mati vasling farovon aylading ketding.
LOLAZOR AYLAB KELI N G Kelsangiz kulbam aro ko‘zni xumor aylab keling, Shum raqiblar ko‘zidin, ey jonim, or aylab keling. Hasratingda ko‘zlarimdin seldek yoshim oqar, Maqsadimni(ng) g‘unchasin ochib, bahor aylab keling. Qatra-qatra qon to‘karmen yo‘llaringda termulub, Sanga oshiqni kim aytdi, intizor aylab keling. Gulshan ichra lof urar shamshod qaddini ko‘rub, Qomatingiz ko‘rsatib bir sharmisor aylab keling. Uchrasa ag‘yor agar qilmay nazar bismil qilib, Qonlaridin ko‘chalarni lolazor aylab keling. Manga zohid ta’n etmush emdi, ey oromi jon, Oni ham borib meningdek beqaror aylab keling. Hech guldin bu Muqimiy tobmadi bo‘yi huzur, Kulbami, ohu ko‘zum, mushki totor aylab keling.
QACHO N GACHA Ag‘yor eliga lutf Да ehson qachong‘acha? Qilmoq ko‘ngulni lola kabi qon qachong‘acha? Hajringda tiyra ro‘z o‘lib, zahri g‘am maosh, Mundoq nihonsen, ey mahi tobon, qachong‘acha?
