Toshkent arxitektura qurilish instituti o. Sh. Mamanazarov loyiha boshqaruvi

"Loyihalarni boshqarish" fanini oʻrganishdan maqsad talabalarni loyiha 
boshqaruvining mohiyati va vositalari bilan tanishtirish, loyiha siklining turli 
bosqichlarida malakali qarorlar qabul qilish, loyiha boshqaruv funksiyalarini 
muvaffaqiyatli bajarish, loyiha jamoasini tuzish va loyiha tuzilmasini yaratish hamda 
loyiha qarorlarini ekspertizadan oʻtkazish imkonini beradi. 

---

5 
Fanni oʻrganish vazifalari quyidagilardir: 

talabalarni loyiha boshqaruvini rivojlantirish tarixi bilan tanishtirish;

loyihalarni boshqarish tizimining ilmiy, nazariy va uslubiy asoslarini tadqiq 
etish;

loyihalarni tasniflash, tadbiq etish va baholashda uslubiy yondashuvlarni 
oʻzlashtirish;

loyihaning hayotiy jarayonining turli bosqichlarida asosiy loyiha 
ishtirokchilarining roli va funksiyalarini oʻrganish;

tashkiliy shakllar va loyihalarni boshqarish tuzilmalari bilan tanishish;

loyihalarni boshqarishning asosiy jarayonlari va funksiyalarini oʻrganish;

loyihalarni ekspertizadan oʻtkazish, baholash va tanlash tartiblari bilan 
tanishish;

loyihalarni moliyalashtirishning asosiy manbalarini tadqiq qilish;

biznesni rejalashtirish loyihalarining mahoratini oshirish; loyiha risklarini 
aniqlash va baholash. 
Tadqiqot predmeti loyiha boshqarish ob’yektidir. Barcha materiallar 
mutaxassislik va sohalarda oʻqitish uchun ta’lim standartlari talablarini inobatga olgan 
holda tanlangan. 
Oʻquv qoʻllanmasini tayyorlashda koʻplab nufuzli manbalar keng qoʻllanildi: 
adabiyotlar, qoʻllanmalar, standartlar, loyihalarni boshqarish bilan bevosita yoki 
bilvosita bogʻliqqoidalar. Qoʻllanma iqtisodiy va qurilish mutaxassisliklari va oliy 
oʻquv yurtlari hududlarida oʻqitishning barcha shakllari, shuningdek, amaliy 
foydalanish uchun moʻljallangan.