Takrorlash uchun savol va topshiriqlar Agrar munosabatlarning mazmunini, iqtisodiy munosabatlarda tutgan o‘rnini va xususiyatlarini ko‘rsatib bering.
«Yerga egalik» va «erdan foydalanish» tushunchalarini izohlang.
Yer rentasi nazariyalarining umumiy tomonlari va tub farqlarini ko‘rsatib bering.
Yer rentasining asl mazmunini tushuntiring.
Differensial (I va II) va absolyut rentaning hosil bo‘lish shart-sharoitlari, manbalari va taqsimlanishini tushuntirib bering.
Monopol renta nima?
Qazib oluvchi va undirma sanoatda renta qanday hosil bo‘ladi?
«Ijara haqi» va «er rentasi» ning farqlarini izohlang.
Agrobiznesning iqtisodiy mohiyatini tushuntiring va uning asosiy turlariga tavsif bering.
Agrosanoat majmuasi va agrosanoat integratsiyasi tushunchalarining iqtisodiy mazmuniga o‘z fikringizni bildiring.
Fermer xo‘jaliklarini rivojlantirishga alohida e’tibor berilishining sabablari nimalardan iborat?
III B O‘ L I M. MILLIY IQTISODIYOT (MAKROIQTISODIYOT)NING AMAL QILISH VA RIVOJLANISH QONUNIYATLARI 14-bob. MILLIY IQTISODIYOT VA UNING MAKROIQTISODIY O‘LCHAMLARI. YALPI ICHKI MAHSULOT VA UNING HARAKAT SHAKLLARI Oldingi boblarda biz iqtisodiy jarayonlar va ularda sodir bo‘ladigan munosabatlarni umumiqtisodiy va korxonalar darajasida ko‘rib chiqqan edik. Mazkur bobda iqtisodiy munosabatlar makroiqtisodiy darajada tahlil qilinadi.
Shuningdek, milliy iqtisodiyot va uning makroiqtisodiy ko‘rsatkichlari tavsifi, milliy ishlab chiqarishning natijasi hisoblangan yalpi ichki mahsulot, uning tarkibiy qismlarining iqtisodiy mazmuni va harakat shakllari yoritiladi. Yalpi ichki mahsulotni hisoblash tizimi hamda uning asosiy ko‘rsatkichlarini hisoblash usullari bayon etiladi.
14.1. Milliy iqtisodiyotning qaror topishi va uning
