Toshkent pediatriya tibbiyot instituti II pediatriya fakulteti neonatologiya kafedrasi

Tashhisi. CHGK ni antenatal aniqlash mumkin. Qonda rezus-manfiy 
mansublikka ega hamma ayollarda kamida 3 marta antitanalar titri tekshiriladi. 1-
tekshirishni ayol 1-marta murojaat qilganda va ayollar konsultasiyasiga hisobga 
qo’yganda o’tkazish zarur. Homiladorolikning 3 trimestrida har oyda tekshirish 
o’tkazish kerak. Agar antitanalar titri 1:16-1:32 va ko’proq bo’lsa, 26-28 haftada 
amniosentez o’tkazish va homila oldi suvlarida bilirubinsimon moddalar 
konsentrasiyasini aniqlash zarur. Zarurat bo’lganda homiladorlikni 32-haftasidan 
kechiktirmay, homilada qonni almashlab qo’yishni amalga oshiriladi. CHGKning 
shishli shaklini UTT da aniqlash ham mumkin. CHGKni immunologik tekshirish 
eng oson va aniq usul hisoblanadi.
CHGK ga gumon bo’lganda tekshirish rejasi: 1) ona va bolaning qon guruhi, 
qaysi rezusga mansubligini aniqlash; 2) periferik qon analizi, retikulositlarini 
hisoblash bilan; 3) bola qon zardobida bilirubin konsentrasiyasini dinamik 
aniqlash; 4) transaminazalar darajasini aniqlash; 5) immunologik tekshirishlar 
rezus mos kelmaslikda qonda va ona sutida anititanalar titrini, shuningdek bola 
eritrositlari bilan bilvosita Kumbs reaksiyasini va ona qon zardobi bilan bilvosita 
Kumbs reaksiyasini dinamikada aniqlash. AVOning mos kelmasligida ona qoni va 
sutida allogemaglyutininlar titrini tabiiy agglyutininlarni immun agglyutininlardan 
farq qilish uchun oqsil va tuz muhitlarida aniqlanadi (immun antitanalar bo’lganda 
oqsilning muhitdagi allogemagglyutininlar titri tuzli muhitga nisbatan 2 bosqichga 
yuqori).
Bola va onaning boshqa kamyob eritrositar antigenli omillari bo’yicha 
ziddiyat bo’lgan taqdirda ona zardobi qo’shilganda bola eritrositlarining 
gemogglyutinasiyasi qayd qilinadi (invidual mos kelishlikka test). 

---

Miyaning bilirubindan shikastlanishining eng ishonchli indiqatori – eshitish 
buzilishini yangi tug’ilganlik davridayoq maxsus usullar yordamida aniqlash 
lozim.