GAZSIMON DORI SHAKLLARI
FORMAE MEDICAMENTORUM GASIFORMAE
Bular dori vositasini gazsimon muhitda, ko‘pincha havoda purkaladigan dori
shakllaridir.
Zamonaviy gazsimon dori shakllarga quyidagilar kiradi:
•
tibbiy gazlar;
•
aerozollar;
•
spreylar.
Gazsimon narkoz moddalar (ingalyasion anestetiklar) jarrohlik amaliyotida
hamma joyda qo‘llaniladi, ammo ulardan foydalanish juda ixtisoslashgan malaka talab
qiladi (birinchi navbatda dori vositalarining zaharliligi va maxsus tibbiy uskunalardan
foydalanish kabi), shuning uchun ulardan foydalanish deyarli shifoxona bo‘limlaridan
tashqariga chiqmaydi. Ambulatoriya amaliyotida faqat tibbiyot muassasalarida
(izofluran, sevofluran va b.) ishlatiladigan dori vositalariga reseptlar yozish
ta’qiqlanadi. Aksincha, aerozollar va spreylar umumiy tibbiyot amaliyotida keng
qo‘llaniladi.
Gazsimon dori shakllarining ta’sir qilish tezligi ularning asosiy afzalligidir:
gazlarning terapevtik ta’sirni rivojlantirish xususiyatini in’eksiya bilan taqqoslash
mumkin.
Muhim kamchiligi shundan iboratki, gazsimon dori shakllarini ishlab chiqarish,
tashish, saqlash, dorixonadan berish va foydalanish paytida muayyan qoidalarga rioya
etish talab qilinadi, chunki ular, odatda, bosim ostidagi germetik ballonlarda ishlab
chiqariladi.
Dostları ilə paylaş: |