Toshkent viloyati chirchiq davlat pedagogika

Keys topshirig'i. Mashq bajarishni tashkil etish bosqichlarini zarur 
izchillikda ifodalang. 
Keys yechimi. Mashq bajarishni tashkil etish bosqichlari: 
1) o'qituvchining faoliyat maqsadi va mazmunini tushuntirishi; 
2) topshiriqni bajarish ketma-ketligini ko'rsatishi; 
3) o'qituvchi nazorati ostida o'quvchilar tomonidan o'quv harakatining 
dastlabki bajarilishi; 
4) zarur ko'nikma va malakalar shakllangunicha o'quv harakatlarning ko'p 
bora takrorlanishi. 
5.Pedagogik bilimlarni amalda qo'llash, mavjud ko'nikma va malakalarni 
to'laqonli namoyon etishga doir keys. 
5.Ma'naviy-ma'rifiy tadbirlarni tashkil etishga kreativ yondashish. 
O'quv mashg'ulotlari va ma'naviy-ma'rifiy tadbirlar uchun auditoriya (joy)ni 
jihozlashga kreativ yondashish. Pedagogning faoliyati faqatgina o'qitishdan 
iborat emas. Bir vaqtning o'zida u tarbiyachilik vazifasini ham bajaradi. 
Ma'naviy-ma'rifiy ishlarni tashkil etish ham pedagog faoliyatining muhim 
yo'nalishi hisoblanadi. Shunday ekan, pedagog ma'naviy-ma'rifiy ishlarini 
tashkil etishga ham ijodiy yondasha olishi zarur. Bunda u quyidagilarga e'tiborni 
qaratishi lozim: 
-ma'naviy-ma'rifiy ishlari maqsaga muvofiq, izchil, uzluksiz va tizimli 
tashkil etishi; 
- o'quv yili uchun puxta asoslangan ma'naviy-ma'rifiy ishlar rejasini ishlab 
chiqishi; 
- rejadan talabalarning e'tiyoj va qiziqishlariga mos keladigan hamda 
dolzarb mavzulardagi muammolarga bag'ishlangan tadbirlarning o'rin olishiga 
erishish; 

---

125 
- ma'naviy-ma'rifiy tadbirlarning reja uchun emas, balki talabalarning 
ehtiyojlarini qondirish, ularni shaxs va mutaxassis sifatida shakllanishlarini 
ta'minlash maqsadida tashkil etish; 
- ma'naviy-ma'rifiy ishlarni ularning yo'nalishi, mazmuni, xarakteriga, 
ko'lami va b. xususiyatlariga ko'ra turli shakllardan interfaollik asosida tashkil 
etilishiga erishish; 
- har bir ma'naviy-ma'rifiy tadbirning aniq maqsad asosida tashkil etilishi 
va albatta, kutilgan natijani kafolatlay olishini ta'minlash; 
- ma'naviy-ma'rifiy ishlarni tashkil etish va o'tkazishda akademik guruhning 
barcha talabalari birdek faol ishtirok etishlariga erishish. 
Nafaqat ma'naviy-ma'rifiy tadbirlar tashkil etiladigan joy, balki o'quv 
mashg'ulotlari o'tkaziladigan auditoriyaning jihozlanishiga erishish pedagogning 
ham tashkilotchilik, ham kreativ faolligidan dalolat beradi. Har ikki holatda ham 
pedagog o'rganiladigan, tahlil etiladigan mavzu mohiyatidan kelib chiqqan holda 
o'quv auditoriyasi va tadbir o'tadigan joy (xona)ni o'ziga xos ruhda bezata olishi 
maqsadga muvofiqdir. 
O'quv mashg'ulotlarida auditoriyaning mavzuning xarakteriga ko'ra 
plakatlar, mulajlar, gerbariylar, xaritalar, badiiy adabiyotlar, olimlar, rassomlar, 
yozuvchilar, sarkardalar hamda davlat arboblarining portretlari, ish jihozlari, 
yozishmalari, adabiyotlari, badiiy asarlari va h.k. bilan bezatilishi mashg'ulot va 
tadbir ruhiyatini ko'tarishga, talabalarga ijobiy, hissiy ta'sir ko'rsatadi. 
Pedagog qanchalik kreativ bo'lsa, o'quv auditoriyasi va ma'naviy- ma'rifiy 
tadbirlar tashkil etiladigan xonani talabalar bilan hamkorlikda, ularning ijodiy 
imkoniyatlari, kreativlik layoqatlariga tayangan holda jihozlashga muvaffaq 
bo'ladi. Natijada ham talabalarning kreativ faolligi oshadi, ham mashg'ulot, 
tadbirning ta'sirchanligi kuchayadi. 
Shunday qilib, zamonaviy o'qitishda muammoli ta'lim muhim ahamiyatga 
ega. Muammoli ta'lim texnologiyalari talabalarda fikrlash, qaror qabul qilish, o'z 

---

126 
fikrini asoslash qobiliyatini shakllantirish ko'nikma, malakalarini samarali 
shakllantirishga yordam beradi. Bu kabi texnologiyalar orasida “Keys-stadi”
texnologiyasi muhim ahamiyat kasb etadi. Keys-stadidan ta'lim jarayonida 
o'rinli, maqsadli,izchil foydalanish o'qitish sifatini yaxshilash, samaradorligini 
oshirish, shu bilan birga talabalarning o'quv-bilish faoliyatini faollashtiradi.