kənd sakinlərinin daimi işlə təmin olunması, məşğulluğun artması
gözlənilir ki, bu da kənd sakinlərinin
maddi rifah səviyyəsinin yaxılaşacağına səbəb olacaq [1, s.74].
Safari turizmi-
Müasir dövrdə ekoturizmin xüsusi növlərindən hesab olunan safari turizminin ölkə
ərazisində inkişafıyla bağlı hər cür imkan var. Ekzotik landşaft, canlılar aləminin zənginliyi xüsusilə, milli
parklarımızda və qoruqlarda bu turizm növünün inkişafına təkan verir. Ənənəvi safari turları heyvanların
nəslini kəsilmək təhlükəsi altında qoyduğundan, son illər ov məqsədlərindən
imtina edilərək əvəzinə
fotosafari turları geniş yayılmışdır. “Sakit ov” adlandırılan fotosafari turlarının inkişafına son dövrlər dövlət
tərəfindən də əlavə dəstək verilməkdədir.
Strateji Yol Xəritəsinə əsasən Şamaxı rayonu ərazisində Safari parkı yaradılmışdır. Safari Parkı
Pirqulu dağ-meşə massivində, 480 hektar ərazidə beynəlxalq standartlara
uyğun bir şəkildə
yaradılmışdır. Heyvanlar aləminin zənginliyinin artırılması məqsədilə Avropa ölkələrindən muflon,
lan və nəcib maral kimi heyvan növləri gətirilmişdir. Parkda baytarlıq və seleksiya işlərinin aparılması
ilə mövcud heyvanların sayı təqribən iki dəfəyə yaxın artmışdır. Yaradılmış Safarı Parkının turistləri
özünə cəlb edəcəyi və bunun nəticəsində regiona turist axının olacağı gözlənilir [5].
Nəzərdə tutulmuş tədbirlər planının
həyata keçirilməsiylə, ölkəmizin müxtəlif regionlarında
turizm sənayesinin inkişafının yüksək səviyyəyə çatacağı gözlənilir. Regional turizmin inkişafı isə
ümumilikdə region iqtisadiyyatının inkişafına öz müsbət töhfəsini verəcək. Ən sonda isə bu inkişaf
özünü region əhalisinin sosial rifahının yaxşılaşmasında göstərəcəkdir.
Dostları ilə paylaş: 
