“Product development” Əsas məhsul — Rekreasiya turizmi, istirahət məqsədli səfərlər, təbiətlə bağlı olan turizmə —
ekoturizm. Qubada turistlərin marağına səbəb olan mənzərəli guşələr çoxdur. Balbulaq, Afurca
şəlaləsi, Təbii minarə, Çənlibel gölü, Qəçrəş kəndi, həmçinin dərinliyi 400-600 m olan Təngəaltı
yarğanı xüsusilə populyar olub turistlərdə daha çox maraq doğurur. Ümumilikdə, Qubada 60-dan çox
təbiət abidəsi var və onlar ekoturizm əhəmiyyətinə malikdirlər. Qubada təbiətin mənzərəli, fauna və
flora aləminin isə zəngin olması bura ekoturistlərin cəlb edilməsinə imkan verə bilər [3, s. 237-238].
-Əlavə məhsul — Mədəni-tarixi və qara turizm, hadisə turizmi: Alma festivalı
Quba Turizm İnformasiya Mərkəzi və Bakıdakı turşirkətlər tərəfindən Tağlı körpü, Cümə və
Səkinəxanım məscidi, Qırmızı qəsəbə, Quba tarix diyarşünaslıq muzeyinə, Azərxalça ASC Quba
filialına, Gümbəzli hamama, Quba meydanı, Nizami parkına ekskursiyalar təşkil edilir. Xınalıq kəndi
tarixi əhəmiyyətinə görə xüsusilə seçilir və Quba deyəndə fikirlərdə ilk olaraq o, xatırlanır. Xınalıq
Qubanın simvoluna çevrilmişdir. Xınalıqda yaşayan etnosun folkloru, adət-ənənələri, özünəməxsus
yaşayış tərzi gələn turist və qonaqlarda böyük maraq oyadır.
Qubaya gələn turistlərə soyqırım memorial kompleksinə də ekskursiya təşkil olunur. Onun
ətrafındakı ərazidə Qubanın əsas simvolu — alma ağacları əkilmişdir. Kompleks yerə batırılmış iki
qılınc formasında inşa edilmişdir. Bununla da o, sanki “Qılınclar yerdə, torpaq altında ola bilər,
Həqiqət yox!” düşüncəsini, ismarıcını insanlara çatdırır. Əvvəllər tapılan sümükləri görmək mümkün
idi, lakin bunun İslam inancına zidd olduğu düşünülərək onları torpağa basdırdılar. Hal-hazırda onların
üzərində xatirə yeri var. Bu məkanın sırf qara turizm obyekti kimi təbliğ etdirilməsini zəruri hesab
etmək lazımdır.
TOURISM AND RECREATION IN THE XXI CENTURY: PROBLEMS AND PROSPECTS
