TÜRKÜN (ilk) ruhaniyyat ocağI İnam atanin (Asif Atanın)
Yüklə 3,17 Mb. Pdf görüntüsü
|
|
DOĞMALIQ – YADLIQ Xalqa Doğmayıq – Cəmiyyətə Yadıq! Doğma Cəmiyyət Yaratmalıyıq! 10 Mərhəm günü, Od Ayı, 8-ci il. Bakı. İCTİMAİ ŞƏR Ehkam Yalanı. Cəmiyyət Cəhənnəmi. Sürü Səfaləti. Zor Əsarəti.
111
OYATMALAR Dövlət Dilənçisi – Əhali Dövlətdən Çörək dilənir, Ev dilənir, Güzəran dilənir. Dövlət Dilənçisi yaranıb.
Yarpaq deyiləm ki, Şər Küləyinə qarışam. Şitil deyiləm ki, Şər Küləyindən qırılam. Ağac deyiləm ki, Şər Küləyindən əsəm. Dağam – Şər Küləyi daşlarımda qırılır! 26 Murad günü, Od Ayı, 8-ci il.
İnamsızlaşdırdı – İnama hədsiz Ehtiyac yaratdı. İdraksızlaşdırdı – İdraka hədsiz Ehtiyac yaratdı. Mənəviyyatsızlaşdırdı – Mənəviyyata hədsiz Ehtiyac yaratdı. İradəsizləşdirdi – İradəyə hədsiz Ehtiyac yaratdı. Şərləşdirdi – Xeyirə hədsiz Ehtiyac yaratdı.
Kasıblıqdan utanmamaq – Halallıqdan usanmamaq!
İnam Ölçüsü – Mütləq. İdrak Ölçüsü – İnsan. Mənəviyyat ölçüsü – Vicdan. İradə ölçüsü – Əməl. SABAHIMIZ Atayurd – Türk Dünyasının Beyni və Ürəyi. Türkiyə – Türk Dünyasının Qolu və Kürəyi.
Özünütəhlil, Özünəqiymət, Özünüdəyişmə. Hər gün, hər həftə, hər Ay, hər İl. 29 Qismət, Qürub Ayı, 8-ci il. Bakı.
Şər başımıza gül səpməz, güllə çaxar.
112
MÜTLƏQ BİRLİK Amal Birdir və Bizimkidir. Sabah Birdir və Bizimkidir. Həqiqət Birdir və Bizimkidir. Amalımızdan başqa Amal Yoxdur! Sabahımızdan başqa Sabah Yoxdur! Həqiqətimizdən başqa Həqiqət Yoxdur! 31 İnam günü, Qürub Ayı, 8-ci il. Bakı. DOĞMALARIMIZ Günəş – İşığımızın Doğması. Səma – Yüksəkliyimizin Doğması. Dağ – Səbatımızın Doğması.
İlin bütün fəsillərindən Fərəh dərmək. Qışın Qar Fərəhini. Yazın Çiçək Fərəhini. Yayın Günəş Fərəhini. Payızın Yağış Fərəhini. 8 Arzu günü, Ata Ayı, 8-ci il. Bakı. GEDİŞAT Öyrətmələr, Mərasimlər, Tədbirlər – İmtina! Amallaşmaq, İnsanlaşmaq, Xalqlaşmaq, Şərqləşmək, Bəşərləşmək! Şərin Şər olduğunu bilməli, Şərin tabeliyindən çıxmalı, Şərə qarşı çıxmalı!
Ehkam, Cəmiyyət, Boyunduruq, Zor.
Zora qarşı Dəyanət. Qorxuya qarşı Cürət. Yalana qarşı Həqiqət. Harama qarşı Halal. Zülmə qarşı Ədalət. Zoru Zordan salmaq. Qorxunu qorxutmaq. Yalanı qovmaq. Haramı hoylamaq. Zülmə Zülm eləmək.
113
XƏLQİ BİRLİK Xalq bir olanda Diri olur. Xalq bir olmayanda Ölü olur.
Ehkama İnanma, Cəmiyyətə baş əymə, Boyunduruqdan çıx, Zora əyilmə!
GÜCSÜZLÜK Ehkamda Həqiqət gücü yoxdur! Cəmiyyətdə Ədalət gücü yoxdur! Boyunduruqda Vəhdət gücü yoxdur! Zorda Ruhaniyyat gücü yoxdur!
Həyatın Mənası – Amal. Bugünün Mənası – Sabah.
Atadan başqa heç kimdən asılı deyiləm. Amaldan başqa heç nədən asılı deyiləm.
Özünə tam inananda özünü tam dərk etmiş olursan. Tutalım ki, Zəifsən – Ruhun ki Zəif deyil, o ki səndən artıqdır. Ruhuna çat! Tutalım ki, Naqissən – Ruhun ki Naqis deyil, o ki səndən artıqdır. Ruhuna çat! Tutalım ki, Naşısan – Ruhun ki Naşı deyil, o ki səndən artıqdır! Ruhuna çat!
İnamla İnamsızlığı məğlub etmək! İdrakla İdraksızlığı məğlub etmək! Mənəviyyatla Mənəviyyatsızlığı məğlub etmək! İradəylə İradəsizliyi məğlub etmək!
Şər İdrakına Sığmayan! Şər İradəsinə Sığmayan!
114
BİLİK BİRLİYİ “Hər şeyi bilən” heç şeyi bilmir. Həqiqət Birdir. Biri Bilməli!
Müqəddəs Kitabları öyrənmək, Özünüdəyişmək, Ata Ailələri yaratamaq!
Xalq Həyatının Üzündə Bugün üzür. Xalq Həyatının Daxilində Sabah bitir.
Üzdəkində qalma! Daxildəkini Üzə çıxart! 9 Ümid günü, Ata Ayı, 8-ci il. Bakı. ÖZÜNÜTƏRBİYƏ ƏHVALI İnam tərbiyəsi: Mütləq olmayana inanma! İdrak tərbiyəsi: Həqiqi olmayanı var olan sayma! Mənəviyyat tərbiyəsi: Kamil olmayanı Mənəvi sayma! İradə tərbiyəsi: İmkansızlığa inanma!
Pioner tərbiyəsizliyi. Komsomol Tərbiyəsizliyi. Partiya Tərbiyəsizliyi.
Məlum oldu ki, yeni sosialist iqtisadiyyatı Böhran qədər köhnəymiş! Yeni sosialist ictimaiyyəti Ədalətsizlik qədər köhnəymiş! Yeni sosialist Mənəviyyatı Əxlaqsızlıq qədər köhnəymiş! Yeni sosialist İdrakı Yalan qədər köhnəymiş!
Adam günahkardır! Cəmiyyət Adama doy gələ bildi! Adam Cəmiyyətə doy gələ bilmədi! Adam İnsan ola bilmədi! 115
“SƏRBƏSTLİK” YÖNÜ Rəisi döy ki, Cəmiyyəti döyməyəsən! Yalançını Döy ki, Ehkamı döyməyəsən! Zorbanı Döy ki, Zoru döyməyəsən! Şərçini Döy ki, Şəri döyməyəsən!
Üzdə nə varsa – Sizin! Daxildə nə varsa – Bizim! Bina Sizin – Ailə Bizim! Məktəb Sizin – İdrak Bizim! Mətbuat Sizin – Həqiqət Bizim! Var Sizin – Amal Bizim! Zaman Sizin – İnsan Bizim! Ürəklərin qapısını üzümüzə kim bağlayacaq?! Zəkaların qapısını üzümüzə kim bağlayacaq?! Arzuların qapısını üzümüzə kim bağlayacaq?!
“Adamda təqsir yoxdur, təqsir cəmiyyətdədir” – deyirdilər, – Kapitalizmi məhv etmək üçün. “Cəmiyyətdə təqsir yoxdur, təqsir adamdadır!” – deyirlər, – Sosializmi xilas etmək üçün.
Yaxşı Dolansın ki, Yaxşı Davransın! Yaxşı Dişləsin ki, Yaxşı İşləsin! Yaxşı Təmin olunsun ki, Yaxşı İstifadə olunsun!
Möhtəşəm Dövlət naminə Zavallı qal!
Məqsəd Ehkamı xilas eləməkdir. Ehkam – Şərdir. Məqsəd Cəmiyyəti xilas eləməkdir. Cəmiyyət – Şərdir.
116
SƏBƏB – NƏTİCƏ Yalana – “Doğru” dedilər! Oğurluğu doğrultdular! Əyriliyi “Düzəltdilər!” Oğru Cəmiyyət yarandı. Əyri Cəmiyyət yarandı. İndi Oğru cəmiyyəti Oğru şəxslərdən “təmizləyirlər”. İndi Əyri cəmiyyəti əyri şəxslərdən “təmizləyirlər”. Xalqı cəmiyyətdən təmizləmək əvəzinə. MADDİYYATÇI ƏXLAQI Mənəviyyatdan danışırlar, çünki maddiyyat geriləyib! İdrakdan danışırlar, çünki maddiyyat geriləyib! Ədalətdən danışırlar, çünki maddiyyat geriləyib! Həqiqətdən danışırlar, çünki maddiyyat geriləyib!
Həqiqəti cəmiyyətləşdirirlər – Yalanlaşdırırlar. Ədaləti cəmiyyətləşdirirlər – Ədalətsizləşdirirlər. Xeyiri cəmiyyətləşdirirlər – Şərləşdirirlər.
Şərə Xidmət eləyən Xeyir yaratmaq.
Həm Doğruçu ol, həm də Yalandan kənara çıxma! Həm Cəsarətli ol, həm də Qorxudan kənara çıxma! Həm Ədalətli ol, həm də Zülmdən kənara çıxma! Həm Xeyirçi ol, həm də Şərdən kənara çıxma!
İsgəndərlərdən Şeyx Nəsrullahçı hazırlamaq.
Alqışla gəlib Qarğışla gedənlər.
Bugünkü Tarix kitablarında Tarix yazılmır – pozulur!
117
YAZILAN TARİX Tarix Amalla Yazılır, Əməllə Yazılır!
Dövlət Elmi Yoxdur, ancaq Dövlət Alimi var. Dövlət Sənəti Yoxdur, ancaq Dövlət Sənətkarı var. Dövlət İnsanı Yoxdur, Dövlət Adamı var.
Rəsmi Ləyaqət – Xüsusi Ləyaqətsizlik. Rəsmi Qeyrət – Xüsusi Qeyrətsizlik. Rəsmi Cəsarət – Xüsusi Qorxaqlıq. Rəsmi Hörmət – Xüsusi Hörmətsizlik. Rəsmi Şərəf – Xüsusi Şərəfsizlik. 11 Mərhəm günü, Ata Ayı, 8-ci il. Bakı. ÜSTÜNLÜYÜMÜZ Amalımız Xalqa, Şərqə, Bəşərə Doğmadır! Ehkamlar, Xalqa, Şərqə, Bəşərə Yaddır!
1.Məxluq sevinci (Bioloji sevinc): Məişət sevinci. Şəhvət sevinci. 2.Adam Sevinci (İctimai sevinc): Rütbə sevinci. Vəzifə sevinci. Şöhrət sevinci. Varidat sevinci. 3.İnsan Sevinci (Ruhani sevinc): İnam sevinci. İdrak sevinci. Mənəviyyat sevinci. İradə sevinci.
Asifçilik. Asifçilər. 12 Qismət günü, Ata Ayı, 8-ci il. 118
XİDMƏT LƏYAQƏTİ Məqsəd – İnsana xidmət etməkdir. İnsana zidd cəmiyyətə xidmət etmək – cinayətdir.
Ruhani İctimai İntibah: Həm İnam, həm Fəlsəfi Təlim, həm Amal, həm Əməl! Vahid Məqsəd! 13 Murad günü, Ata Ayı, 8-ci il. Bakı. PİLLƏLƏR Klub – çağırılmaq, çağırmaq. Ocaq – isinmək, isitmək. Amal – səpilmək, səpmək.
Təhlükə – İqtidar! Təhlükəsizlik – İqtidarsızlıq!
İnsan İnsan olmayanda qeyri-insani Cəmiyyət yaranır və adamlar həmin Cəmiyyəti devirməli olurlar. İnsan İnsan olmayanda qeyri-insani Quruluş yaranır və adamlar həmin Quruluşu devirməli olurlar. İnsan İnsan olmayanda İnsana zidd Qanunlar yaranır və adamlar həmin Qanunları devirməli olurlar. İnsan İnsan olmayanda İnsana zidd Ehkamlar yaranır və adamlar həmin Ehkamları devirməli olurlar.
İnqilab – Azadlıq Carı çəkir. Ədalət carı çəkir. Qardaşlıq carı çəkir. Bərabərlik carı çəkir. Əslində o, İnsanilik carı çəkir.
119
Birləşmə Azadlıq çağırışında kölələr birləşir. Ədalət çağırışında məzlumlar birləşir. Qardaşlıq çağırışında yalqızlar birləşir. Bərabərlik çağırışında məhrumlar birləşir. Əslində İnsanilik çağırışında adamlar birləşir.
Misilsiz Yağılıq yaranır. Yağılıq taxta çıxır.
Təzə Əsarət yaranır. Təzə Zülm yaranır. Təzə Yadlıq yaranır. Təzə Yırtıcılıq yaranır. Çünki İnsanilik yaranmır.
İstək Adam İnsan olmaq istəyir və qeyri-insaniliyindən imtina edir. Yırtıcılığından imtina edir. Xudbinliyindən imtina edir. Köləliyindən imtina edir. Hərisliyindən imtina edir. Həsədindən imtina edir. Şəhvətindən imtina edir. Adam İnsanlaşmaq istəyir. Vəhdət Adam İnsanlaşdıqca İnsanlaşdırır. Yırtıcılığına qalib gəldikcə – Yırtıcılığa qalib gəlir. Xudbinliyinə qalib gəldikcə – Xudbinliyə qalib gəlir. Köləliyinə qalib gəldikcə – Köləliyə qalib gəlir. Hərisliyinə qalib gəldikcə – Hərisliyə qalib gəlir. Həsədinə qalib gəldikcə – Həsədə qalib gəlir. Şəhvətinə qalib gəldikcə – Şəhvətə qalib gəlir.
120
Sabahlaşmaq Bugün İnsaniliyə yaramır. Bu səbəbdən də İmtinaya layiqdir.
Səfalətdən ayıran – Ləyaqətdən ayırmayan! Əsarətdən qurtaran – Əsarətə salmayan! Gərək olan – Sahib olmayan! Xidmət edən – Xəyanət etməyən İqtisadiyyat!
İnsan Amil deyil – Amaldır. Cəmiyyət Amal deyil – Amildir.
Şərə əyilməyən – Şəri əyir. Zora əyilməyən – Zoru əyir. Vara əyilməyən – Varı əyir. Şöhrətə əyilməyən – Şöhrəti əyir. Şəhvətə əyilməyən – Şəhvəti əyir.
Zoru zorsuz saymaq! Varı varsız saymaq! Şöhrəti şöhrətsiz saymaq! Şəhvəti şəhdsiz saymaq! 6 Arzu günü, Xəzan Ayı.8-ci il. Bakı. YENİ ERA Bəşər Fərdiçilik yağışından ümumiçilik yağmuruna düşdü.
“Çoxmillətli xalq” həşirində Birmillətli xalq bişirirlər. YAD BİRLİK 1.
Torpaq Torpağı becərənin olmalıdır, Dövlətin olmamalıdır. Fabrik fabrikdə işləyənlərin olmalıdır, Dövlətin olmamalıdır. 2.
121
Əslində birgə, ictimai, ümumxalq torpağı olmur, Dövlət torpağı olur. Əslində birgə, ictimai, ümumxalq fabriki olmur, Dövlət fabriki olur. 3. Dövlət mülkiyyətində: kəndli torpağından məhrum olur, fəhlələr fabriklərindən məhrum olurlar. 4.
Vahid mülkiyyət əməkçi mülkiyyətsizliyi yaradır. İctimai ədalətsizlik bərqərar olur. 5. Mülkiyyət birliyi əsasında ictimai birlik yaranmaz! İctimai birlik əməkçi mülkiyyəti əsasında yarana bilər. 6.
Ictimailəşən torpaq yadlaşan torpağa çevrilir. İctimailəşən fabrik yadlaşan fabrikə çevrilir. Yadlıq Yağılıq yaradır! TƏZAD “Vahid Mülkiyyət – Vahid cəmiyyət” deyirdilər. Vahid Mülkiyyət – Yad cəmiyyət yarandı.
Azad cəmiyyət üçün Güclü Dövlət gərəkdir – ancaq azadlığa xidmət edən, əsarətə xidmət etməyən güclü Dövlət! Demokratiya üçün İntizam gərəkdir – ancaq demokratiyaya xidmət edən, istibdada xidmət etməyən İntizam! Millilik üçün Ümumbəşərilik gərəkdir – ancaq milləti yaşadan, məhv etməyən Ümumbəşərilik! 24 Qismət, Xəzan Ayı, 8-ci il. Bakı.
Özümləşmə, Müstəqilləşmə əsasında bərabər mübadilə. İqtisadi İttifaqlar boyunduruğundan uzaq! 26 İnam günü, Xəzan Ayı, 8-ci il. Bakı.
Sədamızın əks-sədası.
122
RUHANİ YOLÇULUQ Ehtiyatı özümüzə bayraq eləmirik, yaraq eləmirik, həm də yasaq eləmirik, ehtiyatda saxlayırıq. Özümüzlə Yola müdrikliyi aparırıq, yetkinliyi aparırıq.
Rəsmi Həqiqət olmur, rəsmi cəhalət olur. Rəsmi Ədalət olmur, rəsmi əsarət olur. Rəsmi Ləyaqət olmur, rəsmi qəbahət olur. Həqiqətimiz rəsmiyyətə qarşıdır. Ədalətimiz rəsmiyyətə qarşıdır. Ləyaqətimiz rəsmiyyətə qarşıdır.
1. Özünlə Doğmalaşmaq üçün Özündəki Yadlıqla – Naqisliklə Yağılaşmalısan, döyüşməlisən, onun üzərində tam qələbə çalmalısan! Kamillik səviyyəsində yaranan doğmalıq! Qeyri-kamillər özlərinə yaddırlar! 2.
Özünü tanımaq üçün Özündəki Yaddan ayrılmalısan! Özünlə Doğmalaşmadan özünü tanıya bilməzsən! Doğma Naqislik olmur! Yad Kamillik olmur! 12 Mərhəm, Köçəri Ayı, 8-ci il.
Yatanlar, Ayılın! Yıxılanlar, Qalxın! Əyilənlər, Düzəlin! Ölənlər, Dirilin – Amal Məqamıdır!
Yatanları Ayıldın! Yıxılanları Qaldırın! Əyilənləri Düzəldin! Ölənləri Dirildin! – Amal Məqamıdır!
123
Ayılsın Dünya! Qalxsın Dünya! Düzəlsin Dünya! Dirilsin Dünya! – Amal Məqamıdır!
Söz – İşıq. Söz – Su. Söz – Od. İşıqlanmaq, İşıqlandırmaq, Təmizlənmək, Təmizləmək, İsinmək, İsitmək.
Çoxmillətli müttəfiq respublikalar quraşdırılır ki, “İşıqlı” gələcəkdə birmillətli, vahid ölkə yaransın. Çoxmillətlilik quyusu qazırlar xalqlar üçün.
Taleyimizi Hamının Ümumi Taleyini yazan Şərin əlindən alıb, Özümüz yazdıq.
2 Arzu günü, Günəş Ayı, 9-cu il.
Qorxuya qarşı: Zindanla cəmiyyət arasında fərq yoxdur. Amala Ölüm yoxdur! Əsarətə qarşı: Beynim var ki, düşünəm! Qəlbim var ki, duyam! Gözüm var ki, görəm! Qulağım var ki, eşidəm! Şöhrətə qarşı: Cəmiyyət Təsdiqi İnkardır. Şəhvətə qarşı: Nəşəyə əyilən – heyvana baş əyir. Həsədə qarşı: Dünyada yaxşı nə varsa – mənimdir, pis nə varsa – Yağının. Ətalətə qarşı: Var olmaq üçün sağ olmaq azdır... Yalana qarşı: Murdarlanan dodaq, qulaq. 124
ÖZÜMLƏŞMƏ YADDAŞI Nə qədər özünü bilsən də, Daxilində bilməzlik var. Onu bil. Nə qədər özünə yaxın olsan da, daxilində yadlıq var. Ona yad ol. Nə qədər özünə dost olsan da, daxilində yağılıq var. Ona yağı ol... 17 Ümid günü, Günəş Ayı, 9-cu il. Bakı. MÜTLƏQLƏ İŞIQLANMAQ (Ruhani Qanun) I. İnsan Qorxaqlıqdan Azad olanda Daxilindəki Mütləqə çatırsan, Qorxmazlıq İşığına qərq olursan. Mərasimləşir Məqam. Yalandan Azad olanda Daxilindəki Mütləqə çatırsan, Doğruluq İşığına qərq olursan. Mərasimləşir Məqam. Xudbinlikdən Azad olanda Daxilindəki Mütləqə çatırsan, Özümlük İşığına qərq olursan. Mərasimləşir Məqam. Həsəddən Azad olanda Daxilindəki Mütləqə çatırsan, Qüdrət İşığına qərq olursan. Mərasimləşir Məqam. Şəhvətdən Azad olanda Daxilindəki Mütləqə çatırsan, Ləyaqət İşığına qərq olursan. Mərasimləşir Məqam. Şöhrətdən Azad olanda Daxilindəki Mütləqə çatırsan, Əsillik İşığına qərq olursan. Mərasimləşir Məqam. Hərislikdən Azad olanda Daxilindəki Mütləqə çatırsan, Vüqar İşığına qərq olursan. Mərasimləşir Məqam. Naşılıqdan Azad olanda Daxilindəki Mütləqə çatırsan, Müdriklik İşığına qərq olursan. Mərasimləşir Məqam. Vəhşilikdən Azad olanda Daxilindəki Mütləqə çatırsan, Məhəbbət İşığına qərq olursan. Mərasimləşir Məqam. Mərasim: Zülmətdə İşıq yandırırsan. İşıq Zülməti yandırıb kül eləyir. Zülmət – təbii işıqlarla: şamla, məşəllə, Ocaqla işıqlanır. İşıq Əməli, İşıq Fərəhi Rəmzləşir. Ömrün İşıq Günləri yaranır – əbədi bayramlaşan.
Yüklə 3,17 Mb. Dostları ilə paylaş:
|