Umumiy o‘rta ta’lim maktablarining 6- sinfi uchun darslik

97-mashq.
 Uyga vazifa. Uy hayvonlarining harakatlarini ifo-
dalovchi fe’llarga misollar toping va ular ishtirokida gaplar tuzing.
1-topshiriq. Daraxtlarning yaproqlari oltinday sarg‘aydi gapidagi
fe’lning harakat yoki holatga oid ekanligini aniqlang. Uni bo‘yamoq
fe’liga solishtiring.
2-topshiriq. Silkinmoq, qimirlamoq, to‘planmoq fe’llarining ha-
rakat yoki holatni ifodalashini ayting.
BILIB OLING. 
Fe’llar nimani atab kelishiga ko‘ra
harakat fe’llari va holat fe’llariga bo‘linadi.
Shaxs va narsalarning jismoniy faoliyati natijasida
ro‘y bergan harakatni bildiruvchi fe’llar harakat fe’llari
hisoblanadi. Shaxslarning ichki kechinmalari va narsa-
larning bir holatdan ikkinchi holatga o‘tish jarayonini
ifodalovchi fe’llar esa holat fe’llari sanaladi.
98-mashq.
Matnni o‘qing, fe’llarni harakat va holat fe’llariga ajra-
tib ko‘chiring. Musiqaning inson hayotidagi o‘rni haqida bahslashing.
U choyxona yonidan o‘tib borarkan, ichkaridan taralayot-
gan kuy tovushlarini eshitib, to‘xtab qoldi.
Bolaning yuragi hapriqib ketdi. Uyi tarafga yugurdi. Bir
bo‘lak yog‘och parchasini topib, uni pichoq bilan yo‘ndi,
tekisladi... Nihoyat, shakli dutorga o‘xshagan bir nima yasadi.
HARAKAT VA HOLAT FE’LLARI

---

39
Keyin unga ot qilidan tor tortdi va barmoqlari bilan asta chertib
ko‘rdi. Ojizgina vizillagan tovush eshitildi. Yana chertdi... Yana...
Shu kuni ohang tug‘ildi. Bola uchun yangi, ohangli bir olam
paydo bo‘ldi. (E. Usmonov)
99-mashq.
Ikki guruhga bo‘lining. Birinchi guruhdagilar harakat,
ikkinchi guruhdagilar holat fe’llarini yozsin.
Tasvirlamoq, kuylamoq, taralmoq, qotmoq, o‘ylamoq,
eshitilmoq, porlamoq, yiqilmoq, jimirlamoq, unmoq, o‘smoq,
fikrlamoq, ikkilanmoq, qaytarmoq.