Umumiy va tarixiy geologiya

 

---

5 
1. KURS ISHINING ASOSIY MAQSADI: 
- olingan bilimlarni umumiy va tarixiy geologiya darajasida keyingi 
geologik fanlarni muvaffaqiyatli o‘zlashtirish uchun mustahkamlash va 
kengaytirish;
- o‘quv va ilmiy adabiyotlar, fond materiallari, elektron resurslar bilan 
mustaqil ishlash ko‘nikmalarini rivojlantirish, umumlashtirish, mavjud 
manba ma’lumotlarni tahlil qilish va undan kurs ishida foydalanish; 
- birinchi dala o‘quv geologik amaliyotiga tayyorgarlik. 
2. KURS ISHINING TUZILISHI VA MAZMUNI 
2.1.Kurs ishi quyidagi ketma-ketlikda tuziladi: 
- titul varag‘i (1-ilova); 
- tarkibi (mundarija, 2-ilova); 
- shartli belgilar, birliklar va atamalar ro‘yxati; 
- kirish; 
- asosiy qism; 
- foydalanilgan adabiyotlar ro‘yxati; 
- ilovalar. 
2.2. Kurs ishi mavzusi har bir talabaga variantlar asosida beriladi. 
Bunda talaba umumiy va tarixiy geologiya fanining hamda fanning boshqa 
fanlar bilan o‘zaro bog‘liqligi asosida o‘quv topshiriqlariga javob 
beradigan bo‘lishi kerak.
2.3. Kurs ishini bajarish uchun rahbar tomonidan topshiriq varaqasi 
berilib, ishni talaba yakuniy nazoratlar haftasi boshlangunga qadar 2 hafta 
oldin tugatishi kerak va komissiya ishtirokida taqdimot ma’lumotlari 
asosida himoya qiladi.
2.4. Kurs ishi standart qog‘ozda (format A-4) yoziladi va qog‘ozning 
har bir beti raqamlangan (pastki markazda, birinchi varaqda raqam 
ko‘rsatilmagan holda) bo‘ladi. Kurs ishining umumiy hajmi 1 b.t. 24-26 
sahifadan iborat qo‘lda yoki kompyuterda yozilgan bo‘lib, matnda, shu 
jumladan rasmlar, diagrammalar, jadvallar va grafik ma’lumotlar aks etishi 
kerak. 
2.5. Kurs ishi qo‘l yozma yoki kompyuterda bajarilishi mumkin. Agar 
kurs ishi kompyuterda yozilsa, 1,5 intervalda (chapda 2,5 sm, yuqori va 

---

6 
pastdan 2,0 sm, o‘ng tomondan 1,5 sm, varaq bichimi A4 shaklda 210x297 
mm), Microsoft Word muharririda, matnlar Тimes Nev Roman, 14 
(jadvallar uchun 12) o‘lchamli shriftda, bo‘lishi talab etiladi. Mavzu bosh 
harflarda qoraytirilib, varaqning o‘rtasida yoziladi. 
2.6. Manbalardan olingan sxemalar, chizmalar, jadvallar raqamlangan 
bo‘lishi kerak. Har bir bobdagi raqamlash alohida amalga oshiriladi va bob 
raqamidan boshlanadi, masalan, 1.2-rasm. Tektonik harakatlar. Bu yerda 
“1” - bob raqami, “2” - chizma raqami. Sxemalar, chizmalar, jadvallar 
rasm sarlavhalari bilan birga keladi, ularning oxirida adabiy manbaga 
havola ko‘rsatiladi. Agar kerak bo‘lsa, belgilar tuziladi, ular diagramma 
yoki rasmning sarlavhasida ham tushuntirilishi kerak. Har qanday raqamli 
materialni o‘z ichiga olgan jadvallar katta hajmli bo‘lmasligi kerak. Ular 
mustaqil ravishda raqamlangan bo‘lishi kerak. Har bir jadvalning tepasida 
uning nomi (sarlavhasi) va raqami (jadvalning yuqori o‘ng burchagida) 
joylashtirilishi kerak. Kurs ishi matnida qavs ichidagi rasmlarga havola 
bo‘lishi kerak (masalan, ... quyosh tizimining sayyoralari ... (1-rasm); … 
Yer sayyorasining parametrlari… (5-jadval)). 
2.7. Kurs ishi rahbariga bajarilgan ishning ham bosma, ham elektron 
varianti (ushbu uslubiy qo‘llanmada ko‘rsatilgan parametrlarga muvofiq) 
beriladi. Kurs ishini yozish bo‘yicha maslahatlashuvlarda faqat bosma 
nusxasi qabul qilinadi. 
2.8. Kurs ishida matnida manbalarga havolalar bo‘lishi kerak. 
Manbalarga havolalar manbalar muallifi va nashr etilgan yili kvadrat qavs 
ichida ko‘rsatiladi (masalan, bir muallifi nashrda [Kats D.M., 2010]; bir 
nechta mualliflar - [Yusupov G.U. va boshq., 2021]; bir nechta 
manbalarga havolalar [Yusupov G.U., 2021; Xolbayev B.M. va boshq., 
2022]). Katta mualliflar jamoasi (3 nafardan ortiq muallif) bo‘lgan 
monografiyalarga havola qilingan taqdirda, monografiya nomining 
birinchi so‘zlari va nashr etilgan yili ko‘rsatilishi kerak (masalan, 
“Paleozoy vulkanizmi va pirit” monografiyasining nomi. Janubiy 
Surxandaryo konlari” - [Paleozoy vulkanizmi ..., 1968]). Internet-resursga 
havolalar xuddi shu tarzda rasmiylashtiriladi. 

---

7