IV. Ishlab chiqarish amaliyotini o‘tish jarayonida talabaning majburiyatlari Ishlab chiqarish amaliyotini o‘tish davrida talaba korxonada o‘rnatilgan ichki ish tartibiga rioya qilishi va korxonaning jamoat ishlarida faol ishtirok etishi kerak.
Ishlab chiqarish amaliyotini o‘tayotgan talaba dasturda ko‘rsatilgan barcha vazifalarni bajarishi, bankning yo‘riqnoma, xatlari va boshqa barcha me’yoriy va huquqiy xujjatlar, ularga so‘ngi o‘zgarishlar bilan tanishib borishi lozim. Korxona operatsiyalarini hisobga olish va rasmiylashtirish ishlarini amaliyot rahbari nazoratida mustaqil bajarishi va bu borada ko‘nikmalar hosil qilishi kerak.
Amaliyot davomida talaba institut dekanati tomonidan berilgan kundalikni yuritib, unda har kuni bajargan ishlarini yoritib borishi lozim.
Kundalikda bajarilgan ishlar quyidagi shaklda yozib boriladi.
Har bir ish kunining oxirida shu kungi amaliyot uchun rahbarlik qilgan xodim talabaning bajargan ishlarini kundalik daftariga o‘z imzosini qo‘yishi orqali tasdiqlaydi.
