Урганч Давлат Университети

4891	5105	4941	4871	5023
+02,7

*Viloyat statisitika boshqarmasi ma’lumotlari asosida tuzilgan.
Lekin, aholi o`limi ko`rsatkichlaridagi haqiqiy darajani har ming kishiga o`lganlar soni ifodalab beradi. Xorazm viloyatida 2014 yilda har ming kishi hisobiga o`lganlar soni 6,2 kishini tashkil qilgan bo`lsa, bu ko`rsatkich 2022yilga kelib 4,4 kishigacha, ya’ni 29,0 foizga qisqardi. O`lim darajasining pasayishi, ayniqsa, SHovot (42,3 foizga), Qo`shko`pir (36,1 foizga) tumanlarida yuqori ko`rsatkichlarga ega bo`lgan. Buning sababini viloyat miqyosida butun respublikamizda bo`lganidek, tibbiyot sohasida erishilayotgan yutuqlar va aholi o`rtasida sog`lom turmush tarzining keng tarqalib borayotganldigi bilan izohlash mumkin.
SHu bilan birgalikda Yangibozor (16,9 foiz), Xiva (24,6 foiz), Urganch (25,0 foiz) tumanlarida o`lim darajasining pasayishi ancha sekin sur’atlarda borgan (2.1.6jadval). Buni biz ushbu tumanlarda o`lim to`g`risidagi statistik ma’lumotlarning berilishi yaxshilanganligi bilan izohlashimiz mumkin.
Gurlan tumanida ushbu yillarda aholi o`rtasida o`lim ko`rsatkichlari har ming kishiga 6,3 dan 4,5 kishigacha qisqargan yoki 28,6 foizga qisqargan. YA’ni, aytish mumkinki, tumanda o`lim ko`rsatkichlarining pasayish tendensiyasi viloyat ko`rsatkichlaridan kuchli farq qilmagan.
Aholi o`rtasida tug`ilish va o`lim darajasining o`zgarishi tendensiyalarini tumanlar bo`yicha tahlil qilganda, bu ikki jarayonning farqidan kelib chiquvchi tabiiy o`sish koeffisientining o`zgarib borishi asosida aniqroq ifodalab berish mumkin bo`ladi.

2.1.6-jadval.

Xorazm viloyati tumanlarida o`lim koeffisientlari, 2014-2022yillar

№	Tumanlar	2014	2016	2018	2021	2022	2022yil 2014 yilgga nisbatan, o`zgarish
1	Bogot	5,8	5,5	4,6	4,4	4,0	- 31,0
2	Gurlan	6,3	5,5	5,1	4,4	4,5	- 28,6
3	Qo`shko`pir	6,1	4,9	4,8	4,3	3,9	- 36,1
4	Urganch	5,6	5,2	4,9	4,3	4,2	- 25,0
5	Xazorasp	6,7	6,0	4,9	4,5	4,6	- 31,3
6	Xonqa	6,5	5,4	4,8	4,3	4,8	- 26,2
7	Xiva	6,1	5,3	4,8	4,1	4,6	- 24,6
8	SHovot	6,2	4,6	4,5	4,1	4,0	- 42,3
9	YAngiariq	6,3	5,4	5,1	4,4	4,1	- 34,9
10	YAngibozor	5,9	5,7	5,3	4,8	4,9	- 16,9
	Jami	6,2	5,3	4,8	4,3	4,4	- 29,0

*Viloyat statisitika boshqarmasi ma’lumotlari asosida tuzilgan.

Viloyat 2014-2022yillar davomida aholining tabiiy o`sishi koeffisienti 31,4 promilledan 20,2 promillegacha, ya’ni 35,7 foizga qisqargan (2.1.7-jadval). Eng yuqori qisqarish YAngibozor (42,0), YAngiariq (40,7), SHovot (40,2) va Bog`ot (40,0 promille) tumanlarida kuzatilgan.

2.1.7-jadval. Xorazm viloyati tumanlarida tabiiy o`sish koeffisientlari, 2014-2022yillar

№	Tumanlar	2014	2016	2018	2021	2022	2022yil 2014 yilgga nisbatan, o`zgarish
1	Bogot	32,0	25,4	20,6	17,3	19,2	- 40,0
2	Gurlan	31,8	24,4	21,6	17,9	20,7	- 34,9
3	Qo`shko`pir	31,9	21,0	20,3	17,0	19,5	- 38,9
4	Urganch	28,0	19,9	17,4	17,9	19,9	- 28,9
5	Xazorasp	30,5	25,1	22,4	17,7	21,7	- 28,8
6	Xonqa	32,2	24,8	21,3	19,0	21,5	- 33,2
7	Xiva	31,5	23,6	22,7	22,4	20,7	- 34,2
8	SHovot	34,5	23,4	19,7	16,6	20,6	- 40,2
9	YAngiariq	30,7	21,1	19,2	16,2	18,2	- 40,7
10	YAngibozor	33,8	21,6	19,6	17,5	19,6	- 42,0
	Jami	31,4	23,1	20,5	18,1	20,2	- 35,7

*Viloyat statisitika boshqarmasi ma’lumotlari asosida tuzilgan.
Gurlan tumanida aholining tabiiy o`sishi ushbu davrda 31,8 promilledan 20,7 promillegacha, ya’ni 34,9 foizga kamaygan. Bu ko`rsatkich umumiy viloyat darajasiga yaqindir.
Umumiy aholi soni va mehnatga yaroqli aholi sonining o`zgarishiga uchinchi ta’sir qiluvchi omil – bu migrasiyadir. Migrasiya aholining yosh-jins tarkibiga ham katta ta’sir ko`rsatadi. Ko`chib ketuvchilar hududida u erkaklarning sonini kamaytirib yuboradi (migrantlar tarkibida erkaklarning ulushi taxminan 55-56 foizni tashkil qiladi); aholining eng faol yoshdagi qismini kamaytirib yuboradi. Chunki migrantlarning 2/3 qismi 16-29 yoshdagilar bo`ladi. Mehnat yoshigacha va mehnat yoshidan yuqori bo`lganlarning migrantlar tarikbidagi hissasi 13-15 foizni tashkil qiladi. Demak, migrasiya mehnat resurslarining shakllanishiga katta ta’sir ko`rsatar ekan.
Yuqoridagi javdval (3.1.1.) ma’lumotlari ko`rsatadiki, viloyatda aholining ko`chib yurishi ko`rsatkichlari ham 2021yilgacha deyarli bir xil salbiy saldoga ega bo`lib kelgan bo`lsa, shu yildan keyin ushbu salbiy saldoning kamayishi kuzatilmoqda. Binobarin, aholining yillik o`rtacha o`sish sur’atlari ham 2018-2021yillarda 1,5-1,8 foizni tashkil qilgan bo`lsa, keyingi yillarda yillik o`sish 2,0 foizdan oshib ketdi. Bu yerda yana shuni ham aytib o`tish kerakki, O`zbekiston Respublikasi Vazirlar Mahkamasining 2011 yil 14 martdagi 71-sonli Qarori asosida o`tkazilgan tanlama statistik kuzatuvi natijasida hisob-kitoblarning yanada aniqlashtirilganligi tufayli aholi sonining keskin ko`payib ketganligi kuzatilgan.
Aholi va mehnat resurslarining rivojlanishi ikki xil: ekstensiv va intensiv yo`l bilan boradi. Rivojlanishning ekstensiv yo`li aholi va mehnat resurslarining miqdoriy o`sib borishiga olib keladi. Intensiv yo`l fan-texnika yutuqlaridan foydalanishni, ularning bilim (ma’lumot va kasbiy) hajmlari oshib borishini bildiradi. U mehnat predmetlari va vositalarining, texnologiyalarning takomillashuvini taqazo etadi. Mehnatning fond sig`imi oshadi, eng asosiysi insonning o`zi takomillashib boradi. Aholi va mehnat resurslarining rivojlanishi nafaqat miqdoriy jihatdan, balki sifat jihatdan ham amalga oshadi.
Ishchi kuchi va aholi mehnat salohiyati tushunchalarini bir-biridan farqlash kerak bo`ladi. Farqi shundaki, ishchi kuchi tushunchasi amaldagi ishlab chiqarish uchun taalluqlidir, aholi mehnat salohiyati esa nafaqat doimo ishlatiladigan, balki aholining ishlatilmagan, yashirin imkoniyatlarini ham ko`rsatib beradi. Aholining mehnat salohiyatini qisqacha qilib aytganda, foydalanilayotgan ishchi kuchlarining mehnati va foydalanilmayotgan mehnat zahiralari sifatida tushunish kerak.
Iqtisodiy tahlil amaliyotida aholining ishlab chiqarishda qatnashish yoshidagi chegaralari bilan farq qiladigan demografik avlodlarning yoshlari bo`yicha taqsimlanishi ko`rsatkichlaridan keng foydalaniladi:

• 
  0-15 yosh – mehnatga yaroqli yoshdan kichik bo`lgan aholi;
  
• 
  16-59 (54) yosh – mehnatga yaroqli yoshdagi aholi;
  
• 
  60 (55) va undan yuqori yoshdagilar – mehnatga yaroqli yoshdan katta bo`lgan aholi.