TADQIQOTNING MAQSAD VA VAZIFALARI. Tadqiqotning asosiy maqsad va vazifasi shundan iboratki Xorazmning eng qadimiy qishloqlaridan biri bo‘lgan Bajanak qishloqi tarixini, kelib chiqishi, madaniyati, urf-odatlarini keng o‘rgangan holda hozirgi kunda,Vatanimizning haqqoniy tarixi yaratilayotgan bir paytda unga munosib hissa qo‘shish qishloq nomi, aholisi,mashg‘ulotlari masalasini shuningdek Bajanaklarning Amudaryoning qadimgi holati bilan bog‘liqligi sababi bu masalani ham ilmiy asosda o‘rganish, shuningdek aholining qabila va urug‘larga bo‘linishi masalalarini o‘rganish shuningdek aziz avliyo Bajganik bobo hayoti va faoliyatini o‘rganish, tadqiqotning asosiy maqsad va vazifalari hisoblanadi.
TADQIQOTNING MA‘NAVIY ASOSI Eng qadimgi davrlarni o‘rganishda arxeologik izlanishlarning xulosalari, topilmalari katta ahamiyatga ega.Shuningdek ko‘rilayotgan mavzuni o‘rganishda asosiy manba yozma yodgorliklar hizmat qiladi.Biz milod davridan avvalgi birinchi ming yillikning 1-choragida yaratilgan “Avesto” kitobi, Yunon tarixchilari Gerodot, Aristotel shuningdek Beruniy ,M.Qashg‘ariy, Abulg‘ozixon asarlariga murojaat qildik va foydalandik.
Shuningdek tadqiqotda mahalliy xalq tomonidan avloddan – avlodga o‘tib kelayotgan rivoyat va afsonalarga ham keng o‘rin berildi.
TADQIQOTNING ILMIY YANGILIGI Tadqiqotning ilmiy yangiligi shundan iboratki hozirgacha Bajanak qishlog‘I, uning kelib chiqishi, madaniyati, urf-odatlari maxsus o‘rganilmagan edi. Biz Bajanak to‘g‘risida turli manbalarda keltirilgan ilmiy bilimlarni jamlagan holda undan umumiy hulosalar chiqarishga urindik.Qishloq tarixi to‘g‘risidagi yozma manbalardagi bilimlarni xalq rivoyatlari bilan bog‘lagan holda haqiqatni topishga urindik. “Har bir afsona tagida haqiqat bor” degan naqlning to‘g‘riligiga ishonch hosil qildik.
Chunki Bajanak qishlog‘I tarixi asosan xalq tomonidan to‘plangan ma‘lumotlarga ham to‘g‘ri keladi.Bajanak qishlog‘ining shunday nomlanishi Bajganik bobo bilan bog‘liqligi ehtimoldan holi emas degan xulosaga keldik.
