3-DARS TARMOQ QURILMALARI TARMOQ QURILMALARI 157 USB kabelidan foydalangan holda kompyuter yoki noutbukka ulanadigan tarmoq
kartalari NIC deb emas, balki
tarmoq adapterlari deb nomlanadi.
Simsiz tarmoq interfeys kartalari simsiz tarmoqqa ulanish
uchun maxsus antennaga ega tarmoq interfeys kartasidan
foydalanadi. Smartfonlarda WNIC ma’lumotlarni uzatish
signallari va Wi-Fi ulanish nuqtalariga bog‘lanish uchun
ishlatiladi.
Noutbuk hamda shaxsiy kompyuterlarda tarmoqqa ulanish
uchun bir vaqtning o‘zida tarmoq interfeysi kartalari (NIC)
hamda simsiz tarmoq interfeys kartalari (WNIC)dan
foydalanish mumkin.
Simsiz ulanish nuqtalari qurilmalarga simsiz tarmoqqa
ulanish imkonini beradi.
Simsiz ulanish nuqtasi ma’lumotlarni simsiz yuborish va
qabul qilish xususiyati bilan ajralib turadi. Shuningdek, u
tarmoqdagi qurilmalar haqida kerakli ma’lumotlarni berishi
ham mumkin. Simsiz ulanish nuqtalari ofis yoki maktab
binolari kabilarda WLANni o‘rnatish uchun ishlatiladi.
Umuman olganda, tashqi ko‘rinishidan juda o‘xshash 4 ta
asosiy tarmoq qurilmalari mavjud: xab, svitch, router va
modem. Bu qurilmalarda turli kabellar [masalan, Ethernet kabellar yoki telefon liniyalari (DSL)
kabellarini ulash joylari – portlar bo‘lishi mumkin.
Internetga ulanish uchun NIC yoki WNIClardan biri bo‘lishi shart. NIC/WNICning asosiy maq
-
sadi ma’lumotlarni qabul qilish, yuborish va formatlashdan iborat.
Xab yoki tarmoq konsentratori turli xil qurilmalarni kabellar
orqali bog‘lash uchun ishlatiladigan tarmoq qurilmasi bo‘lib,
tarmoqdagi kompyuterlar orasida ma’lumot almashish
imkonini beradi. Bir portdan olingan ma’lumotni kuchaytiradi
va uni boshqa barcha portlarga uzatadi. Xabga ulangan
barcha qurilmalar bir-biri bilan muloqot qila oladi.
Tarmoq qurilmalarining har biri o‘ziga xos qanday funksiyalarga ega?
