Вәһһаби Мәзһәби

İslam və bu kimi and içmələr

İslami rəvayətlər belə andların düzgünlüyünə şəhadət verir. Bu rəvayətlərin bəzisi Peyğəmbərdən, bəzisi isə onun Əhli-beytindən nəql olunur. Sənədi dəqiq olan rəvayətlərin möhkəmliyinə diqqət yetirməklə bu məsələni haram və yaxud məkruh adlandırmaq olar.

Əziz Peyğəmbər kor kişiyə belə dua etməyi öyrətdi:

“İlahi, Səni and verirəm rəhmli Peyğəmbərin Məhəmmədə.”¹

“Əbu Səid Xüdri” Peyğəmbərdən bu duanı nəql edir:

“İlahi, Səni and verirəm Səndən hacət istəyənlərə...”²

Əziz Peyğəmbər Əlinin anası Fatiməni dəfn edərkən belə dua etdi:

“İlahi, Səni and verirəm Peyğəmbərinə və ondan qabaqkı peyğəmbərlərə, anam Fatimə binti Əsədi bağışla və onun yerini genişləndir. (yəni onu qəbir əzabından qoru³).

Həzrət Adəm belə dua etdi:

“İlahi! Səni and verirəm Məhəmmədə, məni bağışla.”⁴

“Səhifeye-Səccadiyyə” kitabında dördüncü imamdan duaların nəql olunması belə bir təvəssülün səhihliyini və möhkəmliyini bildirir. Duaların mənalarının böyüklüyü və əzəməti, kəlmələrin incəliyi və gözəlliyi bu duaların imama aid edildiyini bəlli edir.

İmam Səccad (ə) Ərəfə günündə belə dua edirdi:

“İlahi, Səni and verirəm başqa məxluqlardan ayırdığın kimsələrə, Özün üçün seçdiyin, xalq arasında ixtiyar sahibi etdiyin, Öz məqamınla tanış etmək üçün yaratdığın adamlara. Səni and verirəm o pak şəxslərə ki, onlara itaət etməyi Özünə itaət etmək, onlarla düşmənçilik etməyi Özünə düşmənçilik etmək kimi qərar vermisən.”⁵

İmam Sadiq (ə) böyük cəddi Əmirəlmöminin Əli (ə)-ın qəbrini ziyarət edərkən belə dua etdi:

“İlahi, Səni and verirəm Məhəmməd, Əli, Fatimə, Həsən və Hüseyn (ə)-ın haqlarına, mənim duamı və ibadətimi qəbul elə və məni Öz övliyalarınla bir yerdə qərar ver.”⁶

Həzrət Səccad (ə) və Həzrət Sadiq (ə)-la yanaşı, başqa imamlar da dua edərkən Allahı Öz saleh bəndələrinə and vermişlər.

Həzrət imam Hüseyn ibn Əli (ə) dua edərkən belə deyir:

“İlahi, mən Səni and verirəm müqəddəs kəlmələrinə, izzətinə, yerlərdə və göylərdə sakin olanlara, peyğəmbərlərinə və göndərdiyin elçilərə, mənim duamı qəbul edə. Çünki mənim işim çətinliyə düşüb. İlahi, Məhəmməd və onun Əhli-beytinə salam göndər və mənim çətinliklərimi aradan qaldır, işimi asan elə.”

Bu dualar çox olduğundan onların hamısından burada danışsaq söz uzanar. Daha yaxşı olar ki, sözü burada qısa edək və vəhhabilərin etirazlarına nəzər salaq.