Verska(1 128) 2017 yil p65

223-mashq.
 Bog‘lovchilarni turlarga ajrating. Shart bog‘lovchilari
qatnashgan gaplar tuzing.
Hamda, biroq, va, yo ... yo, garchi, chunki, ammo, ham,
dam ... dam, lekin, basharti, yoki, agar, goh ... goh, ya’ni.
 Savol va topshiriqlar
1. Shart bog‘lovchilarini ayting va ular ishtirokida gaplar tuzing.
2. Shart bog‘lovchilari qanday vazifa bajaradi?
3. Bog‘lovchilar ishtirok etgan gaplarda tinish belgilarining ishlatilishi
haqida gapiring.
224-mashq.
 Uyga vazifa. «Agar men sehrgar bo‘lsam» mavzusida hikoya
yozing. Bog‘lovchilardan foydalaning. Shart bog‘lovchilarining tagiga
chizing.
MUSTAHKAMLASH
Mustahkamlash uchun savol va topshiriqlar
1. Bog‘lovchilar deb nimaga aytiladi?
2. Biriktiruv bog‘lovchilari qaysilar?
3. Zidlov bog‘lovchilari ishtirokida gaplar tuzing.
4. Sabab bog‘lovchilarini qatnashtirib gaplar hosil qiling.
5. Aniqlov bog‘lovchisi deb nimaga aytiladi?
6. Shart bog‘lovchilari qaysilar?
1-topshiriq. Nuqtalar o‘rniga quyida berilgan bog‘lovchilardan
mosini qo‘yib, gaplarni ko‘chiring. Bog‘lovchilarga izoh bering.
1. Tog‘ga chiqishda Boburning o‘smirligi juda ish berdi. U
hammadan oldin toshdan toshga yengil ko‘tarilib borar, ... onasiga,
... opasiga yuqoridan qo‘l cho‘zib yordamlashib qo‘yardi. (P. Qodirov)
?
?

---

109
2. Kecha... kunduz aqliy mehnat bilan mashg‘ul bo‘lgan alloma
vaqtning qanday tez o‘tayotganini sezmas edi. (Mirkarim Osim)
3. Sobirjonning yoshi oltida, ... yoshiga nisbatan bo‘yi past. (S. Mar-
diyev) 4. Ular qushchalarni, rang-barang baliqchalarni, oq ... kulrang
quyonchalarni tomosha qilishadi. (A. Azimova)
B o g ‘ l o v c h i l a r: va, ammo, -u, -yu, goh... goh.
2-topshiriq. Matnni ko‘chiring. Bog‘lovchilarni topib, ularni izoh-
lang. Matndagi g‘oya haqida bahslashing.
Shavkat qushdagi o‘zgarishdan tashvishga tushdi. Otasidan buning
sababini so‘radi.
– Yorug‘ dunyodagi har bir maxluqot, avvalo, ozod va erkin
yashash uchun yaratilgan, – dedi Abduqodir aka.
– Unda odamlar nega hayvonlarni hamda qushlarni qo‘lga
o‘rgatishadi, qafasga solishadi?
– Bir vaqtlar odamzod ona tabiat bilan bir tan-u bir jon bo‘lgan,
endi esa tabiat ustidan zo‘ravonlikka o‘tdik, buning oqibati yaxshi
bo‘lmaydi.
Shavkat uchun bu gap yangilik edi. (Sh. Otaboyev)
3-topshiriq. Uyga vazifa. Gaplarni ko‘chiring. Bog‘lovchilarga
izoh bering.
1. Mol va boylikning umri qisqa, tezda zavol topadi, ammo
yaxshi nom uzoq asrlar davomida o‘lmaydi. 2. Mirza Muhiddin goh
jiddiy gapirib, goh suyuqlik qilib, uni yuqoriroq o‘tirishga undardi.
(Abdulla Qahhor) 3. Razzoq so‘fining so‘zlari va Qurvonbibining
ishontirishlari ila Zebining ko‘ngli bir qadar tinchlandi. (Cho‘lpon)
4. Ko‘pchilikning yo akasi, yo o‘g‘li urushda. (Said Ahmad)