şəxsi toxunulmazlıq;
mənzil toxunulmazlığı;
fiskal immuniteti;
gömrük imtiyazları;
hərbi və digər şəxsi mükəlləfiyyətlərdən azad olunma.
İnzibati-texniki heyətin üzvləri də, demək olar ki, eyni imtiyaz
və immunitetlərdən istifadə edirlər. Bu şəxslərin mülki-hüquqi və inzibati yurisdiksiyadan immuniteti onlar yalnız öz xidməti vəzifələrini icra etdiyi zaman qüvvədə olur.
Xidmətçi heyətin üzvləri xidməti vəzifələrini icra etdikləri zaman törətdikləri hərəkətlərlə bağlı immunitetə malikdirlər və onlar aldıqları məvacibdən vergi və rüsum ödəməkdən azaddırlar.
Dövlətlərin beynəlxalq təşkilatlar yanında nümayəndəlikləri
Dövlətlərin beynəlxalq təşkilatlar yanında daimi nümayəndəlikləri diplomatiya və konsulluq hüququnun nisbətən yeni institutu hesab edilir. Bu institutun yaranması və inkişafı müxtəlif səpkili beynəlxalq təşkilatlann meydana gəlməsi və beynəlxalq məsələlərin həllində onlann artan rolu, dövlətlərlə həmin beynəlxalq təşkilatlar arasındakı əlaqələrin səmərəli qurulması zərurəti ilə əlaqədardır. Dövlətlərin Birləşmiş Millətlər Təşkilatında, BMT-nin ixtisaslaşmış təşkilatlarında, regional təşkilatlarda daimi nümayəndəlikləri vardır. Təşkilatın nizamnaməsi bunu nəzərdə tutursa, həmin təşkilatın yanında onun üzvü olmayan dövlətlərin daimi müşahidəçi missiyalan olur.
Beynəlxalq təşkilat yanında nümayəndə təşkilatın mənzil-qərargahının yerləşdiyi dövlətdə akkreditə olunmur, o öz dövlətini beynəlxalq təşkilatda (onun orqanında) təmsil edir. Bu faktın özündən aşağıdakı hüquqi nəticələr ortaya çıxır: a) həmin nümayəndənin təyin olunması üçün beynəlxalq təşkilatdan və ya təşkilatın yerləşdiyi dövlətdən aqreman alınması tələb olunmur; b) bu nümayəndələr ikitərəfli diplomatiyada tətbiq olunan qaydalar əsasında persona non grata elan oluna bilməzlər; c) təşkilatın yerləşdiyi dövlət onlara münasibətdə qarşılıqlı əsasda hər hansı tədbir görə bilməz.
Beynəlxalq təşkilatlar yanında daimi nümayəndəliklərin funksiyaları bunlardır: a) nümayəndəliyi göndərən dövlətin təmsil olunması; b) təşkilatda həmin dövlətin mənafelərinin qorunması;
təşkilatla əlaqələr saxlanılması; ç) öz dövlətinə təşkilatın fəaliyyəti haqqında məlumat verilməsi və s.
Beynəlxalq təşkilatlar yanında nümayəndəliklərin və onlann əməkdaşlarının imtiyaz və immunitetləri diplomatik nümayəndəliklərin və onlann diplomatik heyətinin malik olduğu imtiyaz və immunitetlərlə ümumən üst-üstə düşür.
Dostları ilə paylaş: |
