Qаz хiDMƏTİ İŞÇİSİNİn sоrğu kitаbi

Əlavə 4. 
Yaşayış evlərində və ictimai binalarda 
daxili qaz avadanlıqlarına texniki baxış və profilaktik xidmət işlərinin
keçirilməsi haqqında 
TƏLİMAT. 
1. Ümumi hissə. 
1.1.
Hazırki təlimat təsdiq olunan andan “Azəriqaz” İstehsalat Birliyinin 01.02.2010-
cu il tarixli 21 saylı əmri ilə təsdiq olunmuş “Yaşayış evlərində və ictimai 
binalarda daxili qaz avadanlığına texniki baxış və xidmətin aparılması üzrə 
təlimat” qüvvədən düşmüş hesab edilsin. 
1.2.
Azərbaycan Respublikasının Nazirlər Kabinetinin 12 may 2011-ci il tarixli, 
80 nömrəli Qərarı ilə təsdiq edilmiş “Qazdan istifadə Qaydaları”nın 3.1.7.-ci 
bəndinə əsasən qaz paylayıcısı istehlakçının qaz qurğularına altı ayda bir 
dəfədən az olmayaraq texniki baxışın keçirilməsini təmin etməlidir. 
1.3.
Bu təlimatın “Azəriqaz” İstehsalat Birliyinin tabeçiliyində olan Azərbaycan 
Respublikasının şəhər və digər yaşayış məntəqələrində yaşayış və ictimai 
binaların daxili qaz avadanlıqlarının istismarı ilə məşğul olan qaz istismar 
sahələri tərəfindən yerinə yetirilməsi mütləqdir. 
1.4.
Texniki xidmətin növləri aşağıdakılardır; 
texniki baxış (fərdi mənzillərdə hər 6 ayda bir dəfədən az olmayaraq, ictimai 
təyinatlı və məişət xidməti müəssisələrinin qaz avadanlıqlarına ayda bir dəfədən 
az olmayaraq); 
sifarişlər əsasında növbədənkənar xidmət. 
1.4.1.
Texniki baxış – yaşayış mənzillərinin və ictimai binaların daxili qaz 
avadanlıqlarına texniki xidmətin əsas növüdür. Texniki baxış zamanı hazırki 
Qaydalarla nəzərdə tutulmuş bir sıra tədbirlər həyata keçirilməlidir. 
1.4.2.
Sifarişlər əsasında növbədənkənar xidmət – abonentlərin sifarişləri əsasında 
yerinə yetirilir. 
1.4.3.
Keçirilən hər bir texniki baxış zamanı abonentlər qazdan təhlükəsiz istifadə 
qaydalalrı barədə təlimatlandırılmalıdır. 
1.5.
Texniki xidmət işlərinə kvalifikasiyası 2-ci dərəcədən aşağı olmayan, “Qaz 
təsərrüfatında 
təhlükəsizlik 
qaydaları” 
üzrə 
imtahan 
vermiş 
Qaz 
avadanlıqlarının istismarı və təmiri üzrə çilingərlər buraxılır.
Mənzillərə gedərkən çilingər “Azəriqaz” İB tərəfindən verilmiş vəsiqəni təqdim 
etməlidir. 
2. Daxili qaz avadanlıqlarına texniki baxışın keçirilməsinin 
təşkili. 
2.1.
Texniki baxışın keçirilməsi məqsədi ilə hər bir rayon Qaz istismar sahəsi üzrə 
(bütün ünvanlar göstərilməklə, QİS-in rəhbərliyi tərəfindən təsdiq edilmiş, Forma-1), 
və ayrıca xidmət sahələri üzrə (hər bir çilingər üçün nəzərdə tutulmuş 
Forma-2
) 

---

289 
cədvəllər hazırlanmalıdır. Texniki baxış bu cədvəllərdə nəzərdə tutulmuş tarixlərdə 
həyata keçirilməlidir.
Cədvələ əsasən xidmətin ustası və ya mühəndisi tərəfindən hər bir çilingərə 
gündəlik tapşırıq verilir və bu barədə xüsusi jurnalda müvafiq qeydiyyat aparılır. 
Çilngərlərin və ustaların xidməti əraziləri, ünvanları göstərilməklə QİS-in daxili 
əmri ilə müəyyən edilir. 
2.2.
Texniki baxışın keçirilməsi, aşkar olunmuş çatışmazlıqlar və görülmüş tədbirlər 
barədə abonent kitabçalarında və hər bir çilingərdə olan “Yaşayış evlərində və digər 
obyektlərdə qaz avadanlıqlarına texniki baxış və profilaktik xidmət işlərinin 
keçirilməsinin qeydiyyat və təlimat jurnalı”-nda qeydiyyat aparılır.
Görülmüş işlərin nəticələri barədə 2 nüsxədən ibarət akt tərtib olunur (Forma-3).
 
Aktın bir nüsxəsi abonentə təqdim olunur və bu nüsxəni almasını abonent jurnalda öz 
imzası ilə təsdiq etməlidir. 
Qeyd: Kitabçalar, aktlar və jurnallar “Azəriqaz” İB tərəfindən verilmiş sifarişə 
uyğun hazırlanaraq QİS-lərə tələbatlarına əsasən verilir. 
3. Daxili qaz avadanlıqlarına texniki baxış zamanı yerinə yetirilən 
işlər.
 
3.1.
Yaşayış evlərində və ictimai binalarda qoşulma nöqtəsindən başlayaraq mənzilə 
gedən və mənzildaxili qaz xətlərinə, onların üzərindəki avadanlıqlara, məişət qaz 
sayğaclarına, qaz cihazlarına və bağlayıcı armaturlara texniki baxış keçirilir. Yivli və 
qaynaq birləşmələrində, kranlarda və digər armaturlarda qaz sızmasının mövcudluğu 
sabun köpüyü və ya xüsusi detektorlar vasitəsi ilə yoxlanılır. 
Baxış zamanı qaz cihazlarının, qaz kəmərlərinin və onların quraşdırıldıqları 
otaqların qüvvədə olan norma və qaydalara uyğunluğu, sayğacın normal işləməsi, 
qeyri-standart qaz cihazlarının mövcudluğu, tüstü bacalarının və ventilyasiya 
kanallarının sorma qabiliyyəti (qaz cihazlarının işlək və qeyri işlək vəziyyətlərində), 
evdaxili qaz xətlərinin, avadanlıqlarının və cihazların kipliyi yoxlanılır. Qazın 
cihazlarda yanması tənzimlənir. 
Texniki baxış və xidmət işləri qaz təsərrüfatının inventarlaşdırılması və 
reviziyası şəklində təşkil olunmalıdır. 
İstehlakçılar tərəfindən qazdan təhlükəsiz istifadə qaydaları pozulduqda qaz 
təsərrüfatının məsul işçisi tərəfindən məişət qaz cihazları şəbəkədən ayrılmalı, akt 
tərtib edilməli və jurnalda qeydiyyat aparılmalıdır.
Qaz cihazlarında sızma ilə əlaqədar olan nasazlıqların bir çilingər tərəfindən 
aradan qaldırılması mümkün olmadıqda və yaxud ehtiyat hissələri olmadıqda cihaza 
tıxac yaxud plomb vurulmaqla qazın verilişi dayandırılır. Bu barədə aktda, kitabçada 
və jurnalda qeydiyyat aparılır, abonentə xəbədarlıq edilir və QİS-ə yazılı məlumat 
verilir.
Mənzildaxili qaz kəmərlərindən və ya armaturlarından qaz sızmasının qarşısının 
alınması mümkün olmadıqda mənzilə verilən qazın verilməsi dayandırılaraq, yuxarıda 
göstərilən qaydada sənədləşdirilir və QİS-ə məlumat verilir. 
Qazın sızmasının və yaxud iyinin digər kəmərlərdən (mənzilin xaricindən) 
gəldiyini ehtimal olunursa, QİS-in rəhbərliyinə yazılı məlumat verilməli və QDX-dən 
qəza briqadası dəvət olunmalıdır.Qazın verilişinin dayandırılması tüstü bacasının 

---

290 
çəkməməsi səbəbindən olduqda, həmin cihazlara qazın verilməsi yalnız tüstü bacası 
təmizləndikdən sonra mümkündür. 
3.2.
Qaz cihazlarının tənzimləyici və təhlükəsizlik funksiyalarını yerinə yetirən 
avtomatikası yoxlanmalıdır. 
3.3.
Qaz təsərrüfatında təhlükəsizlik qaydalarının tələblərinə zidd olan hallarda. 
Qaz kəmərlərinə qanunsuz qoşulma halları aşkar edildikdə, müvafiq texniki sənədlər 
olmadan quraşdırılmış cihazlara qaz verildikdə, eləcə də tüstü bacaları çəkməyən qaz 
cihazlarına təbii qazın verilməsi dayandırılmalıdır.
3.4.
Daxili qaz kəmərlərinə xidməti yerinə yetirən şəxs aşağıdakıları bilməlidir; 
“Qaz təsərrüfatında təhlükəsizlik qaydaları”na əsasən qazlaşdırılmasına icazə 
verilən mənzil və binaların ölçülərinə olan tələblər; 
hamam otaqlarına olan tələblər; 
hər bir qaz cihazının quraşdırılmasına aid tələblər; 
yaşayış binalarında qaz kəmərləri polad borularla çəkilməlidir; 
binalarda qaz kəmərləri görünən yerlərlə çəkilməlidir və kəmərlərin çəkilməsinə 
aid digər tələblər; 
başqa qayda ilə çəkilməsi mümkün olmadıqda alçaq təzyiqli qaz tranzit 
kəmərlərini yaşayış otaqları ilə çəkmək olar. Bu halda qaz kəməri keçən yaşayış 
ərazisində yivli birləşmələr və armaturlar olmamalıdır; 
qaz cihazlarının işlədiyi və işləmədiyi hallarda tüstü bacasında sormanın 
yoxlanılması qaydaları; 
bu hallarda qaz cihazlarının quraşdırılmasına icazə verilmir; 
zirzəmilərdə yerləşən, təbii işıqlanması olmayan mətbəxlərdə yaxud mətbəx 
kimi istifadə olunan otaqlarda; 
maye qaz işlədilən zirzəmilərdə və sokol(kürsü) mərtəbələrdə yerləşən 
mətbəxlərdə yaxud mətbəx kimi istifadə olunan otaqlarda; 
ümumi istifadəli dəhlizlərdə; 
qaz cihazları quraşdırılmış otaqların havası daim dəyişdirilməlidir, ventilyasiya 
kanallarını bağlamaq qəti qadağandır; 
qaz kəmərlərində və cihazlarda qaz sızmasını təyin etmək üçün oddan istifadə 
etmək qadağandır; 
qaz cihazlarının yeri ancaq qaz təsərrüfatı müəssisəsinin tərəfindən dəyişdirilə 
bilər; 
təbii qazdan təhlükəsiz istifadə qaydalarını bilməli və bu barədə abonentləri 
təlimatlandırmalıdır; 
öz vəzifə təlimatlarını və texniki təhlükəsizlik qaydalarını bilməli və ona riayət 
etməlidır. 
3.5.
Texniki xidmət işləri başa çatdıqdan sonra qaz kəmərlərinin, armaturların və 
cihazların kipliyi xüsusi cihazlar və ya sabun köpüyü vasitəsi ilə yoxlanmalıdır. 
4. Sifarişlər əsasında növbədənkənar xidmətin təşkili. 
4.1.
Sifarişlər əsasında növbədənkənar xidmətin aparılması və sənədləşdirilməsi 
“Azəriqaz” İB üzrə təsdiq edilmiş “Qəza hallarının qarşısının alınması və 
məhdudlaşdırılması Planı”-nda göstərilmişdir. Sifarişlər “Qəza sifarişlərinin 

---

291 
qeydiyyatı jurnalı”nda qeydiyyatdan keçirilərək, “çağırış vərəqəsi” əsasında 
aşağıda göstərilən müddətlərdə yerinə yetirilməlidir; 
a)
qaz sızması ilə əlaqədar çağırışlar – dərhal (briqada və ya çilingər
5 dəqiqə ərzində çağırışdakı ünvana yola düşməlidir). 
b)
yemək hazırlama cihazlarının nasazlığı – 1 sutka ərzində. 
c)
isitmə mövsümündə qızdırıcı cihazların nasazlığı – 1 sutka ərzində. 
d)
digər cihazların nasazlığı – 2 sutka ərzində.
4.2.
Sifarişlər əsasında növbədənkənar xidmətin nəticələri barədə “Çağırış” 
vərəqəsində qeydiyyat aparılır, görülmüş işlər barədə akt tərtib edilir.
Aktın bir nüsxəsi abonentə təqdim edilir, digər nüsxəsi isə QİS-də saxlanılır. 
5. Əlavə məlumatlar. 
5.1.
Yerli İcra Hakimiyyətlərinə məxsus yaşayış binalarında binadaxili qaz 
kəmərlərinin və avadanlıqlarının saxlanmasına və saz halda olmasına mənzil 
istismar təşkilatları, idarə tabelikli yaşayış binalarında və yataqxanalarda bina 
sahibləri, özəl və kooperativ yaşayış binalarında bina sahibləri, fərdi yaşayış 
evlərində isə həmin evlərin sahibləri cavabdehdirlər. 
5.2.
Yaşayış binalarının bilavasitə mənzillərində və fərdi evlərdə mənzildaxili qaz 
kəmərlərinin, işləyən məişət qaz cihazlarının təhlükəsiz istismar edilməsinə və 
onların lazımi səviyyədə saxlanmasına mənzil və ev sahibləri cavabdehdirlər. 
5.3.
Tüstü bacalarının və ventilyasiya kanallarının texniki saz vəziyyətdə 
saxlanılmasına binaların və fərdi evlərin sahibləri cavabdehdirlər. 
5.4.
Tüstü və ventilyasiya kanalları dövri olaraq yoxlanılmalı və aşağıda göstərilən 
müddətlərdə mülkiyyətçi tərəfindən təmizlənməsi təmin edilməlidir; 
kvartalda bir dəfə düz axımlı su qızdırıcılarının və restoran plitələrinin 
kərpicdən tikilmiş tüstü bacaları; 
ildə bir dəfə avtomat sorması olan axımlı su qızdırıcılarının tüstü bacaları; 
ildə bir dəfə qızdırma mövsümündə əvvəl qızdırıcı və qızdırıcı-bişirici 
sobaların, tutumlu su qıdırıcılarının, qızdırıcı mənzil qazanlarının tüstü bacaları; 
ildə bir dəfə ventilyasiya kanalları. 
5.5.
Tüstü bacalarının və ventilyasiya kanallarının yoxlanılması, təmizlənməsi və 
yoxlamanın yekunları üzrə aktın tərtib edilməsi “Qaz təsərrüfatında 
təhlükəsizlik qaydaları”na uyğun aparılmalıdır. Aktın bir nüsxəsi nəzarət 
aparılması üçün qaz təsərrüfatı müəssisəsinə təqdim edilməlidir. Göstərilən akt 
qaz təsərrüfatı müəssisəsinə təqdim edilmədikdə istehlakçıya qazın verilməsi 
dayandırıla bilər (QTTQ. Bakı ş. 1987-ci il. bənd 9.243. hal-hazırda 
qüvvədədir.) 

---

292