Xalq banki tizimida shartnomalarni tuzish bo‘yicha Tavsiyalar

3. ASOSIY TUSHUNCHALAR 
3.1. Agar shartnoma matnidan boshqacha mazmun anglashilmasa, ushbu shartnoma matnida keyinchalik 
uchraydigan barcha tushunchalar, mazkur bo‘limda keltirilgan ma’noda tushuniladi: 
ariza beruvchi
— birlamchi/ikkilamchi uy-joy bozorida kvartirani sotib olish maqsadida ipoteka krediti 
olish uchun bankka ariza taqdim etgan jismoniy shaxs; 
Qarz oluvchi
— birlamchi/ikkilamchi uy-joy bozoridagi kvartirani sotib olish uchun ipoteka krediti olgan 
va kredit shartnomasida belgilangan shartlarda qaytarish majburiyatini olgan jismoniy shaxs;
Birgalikda qarz oluvchi
– Qarz oluvchining ipoteka krediti asosiy summasi va kredit bo‘yicha foizlarning 
har oydagi to‘lovlarida qatnashadigan, shuningdek, ipoteka krediti bo‘yicha solidar javob beradigan jismoniy shaxs; 

---

qarz yuki ko‘rsatkichi
- Qarz oluvchining barcha kreditlari va mikroqarzlari bo‘yicha o‘rtacha oylik 
to‘lovlari miqdorining qarz oluvchi va birgalikda qarz oluvchilarning tasdiqlangan o‘rtacha oylik daromadi miqdoriga 
bo‘lgan nisbati; 
birlamchi uy-joy bozori
- yangi tartib/loyiha doirasida qurilgan, shuningdek, yangi tartib/loyiha doirasidan 
tashqari foydalanishga topshirilgan sanadan ko‘pi bilan ikki yildan oshmagan pudrat tashkiloti hisobida bo‘lgan ko‘p 
qavatli/kvartirali uylardagi kvartiralarni taklif etuvchi bozor; 
ikkilamchi uy-joy bozori
– jismoniy va yuridik shaxslarga tegishli bo‘lgan, shuningdek, kimoshdi 
savdolariga sotuvga qo‘yilgan, sotib oluvchilarga bozor narxlarida taklif etuvchi bozor; 
boshlang‘ich badal
— sotib olinadigan uy-joy qiymatining ipoteka krediti olish uchun qarz oluvchi 
tomonidan o‘z mablag‘lari va qonun hujjatlarida taqiqlanmagan boshqa manbalar hisobidan belgilangan me’yorlarda 
shakllantiriladigan qismi; 
ipoteka krediti
— aholiga birlamchi/ikkilamchi uy-joy bozoridagi uy-joylarni sotib olish uchun
Moliya vazirligi tomonidan joylashtirilgan mablag‘lar, bankning o‘z mablag‘lari hamda qonun bilan taqiqlanmagan 
boshqa mablag‘lar hisobidan bozor tamoyillari asosida ajratiladigan kreditlar;