Xalq banki tizimida shartnomalarni tuzish bo‘yicha Tavsiyalar

12. FORS-MAJOR HOLATLAR 
12.1. Taraflarning erki va istagiga bog‘liq bo‘lmagan hamda oldindan ko‘ra bilish yoki oldini olib 
bo‘lmaydigan, favqulodda vaziyatlar oqibatidagi yengib bo‘lmas kuch tufayli taraflar mazkur Shartnoma bo‘yicha 
olgan majburiyatlarini qisman yoki to‘liq bajara olmasalar (fors-major), buning uchun ular javobgarlikdan ozod 
etiladilar. 
Quyidagilar favqulodda vaziyatlar (fors-major) bo‘lib hisoblanadi: suv toshqini, yong‘in, zilzila, portlash, 
bo‘ron, yer ko‘chkisi, epidemiya, pandemiya va boshqa tabiat hodisalari, urush yoki harbiy harakatlar, fuqarolik 
tartibsizliklari, terrorchilik harakatlari.
12.2. Fors-major holatlari yuzaga kelganda majburiyatlar bajarish muddati bunday holatlar va ularning 
oqibatlari davom etgan vaqtga mutanosib ravishda kechiktiriladi.
12.3. Taraflar fors-major holatlari vujudga kelganligi va tugaganligi haqida zudlik bilan yozma ravishda
bir-birlarini xabardor qilishlari lozim. 
12.4 Fors-major holatiga asoslanayotgan taraf, vakolatli davlat idorasining bunday holatlarni vujudga 
kelganligini tasdiqlovchi tegishli hujjatini taqdim etishi shart. 
13. BOSHQA SHARTLAR 
13.1. Qarz oluvchi va Birgalikda qarz oluvchi ipoteka krediti hisobiga sotib olingan uy-joyni Bankning 
yozma roziligisiz qayta qurish va o‘zgartirish huquqiga ega emas. 
13.2. Ipoteka krediti hisobiga sotib olingan uy-joyni Bankning yozma roziligisiz qayta qurganlik va 
o‘zgartirganlik uchun Qarz oluvchi va Birgalikda qarz oluvchi qonunchilikda belgilangan tartibda javobgar bo‘ladi va 
uy-joyni o‘z hisobidan avvalgi holatiga keltirish majburiyatini oladi. 
13.3. Kredit shartnomasi amalda bo‘lgan davrda Bankning yozma roziligisiz davlat kadastr organi, 
kommunal ekspulatatsiya xizmati, notarial idora va ichki ishlar organlari orqali uy-joyni sotish, voz kechish, ijaraga 
berish, ipoteka narsasiga uchinchi shaxslar va yaqin qarindoshlarni ro‘yxatga qo‘yishga ruxsat berilmaydi. 

---

13.4. Ushbu shartnomaga har qanday o‘zgartirish va qo‘shimchalar ular yozma ravishda rasmiylashtirilgan 
va bir tomondan Bank hamda boshqa tomondan Qarz oluvchi va Birgalikda qarz oluvchi tomonidan imzolangan 
taqdirda haqiqiy hisoblanadi.
13.5. Bank o‘z xohishiga ko‘ra Qarz oluvchiga nisbatan ushbu shartnomada belgilangan har qanday 
huquqdan foydalanishi yoki foydalanmasligi mumkin. Bank tomonidan mazkur huquqlardan foydalanmaslik yoki 
qisman foydalanish, mazkur huquqlardan voz kechilganligini anglatmaydi va Bank keyinchalik ulardan har qanday 
vaqtda foydalanishi mumkin.
13.6. Ushbu shartnoma bir xil yuridik kuchga ega bo‘lgan uch nusxada tuzilgan bo‘lib, tomonlarda bir 
nusxadan saqlanadi.