|
Ulu came (Bursa)
I Murad dövründə ucaldılmağa başlanılıb. İldırım Bəyazıd dövründə davam edib. Çələbi Mehmet zamanında bitirilib. 20 qübbəlidir. 12 sütunludur. İçində bir hovuzu, şəlaləsi, içərisi gözəl xəttatlıq nümunələrilə bəzədilib. 2 minarəlidir. Bursanın ən böyük camesidir.
Anadolu Hisarı
İldırım Bəyazid tərəfindən 1391-ci ildə tikilib. İstanbul boğazının ən dar yerində və Anadolu yaxasında yer alır. Əski adı Güzelcehisardır. 7 qübbəsi var. Hasar İstanbul mühasirəsində boğazdan keçərək Bizansa kömək olacaq gəmilərin qarşısını almaq üçün tikilib və içinə toplar yerləşdirilmişdir.
15-ci əsr
15-ci əsr Osmanlı dövlətinin yüksəliş dövrüdür. Bu yüksəliş yalnız əsgəri, siyasi və ekonomik sahədə deyil. Osmanlı tarixinin bu dövrü həm də mədəniyyət və incəsənətin inkişaf etdiyi bir dövrdür. Bu inkişaf əsasən İstanbulun fəthindən sonra daha da geniş vüsət almışdır. 15-ci əsrdə hakimiyyətdə olan 4 hökmdar elmə, sənətə böyük dəyər verən hakimlərdən olmuşdur: Çələbi Mehmet, II Murad, Fateh, II Bəyazıd. Bu hökmdarlar idarəçilik və hərbi baxımdan üstün olmaqla bərabər, həm də elm adamı və şair idilər.
Dostları ilə paylaş: | 
