Xayol - tafakkur singari yuksak darajada rivojlangan bilish prosesslari jumlasidan bo‘lib, u insonlargagina xos jarayondir. Xayol inson faoliyatining turli sohalarida muhim rol o‘ynaydi. Chunki mehnatning natijasini aniq tasavvur qilmasdan turib kishi ishga kirishmaydi. Mehnatning bo‘lajak natijasini xayol yordamida oldindan ko‘ra bilish esa inson faoliyatining xayvonlar instinktiv harakatlaridan tub farqi bo‘lib hisoblanadi. Har qanday mehnat jarayonida xayol faol ishtirok etadi.
INDIVIDUAL PSIXOLOGIK XUSUSIYATLARI
“Individuallik”— Bir odamni boshqa bir odamdan farqlovchi barcha o‘ziga xos xususiyatlar majmuini o‘z ichiga oladi. Shu nuqtai nazardan shaxs tizimini tahlil qiladigan bo‘lsak, shaxsning individualligiga uning qobiliyatlari, temperamenti, xarakteri, irodaviy sifatlari, emosiyalari, xulqiga xos motivasiya va ijtimoiy ustanovkalari kiradi.
Qobiliyatlar
Qobiliyatlar — shaxsdagi shunday individual, turg‘un sifatlarki, ular odamning turli xil faoliyatdagi ko‘rsatgichlari, yutuqlari va qiyinchiliklari sabablarini tushuntirib beradi.
