Start oldi titrog‘i - markaziy asab sistemasida qo‘zg‘alish jarayonining keragidan ortiq ko‘payishi, uning tormozlanishidan ustun turishi va organizmga keng yoyilishi oqibatida yuzaga keladi. Bundan tashqari qo‘zg‘alish jarayonining kuchli bo‘lishi harakat uyg‘unligining buzilishiga olib keladi. Start oldi titrog‘ida psixologik xayajonlanish funksiyalarning ortiqcha kuchayishi, ayniqsa, muskullarning ortiqcha qo‘zg‘alishi energiya sarfini oshiradi va o‘quvchi ish boshlanmasdan oldinroq energiyani ma’lum qismini yuqotib, bu hol ish qobiliyati pasayishiga olib keladi.
