Yuzi“ bo‘limini

1.2- Ko‘pburchak ichki va tashqi burchaklarining xossalari

1. 
   Ko‘pburchaklar. A₁A₂, A₂A₃, ..., A_{n – 1}A_n, A_nA₁ kesmalardan tuzilgan shaklni ko‘rib chiqamiz. Kesmalar shunday joylashganki, hech qaysi ikki qo‘shni kesma (ular umumiy uchga ega) bir to‘g‘ri chiziqda yotmaydi, qo‘shni bo‘lmagan kesmalar esa umumiy nuqtaga ega emas (1- rasm). Bunday shakl ko‘pburchak deyiladi. A₁, A₂, ..., A_n nuqtalar (uchlar) ko‘pburchakning uchlari, A₁A₂, A₂A₃, ..., A_{n – 1}A_n, A_nA₁ kesmalar esa ko‘pbur- chakning tomonlari deb ataladi.
   

Ko‘pburchak tomonlari soni uning uchlari soniga, ya’ni burchaklari soniga teng. Ko‘pburchaklar uchlari (to- monlari) soniga ko‘ra uchburchaklar, to‘rtburchaklar, beshburchaklar va hokazolarga bo‘linadi Agar yopiq siniq chiziq o‘z-o‘zi bilan kesishmasa, bunday siniq chiziq sodda yopiq siniq chiziq deyiladi. U tekislikning shu siniq chiziqqa tegishli bo‘lmagan nuqtalarini ikki sohaga – ichki va tashqi sohaga ajratadi hamda umumiy chegara vazifasini bajaradi. 1- rasmda ichki soha bo‘yab ko‘rsatilgan



1- ta’rif. Agar ko‘pburchak uning ixtiyoriy tomonini o‘z ichiga olgan to‘g‘ri chiziq bilan bitta yarim tekislikda yotsa, u qavariq ko‘pburchak deyiladi. Bunda to‘g‘ri chiziqning o‘zi ham shu yarim tekislikka tegishli hi- soblanadi.

2- a va 3- rasmda qavariq ko‘pburchak, 2- b rasmda esa noqavariq ko‘pburchak tasvirlangan. Ixtiyoriy uchburchak – qavariq ko‘pburchakdir (3- rasm)