Ózbekstan respublikasí joqarí HÁm orta arnawlí bilim ministrligi

Investiciya fondınıń xızmeti. Investorlardıń pul qarjıların háreketke kosıw maqsetinde Akciyalar satıp alatuǵın hám shıǵaratuǵın hám de qarjılardı fond atınan bahalı qaǵazlarǵa, banklerdegi esap betlerine hám amanatlarǵa qoyatuǵın yuridikalıq tárep investiciya fondı bolıp esaplanadı.
Investiciya institutları hár qanday shólkemlesiw-huqıqıy túrinde duziliwi múmkin, tek ǵana ashık túrdegi akcionerlik jámiyet túrinde shólkemlestiriliwi múmkin bolǵan investiciya fondı buǵan kirmeydi.
Depozitar xızmeti. Bahalı qaǵazlar jámiyettin úlken bir baylıǵı esaplanıp, basqa baylıqlarǵa salıstırǵanda ulıwma qunı boyınsha da kólemi boyınsha da aldıńǵı orınlarǵa shıkpaqta. Sonıń ushın da baylıqtı saqlaw, bulardı bir tárepten ekinshi tárepke ótiwin ámelge asırıw hám bulardı huqıqıy tárepten tuwrı rásmiylestiriw ushın arnawlı shólkemlerdin payda bolıwı tábiyǵıy bir jaǵday boldı. Bunday arnawlı shólkemler bolıp depozitariyler esaplanadı.
Depozitariy depozit sózinen kelip shıǵıp saqlap turıw yamasa saqlap qoyıw degen mánisti bildiredi.
Depozitar hám depozitariy isi menen baylanıslı xızmetke tómendegiler kiredi:

• 
  naqlay hám naqlay emes kórinistegi bahalı qaǵazlardı saqlaw;
  
• 
  depozitariyde saqlanıp atırǵan bahalı qaǵazlar boyınsha huqıqlar esabın júrgiziw, yaǵnıy bir bahalı qaǵazdıń bir tárepten ekinshi tárepke ótiwin ámelge asırıw hám de olar boyınsha esap-sanaqlardı orınlaw;
  
• 
  bahalı qaǵazlar emitentleri hám iyeleri boyınsha elektron maǵlıwmatlar bazasın júrgiziw hám basqalar.
  

Bahalı qaǵazlardı saqlaw hám bul bahalı qaǵazlarǵa bolǵan huqıqlardı esapqa alıp barıw boyınsha xızmetler kórsetiw depozitariy xızmeti dep esaplanadı.
Depozitariy xızmeti menen shuǵıllanǵan investiciya institutı depozitariy dep ataladı. Depozitariy yuridikalıq tárep bolıp ǵana xızmet ete aladı.