ZəLİmxan yaqub seçİLMİŞ
Yüklə 1,5 Mb. Pdf görüntüsü
|
|
QOŞA SƏTİRLƏR
Türk dünyasının böyük şairi Nəcib Fazil Qısakürəyin ruhuna ulu sevgilərlə GÖZƏLLİK Allahım! Gözümü tox, ürəyimi ac elə, Sən məni gözəlliyə həmişə möhtac elə. RUH Allah, vaxtsız ayırma bizdən müqəddəs ruhu, Qoru, necə qorudun tufan içində Nuhu. HƏYAT SEVGİSİ Kim sevirsə həyatı, yeri, göyü, varlığı, Qırx arşın quyuda da olmaz onun darlığı. BEŞİK-TABUT İlkim ağacdan beşik, sonum ağacdan qutu, Kim yırğalar beşiyi, kim qaldırar tabutu. QURTULUŞ Ürək hər addımbaşı ağır bir dərdə tuşdu, Ölüm insan oğluna ən gözəl qurtuluşdu. BİRCƏ SANİYƏ Fani dedik dünyaya, bel bağlama faniyə, Ömür yüz il olsa da, ölüm bircə saniyə. ÖMRÜN AXŞAMI Səhər pəncərəni aç, axşam qapını bağla, Axşamı gələn ömrə bir dəsmal götür, ağla! ___________________Milli Kitabxana__________________ 228 SƏRGİ Bu dünya başdan-başa tamaşadı, sərgidi, Dünyaya gələnlərin hamısı gedərgidi. QILINC-BALINC Başımızın altına qoyulan balınca bax, Başımızın üstündə yellənən qılınca bax! BAŞÇI Başçıda baş olanda, baxtımıza gün düşər, Başçı başsız olanda, baxtımız düyün düşər. VAXT Nə yıxılana baxır, nə yerindən qalxana, Zaman axır sulartək hey çalxana-çalxana! ANLAMAQ Vaxtında anlasaydıq nədir xeyir-şərimiz, Yerin bir tərəfini əyərdi ləngərimiz! KİTAB Dünya qədim bir kitab, oxunur varaq-varaq, Onu kim qurtardı ki, biz oxuyaq qurtaraq?! QURAN Bir kitab oxuyuram, ucadı hər kitabdan, Allah, məni ayırma bu şirin iztirabdan! NƏ QƏDƏR Kİ Nə qədər ki, insanın gözündən axan su var, Nə qəlbin rahatlığı, nə gözün yuxusu var! ŞAM Könül, əgər bənzəməsən pərvanəyə, ya şama, Çırp özünü qayalara, öl, dünyada yaşama! ___________________Milli Kitabxana__________________ 229 CANLI-CANSIZ Dünyaya canlı gələn dünyadan cansız gedər, İnamı olmayan kəs dinsiz-imansız gedər! KİŞİ-NAKİŞİ Zəlzələ də tərpətməz nakişinin tükünü, Ancaq kişilər çəkər bu dünyanın yükünü! İLK GÜNAHKAR Həsrət qalıb cənnətə buğda yeyəndən bəri, İlk günahkar kim olub, haqqın ilk peyğəmbəri! TARİX Ahdı burulub çıxan tüstülü bacalardan, Nələr gördü bu tarix, soruşun qocalardan. QIRIŞLAR Yorulub, yola salıb payızları, qışları, Anamın alnındakı zamanın qırışları. ZİYARƏT Qurban olum Məkkəyə, məndən inciməz qəti, Anamın ayaqları başımın ziyarəti. ƏR-SƏNGƏR Xalqın ümid qaynağı ər oğlu ərdən gələr, Döyüş vaxtı kişinin səsi səngərdən gələr. VAXT Yaman aldı üstümü, yaman yerdə təklədi, Mən vaxtı tutammadım, vaxt məni ətəklədi. ___________________Milli Kitabxana__________________ 230 YAXŞI Kİ Allah! Allah! Nə qədər yalançı qəhrəman var? Yaxşı ki, hər əməlin son hakimi zaman var. DUYA BİLMƏZ Yıxdı xalqın evini yalançılar, saxtalar, Milləti duya bilməz qəlbi, ruhu taxtalar. BÖYÜK MƏQSƏD Ölsə də şəhidimiz, qalsa da şikəstimiz, Cəmiyyətin boynunu düzəltməkdi qəsdimiz. ƏSİR-HƏSİR Kim qarnının quludu, kim nəfsinin əsiri, Küçələrin tozudu, ayaqların həsiri. DAŞ-BAŞ Atılan daşlara bax, heyfini başdan çıxır, Yarılan başlara bax, qisməti daşdan çıxır. FACİƏ Xalqa üz qaralığı insana təhqir, ləkə, Millətin faciəsi köləlik, müstəmləkə. XƏZİNƏLƏR-DƏFİNƏLƏR Yatır torpaq altında xəzinələr, dəfnələr, Allah tək insanı yox, xəznəni də dəfn elər. SIXINTI Tale insan oğlunu hər gün sıxasıxdadı, Həzrəti İsa kimi hərə bir çarmıxdadı. ___________________Milli Kitabxana__________________ 231 QİYAMƏT İtilənib qılınclar, hazırlanıb tilovlar, Qiyamət qopa bilər səngiməsə alovlar. SUAL Görəsən bu milləti dartıb, hara çəkirik? Dardan xilas edirik, yoxsa dara çəkirik? DÜNƏN-BU GÜN Dünənki faciəmiz gur alqışlar, çəpiklər, Bugünkü faciəmiz fışqırıqlar, təpiklər. DUA Göy əsgiyə bürünüb ömürləri, günləri, Allah, özün razı sal taledən küskünləri. TORPAQ Nəfəs candan üzülüb, ruh çıxanda bədəndən, Əbədi vətən üçün ayrılırsan Vətəndən. HEÇ NƏ ƏBƏDİ DEYİL Əbədi qalan deyil nə saraylar, nə damlar, Hərdənbir yerə baxsın göynən gedən adamlar. QEYRƏT Qeyrət elə şeydi ki, qanadı var, canı var, Önündə Çin səddi çək, aşmağa imkanı var, DƏLLAL Elə ki ağırlaşır, çətin olur halları, Xalqı alverə çəkir siyasət dəllalları. ___________________Milli Kitabxana__________________ 232 BACARMAZ Bacarar krallığı, sultanlığı, şahlığı, Bəndə yaranan insan bacarmaz Allahlığı. SƏS GƏLİR Qulaq ver qəbirlərə, səs gəlir dədələrdən, "Heyifdi, insanlığı qoruyun zədələrdən". SEVGİ Sevgidən mayalanır qəlbin, gözün toxluğu, Dünyaya sevgiylə bax, var eləsin yoxluğu. SÖZ Söz kəsdim, söz doğradım, sözdən tutdum şələmi, Tanrının özü yonub mən tutduğum qələmi. ULU SÖZ Dahilər ulu sözün səcdəsinə gəldilər, Peyğəmbər məqamına söz ilə yüksəldilər. ADİ-DAHİ Yaranan var adidi, doğulan var dahidi, Biz kimik? Hər qisməti göndərən İlahidi. PİSLİK-HƏRİSLİK İnsanın insan üçün yamanlığı, pisliyi, Pula, vara, dövlətə, şöhrətə hərisliyi. KEÇƏR Başımızın üstündən həftələr, aylar keçər, Qəbrin qaşına doğru bizi haraylar, keçər. ___________________Milli Kitabxana__________________ 233 GÖZ YAŞI Yanağımı göz yaşı, qəlbimi qəm izlədi, Ağladım, günahımı göz yaşım təmizlədi. GÜNAH Göylərə bülənd olub tüstüləri, ahları, Qat-qat çoxdu savabdan insanın günahları. VAY, O GÜNDƏN Vay o gündən, haqlı dura, haqsız olanlar danışa, Haqqın gözü baxa-baxa xalqa yalanlar danışa. DƏRS Kim xalqa qənim olub, görsə işin tərsini, Vaxtın geci-tezi var, tarix verər dərsini. OVÇU Ovçunun ürəyinə şikar düşər, ov düşər, Ov bərəyə gəlincə saçlara qrov düşər. NƏFS Bir günü azad olsa, beş günü əngəldədi, Nəfsə nökər olanın boğazı cəncəldədi. ALLAH-DİN Son gündo eşq Allahım, məhəbbət dinim olsun, Bir "Ruhani" havası mənim yasinim olsun. NİYƏ Niyə tutqunsan gözəl, qəlbin niyə qəm çəkib, Sənin ki, qaşlarına İlahi qələm çəkib?! ___________________Milli Kitabxana__________________ 234 NƏ VAXT Dünya nə vaxt dağılır? Nahaq haqqı dananda, Oğruların sözünə doğrular inananda. İŞIQ-YARAŞIQ Bizi məhrum eləsə günəş boyda işıqdan, Göy üzü gözdən düşər, yer üzü yaraşıqdan. ŞAİR EŞQİ Şerimin atəşiylə əritmişəm buzları, Göylərdən çiçək kimi dərmişəm ulduzları. KƏRBƏLA Bizi tapır Allahın hər dərdi, hər bəlası, Hər kəndin bir çölü var, hər çölün Kərbəlası. ALLAH ADAMI Yaxın qoymaz qeybəti, gözü, könlü durular, Yerə baxar sevinər, göyə baxar vurular. TANRI PAYI Tanrı payı olmasa mərdlik, qətiyyət, vüqar, Nə Əlidən ər olar, nə qılıncdan Zülfüqar. MUĞAMLAR, ŞİKƏSTƏLƏR Elin bağrından qopub muğamlar, şikəstələr, Bu xalqın nəğməsini Allah özü bəstələr. QAÇQIN OCAQLARI Canımda bir od yanır, istili, bürkülüyəm, Qaçqın ocaqlarının tüstüsüyəm, külüyəm. ___________________Milli Kitabxana__________________ 235 POEMALAR ___________________Milli Kitabxana__________________ 236 |