1. Figuralami farqlay olish, qismlarga bo‘lish, qismlardan figuralar hosil qilish

MA’RUZA-1
MAVZU: FIGURALAMI FARQLAY OLISH, QISMLARGA BOIISH, QISMLARDAN FIGURALAR HOSIL QILISH, KO‘PBURCHAKLAR PERIMETRI HAMDA YUZASINI HISOBLASH, PERIMETR VA YUZA O‘LCHOV BIRLIKLARI VA ULAR ORASIDAGI BOG'LANISHGA DOIR MASALALAR YECHISH.
Reja:
1. Figuralami farqlay olish, qismlarga bo‘lish, qismlardan figuralar hosil qilish.
2. Boshlang‘ich sinflarda perimetr va yuza tushunchalarini o‘rgatish metodikasi. Ko‘pburchaklar perimetri hamda yuzasini hisoblash.
3.Perimetr va yuza o‘lchov birliklari va ular orasidagi bog‘lanishga doir masalalar yechish.
4. Boshlang‘ich sinflarda sig‘im, hajm tushunchalarini o‘rgatish metodikasi.
Tayanch so‘zlar: Perimetr, yuza, sig‘im, hajm, o‘rgatish metodikasi,figuralarni farqlay olish.
Figuralarni farqlay olish, qismlarga bo‘lish, qismlardan figuralar hosil qilish.
Tekis figuralarning boshqa xossalari orasida yuzlarni o‘lchash amaliy usulga asoslangan. Dastur bo‘yicha «Yuz. Yuz birliklari» mavzusi 4- sinfda o‘rganiladi. Yuz haqida boshlang‘ich tushunchalarni shakllantirish bo‘yicha tayyorgarlik ishi 1-2-sinflardan boshlanadi.
Bosma asosidagi daftarlar bilan ishlashda figuralarni bo‘yash, mehnat darslarida qog‘ozdan figuralar qiyib olish, tasviriy san’at darslarida rasm solish figurani tekislikning yopik, chiziq, bilan chegaralangan bo‘lagi sifatida mexanik qabul qilinishiga imkon beradi. Geometrik sanoq materialidan foydalanib, bolalar bir-biridan juda farq, qiladigan yoki mutlaqo bir xil bo‘ladigan figuralarni bemalol taqqoslaydilar. Biroqseminar shuni ko‘rsatadiki, bolalar «figuraning yuzi» mav­zusi materialini qiyinchilik bilan o‘zlashtiradilar. Masalan, turli shakldagi narsalarni taqqoslash ko‘pincha uning chiziqli o‘lchamlarini taqqoslashga keltiriladi.
Bolalar ko‘pincha yuzni o‘lchash tushunchasini uni radional hisoblash usuli bilan aralashtirib yuboradilar. «To‘g‘ri to‘rtburchakning yuzini ulchash nimadan iborat?»,— degan savolga bolalar ko‘pincha bunday javob beradilar: «bu uning bo‘yini va enini o‘lchab, ularni ko‘paytirish demakdir». Biroq to‘rtburchakning yuzini topish degan so‘z unda yuz birligi (sm², m ) necha marta joylashishini aniqlashdir.
Mazkur mavzuni o‘rganishda o‘qituvchi tilga oid qiyinchilikka ham duch keladi, chunki u geometriyadagi «tekislik» tushunchasiga tayana olmaydi. Shu sababli yuz tushunchasini shakllantirish bo‘yicha birinchi darslar juda muhimdir. Ular bolalarning yuz tushunchasining aniq ma’nosini tushunishlarini ta’minlashga qaratilgan bo‘lishi kerak.
O‘quvchilarni yuz atamasi bilan va yuzlarni dastlabki taqqoslash bilan tanishtirishni yaxshisi amaliy mashqlarni o‘tkazish jarayonida o‘tkazgan ma’qul.
Mazkur mavzu bo‘yicha suhbatdan bir parchani keltiramiz.
O‘qituvchi. Bolalar, ishlashimizga qulay bo‘lishi uchun partadagi o‘z ish o‘rnimizni tartibga keltirib olaylik. Partani o‘rtog‘ingiz bilan bo‘lib oling. Ish o‘rningizdan ortiqcha narsalarni oling. Mening ish o‘rnim esa o‘qituvchi stolidir. (O‘qituvchi qo‘llari bilan butun stol sirtini qamrab ko‘rsatadi.) Sizlar ham, bolalar, o‘z ish o‘rningizni ko‘rsating. Kimning ish o‘rni ko‘prok, siznikimi yoki menikimi? Sizning ish o‘rningizda kitoblar va daftarlar turibdi, ular ham ma’lum bir joy egallaydi. O‘qituvchi bolalarni ularning sirtidan qo‘llarni o‘tkazishga majbur qiladi.) Daftar ko‘p joy egallaydimi yoki kitobmi ? Buni qanday aniqlash mumkin? Geometrik figuralar ham ma’lum joy egallaydi. Agar bolalar ustma-ust qo‘yib taqqoslashni unutgan bo‘lsalar, o‘qituvchi kitob va daftar sirtlarini ustma-ust qo‘yib, javobga yordamlashadi. (O‘qituvchi qo‘liga turli rangdagi katta kvadrat va kichik doira oladi.) Qaysi figura ko‘prok, joy egallaydi? iuni qanday isbotlash mumkin? (Doirani kvadratning ustiga qo‘yish kerak. Doira kvadratning bir qismini egallaydi, demak, u kamroq joy egallaydi.) Shunday qilib, istalgan figura yoki narsa ma’lum joy egallaydi, ularni taqqoslash mumkin, demak, miqdor, bilan tavsiflash mumkin. Bu miqdor yuz deb ataladi. Doskaga «Yuz» kartochkasi qo‘yiladi. Yuz nimani ko‘rsatadi? (Yuz shu figura qancha joy egallashini ko‘rsatadi).
Mustahkamlash maqsadida amaliy ish o‘tkaziladi. Flanelegrafda figura juftlari o‘rnatilgan.

1 2

O‘qituvchi. Bu uchburchaklarning yuzlarini chamalab solishtiring (bolalar uchburchaklar yuzlarining teng yoki farq qilishi haqida tortishishlari mumkin). Kim haqligini qanday is­botlash mumkin? (O‘quvchi figuralarni oladi va bir-birining ustiga qo‘yadi.) Figuralar ustma-ust tushdi. Qanday xulosa chiqaramiz? (Figuralar har xil joylashgan bo‘lsada, ularning yuzlari teng.)
O‘qituvchi umumlashtirishga yordam beradi: agar figuraning holati o‘zgartirilsa, uni surilsa, bu figuraning yuzi o‘zgarmaydi.Endi mana bu figuralarga qarang. O‘qituvchi topshiriqlarni variantlar bo‘yicha beradi. Qaysi figura­ning yuzi katta? Qanday tekshirib ko‘rish mumkin? (Javob berayotgan bolalar, bir figuraning ustiga ikkinchi figurani qo‘yib, xulosa chiqaradilar).





O‘qituvchi. Mendagi konvertda bir necha figura bor. Chaqirilgan o‘quvchi ularni flanelegrafda yuzlarining kamayib borish tartibida bir qator qilib terishi kerak. Sizlarning partangizda ham figuralar solingan konvert bor. Siz ularni yuzlari ortib boradigan tartibda joylashtirishingiz kerak (Namoyish etiladigan va har bir bolaga beriladigan konvertlarda ustma-ust qo‘yib taqqos- lash mumkin bo‘lgan figuralar bor, ya’ni yuzi bo‘yicha kichik figura katta figuraga to‘la joylashadi).
Tekshirish vaqtida «Yuzlarining kamayib (ortib) boradigan tartibida joylashtirish» nima ekanligi aniqlashtirildi.
Bolalarga beriladigan konvertlarda bir necha variantlarda topshiriqar bor. Bir variantdagi figuralar bir rangli qog‘ozdan yasaladi. Agar figuralarni oldindan nomerlab qo‘yilsa, o‘qituvchi rang va sonlar kodi bo‘yicha natijalarni bir zumda tekshira oladi. Javoblarni yozishda shaxsiy doskalardan foydalanish mumkin, chunki bu holda o‘qituvchi barcha o‘quvchilarning javoblarini birdaniga ko‘ra oladi.
Umumlashtirish. Biz figuralar va narsalarning yangi xossasi — yuzi bilan tanishdik. Yuz figura qancha joy egallashini ko‘rsatadi. Yuz — bu miqdordir, chunki uni taqqoslash mumkin. Mustahkamlash maqsadida bolalar atrofdagi narsalarning yuzlarini taqqoslaydilar, darsliklardagi topshiriklarni bajaradilar.
Bu darsdagi turtta bir xil kvadratdan turli figuralar yasaladigan va ularning yuzlari tengligini isbotlash kerak bo‘lgan topshiriqni yaxshisi keyingi darsga o‘tkazish kerak, bu darsning maqsadi esa yuz o‘lchovlari tushunchasini kiritish va eng qulay o‘lchovni tanlashga o‘gatishdan iborat. Bu darsda «miqdor» tushunchasini yana bir marta umumlashtirish va uning asosiy xossasini ta’kidlash imkoniyati paydo bo‘ladi: agar narsaning xossasini ustma- ust qo‘yish bilan taqqoslash mumkin bo‘lsa, u holda uni o‘lchash, ya’ni miqdor bilan tavsiflash mumkin.