17-mavzu. O'tkazgichlar elektrostatik maydonda
Reja
1. Elektrostatik maydonda o'tkazgich. Zaryadlarning taqsimlanishi.
2. Elektr sig'imi. Kondensatorlar.
3. Elektrostatik maydon energiyasi.
4. Elektrostatik maydondagi dielektrik. Dielektrik singdiruvchanlik va dielektriklarning kutblanishi.
5. P`ezoelektriklar va segnetoelektriklar to'g'risida tushuncha.
§1. Elektrostatik maydonda o'tkazgich. Zaryadlarning taqsimlanishi.
Agar metall sharcha bir jinsli elektr maydoniga joylashtirilsa, maydon ta'sirida erkin elektronlar chapga qarab harakatlanib sharning chap yuzasi manfiy, o'ng yuzasi musbat zaryadlanib qoladi. Bu hodisa elektrostatik induktsiya deb ataladi.
Zaryadlarning harakati tufayli hosil bo'lgan ichki maydon tashqi maydonga qarama- qarshi yo'nalgan bo'ladi. Harakat esa ichki maydon tashqi maydonga tenglashguncha davom etadi. Natijada, tashqi elektr maydonga kiritilgan o'tkazgich ichida elektr maydoni bo'lmaydi. Bundan tashqari o'tkazgich yuzasidagi nuqtalarda potentsial bir xil bo'ladi va kuch chiziqlari yuzaga perpendikulyar bo'ladi (1-rasm).
1-rasm
Bundan tashqari, elektr maydon, ichi bo'sh sharda ham nol` bo'ladi. Elektrostatik himoya shu hodisaga asoslangan. Agar bir asbobni tashqi maydondan himoya qilish kerak bo'lsa, u metall setka ichiga qo'yiladi.
Dostları ilə paylaş: | 
