Amaliy ish №1 Bajarilish muddati: 2 soat Mavzu

Amaliy ish №1

Bajarilish muddati: 2 soat

Mavzu: Axborot tizimlarida ma’lumotlarni tasvirlash, tashkil etish. Axborotlarni izlash.

Ishning maqsadi: Axborot tizimlarida Ma’lumotlarni tasvirlash, tashkil etish. Axborotlarni izlash xaqidagi ma’lumotlarni tushunarli qilib yetkazish.

Nazariy qism:

Axborot tizimlari deganda axborotlarni saqlash, izlash, turlarga ajratish, uni qayta ishlash prinsplari, usullari, vositalari tushuniladi. Axborot tizimlari orqali ombordagi ma’lumotlarni tartiblash, avtomatik izlash, ma’lumot almashish mumkin. Bu tizim nasosida bilimlar omborini boshqarish tizimi yaratiladi. Tizim deganda, yagona maqsad yo’lida bir vaqtning o’zida ham yaxlit, ham o’zaro bog’langan tarzda faoliyat ko’rsatadigan bir necha turdagi elemetlar majmui tushuniladi.

Belgilangan maqsadga erishish uchun axborotlarni shakli va mazmuniga ko’ra turlarga ajratish, ularni saqlash, izlash va qayta ishlash prinsplariga, qayta ishlashda qo’llaniladigan usullar, shaxslararo hamda vositalarning o’zaro bog’langan majmuiga Axborot tizimi deyiladi.

Axborot tizimining asosiy vazifasiga berilgan turdagi axborotni izlash, uni qayta ishlash va qisqa vaqt ichida kerakli joyga uzatish masalalarini hal qilish kiradi. Kompyuterlarni takomillashuvi dunyodagi barcha o’zgarishlarni o’z ichiga qamrovchi yagona axborot tizimini yaratishga imkoniyat yaratdi. Agar o’tgan asrning 60-70- yillarida axborot turiga qarab alohida-alohida qayta ishlagan bo’lsa, 80- yillar oxiriga kelib, ular yaxlit bir o’rinishda- integrallashgan axborot tizimlariga birlashdi.1983-1985- yillarda yaratilgan hozirda keng tarqalgan integrallashgan tizimlardan Symphony, Framework, Lotus 1,2,3 va boshqalar bunga misol bo’ladi.HAr bir axborot tizimida standart nazariy vositalar mavjud bo’lib, ularning vazifasiga ko’ra kiritilayotgan ma’lumotlardagi mantiqiyva sintaksis xatolarni aniqlash va ular xaqida foydalanuvchiga xabar berish kiradi.

Zamonaviy sharoitda axborot tizimi axborotlarni qayta ishlashning asosiy texnik vositasi sifatida shaxsiy kompyuterlardan foydalanishni ko‘zda tutadi. Yirik tashkilotlarda shaxsiy kompyuterlar bilan axborot tizimining texnik tarkibiga Mayk Freym yoki Super EHM kirishi mumkin. Bundan tashqari, axborot tizimi tarkibiga inson ham kiradi, chunki ishlab chiqilayotgan axborot unga mo‘ljallangan bo‘ladi va u siz bu axborotni olish yoki taqdim qilish mumkin emas.

Topshiriqlar:

1. 
   Axborot tizimlari xaqida umumiy ma’lumot.
   
2. 
   Axborot tizimlari turlari.
   
3. 
   Axborot tizimlarini tashkil etish va izlash.