G‘. Zaxidov

“TASDIQLAYMAN” Rektor, i.f.n., dots. G‘. Zaxidov ________________________ “____”_________ ______ yil

BOSHLANG‘ICH SINFLARDA O‘ZBEK TILINI O‘QITISH METODIKASI IV
FANNING O‘QUV DASTURI (SILLABUS)

Akademik daraja	Bakalavr		Ta’lim yo‘nalishi	Boshlang‘ich ta’lim
Fan kodi	TeachMeth M 326		Semestr	6
Fan nomi	Boshlang‘ich sinflarda o‘zbek tilini o‘qitish metodikasi IV		Modulning davomiyligi	16 hafta
Kredit hajmi (1 kredit = 30 soat)	ECTS: 6		Tayyorladi	Odil Parpiyev, ta’lim kafedrasi katta o‘qituvchi [e-mail]
Ajratilgan akademik soat hajmi	180		Talabalarni erkin qabul qilish kuni	Payshanba-juma, soat 14.00 – 18.00
	72 (aud)	108 (must)

Fan bo‘yicha talabaning bilimi, ko‘nikmasi va malakasiga
qo‘yilgan talablar
Mazkur fanni o’rganish davomida talaba:
- nutqiy kompetensiyalar, fonetika, grammatika, so‘z yasalishi va orfografiyani o‘rgatish metodikasi, o‘quvchilarda grammatika va so‘z yasalishiga oid tushunchalarni shakllantirishning metodik asoslari, boshlang‘ich sinflarda so‘zning morfemik tarkibini, so‘z turkumlarini o‘rganish metodikasi, sintaksis va punktuatsiya, nutq o‘stirish metodikasi haqida bilimga;
- boshlang‘ich sinflarda ona tili o‘qitishning ilmiy asoslarini, tamoyillarini, ona tili ta’lim jarayonida qo‘llanadigan metodlarni, dars turlari va tarkibini, boshlang‘ich sinf ona tili darslarida o‘quv-tarbiya jarayonini tashkil etishning eng qulay va foydali shakllari, usullari va vositalarini qo‘llay olish kabi ko‘nikmalarga;
- ona tili darslarida ta’lim va tarbiya birligi tamoyiliga amal qilish, dars jarayoniga ilg‘or va zamonaviy pedagogik texnologiyalarni olib kirish, kompyuter va o‘qitish texnika vositalaridan, turli ko‘rgazma hamda tarqatma materiallardan samarali foydalana olish, o‘quvchilar bilimini tekshirish va baholash shakllarini aniqlay olish, xatolarni kelib chiqish sabablarini aniqlash hamda xatolarning oldini olish va bartaraf qilish ustida ishlash malakasiga ega bo‘lishi ta‘minlanadi.
Fanga ajratilgan soatlar. Fanga ajratilgan umumiy soatlar hajmi 180 akademik soat bo‘lib, shundan auditoriya mashg‘ulotlari 72 soatni, mustaqil ta’lim 108 soatni tashkil etadi. Auditoriya mashg‘ulotlarida jami 68 soat (ma’ruza, amaliy/seminar, laboratoriya) fan mavzulari o’qitiladi va oraliq, yakuniy imtihonlar uchun 2 soatdan jami 4 soat vaqt ajratilgan.